Geetha Arts Tweet: ‘బస్తీ బాలరాజు’ వచ్చేస్తున్నాడు.. సినిమా తేదీని ప్రకటించిన చిత్ర యూనిట్‌..

Chaavu Kaburu Challaga Release Date: కరోనా దెబ్బకు అతాలకుతలమైన సినిమా ఇండస్ట్రీ ఇప్పుడిప్పుడే కోలుకుంటోంది. ఈ క్రమంలోనే అన్‌లాక్‌ నిబంధనలు ఒడిసిపట్టుకుంటున్న టాలీవుడ్‌ వరుస సినిమాలతో దూసుకెళుతోంది. ఇప్పటికే చాలా సినిమాలు వరుస పెట్టి విడుదల తేదీలను ప్రకటిస్తూ వస్తున్నాయి.

ఈ క్రమంలోనే మరో సినిమా విడుదల తేదీని తాజాగా ప్రకటించింది. కార్తికేయ హీరోగా, లావణ్య త్రిపాఠి హీరోయిన్‌గా ‘చావు కబురు చల్లగా’ అనే సినిమా తెరకెక్కుతోన్న విషయం తెలిసిందే. ఫుల్‌ లెంత్‌ కామెడీ ఎంటర్‌టైనర్‌గా తెరకెక్కుతోన్న ఈ సినిమాను మార్చి 19న విడుదల చేయనున్నట్లు చిత్ర యూనిట్‌ తాజాగా ట్విట్టర్‌ వేదికగా తెలిపింది. ‘బస్తీ బాలరాజు త్వరలోనే వస్తున్నాడు. పూర్తి వినోదానికి సిద్ధం కండి’ అంటూ గీతా ఆర్ట్స్‌ ట్వీట్ చేసింది. ఈ ట్వీట్‌తో పాటు.. కొత్త పోస్టర్‌ను కూడా విడుదల చేశారు. ఇదిలా ఉంటే.. అల్లు అరవింద్‌ సమర్పణలో గీతా ఆర్ట్స్‌ 2 బ్యానర్‌పై బన్నీవాసు ఈ చిత్రాన్ని నిర్మిస్తుండగా కౌషిక్‌ పెగల్లపాటి దర్శకత్వం వహిస్తున్నారు. ఇటీవల విడుదలైన ఈ సినిమా టీజర్‌ సినిమాపై అంచనాలు పెంచేసింది.

Also Read: Prabhas Adipurush Movie: ‘ఆదిపురుష్‌’లో అలనాటి అందాల తార.. రాముడికి తల్లిగానా..? లేక..?