NTR: ఎన్టీఆర్-కొరటాల శివ మూవీ నుంచి క్రేజీ అప్డేట్.. యంగ్ టైగర్కు జోడిగా ఆ ముద్దుగుమ్మ..
అటు వెండితెరపై.. ఇటు బుల్లితెరపై యంగ్ టైగర్ ఎన్టీఆర్ హవా కొనసాగిస్తున్నారు. ప్రస్తుతం తారక్... రాజమౌళి దర్శకత్వంలో ఆర్ఆర్ఆర్
అటు వెండితెరపై.. ఇటు బుల్లితెరపై యంగ్ టైగర్ ఎన్టీఆర్ హవా కొనసాగిస్తున్నారు. ప్రస్తుతం తారక్… రాజమౌళి దర్శకత్వంలో ఆర్ఆర్ఆర్ సినిమా చేస్తున్న సంగతి తెలిసిందే. ఇందులో మెగా పవర్ స్టార్ రామ్ చరణ్ సైతం లీడ్ రోల్ పోషిస్తున్నాడు. ఇటీవలే ఈ మూవీ షూటింగ్ పూర్తిచేసి.. ప్రస్తుతం పోస్ట్ ప్రొడక్షన్ పనులు నిర్వహిస్తుంది చిత్రయూనిట్. అయితే అక్టోబర్లో ఈ సినిమాను ప్రేక్షకుల ముందుకు తీసుకురానున్నట్లుగా గతంలోనే మేకర్స్ ప్రకటించగా..అనూహ్యంగా సినిమా విడుదలను వాయిదా వేసింది ఆర్ఆర్ఆర్ టీం. ఇక ఈ సినిమా తర్వాత ఎన్టీఆర్.. మాస్ డైరెక్టర్ కొరటాల శివ దర్శకత్వంలో నటించనున్నాడు. ఇటీవలే ఈ మూవీ అఫీషియల్ అనౌన్స్మెంట్ కూడా వచ్చేసింది. త్వరలోనే ఈ మూవీ సెట్స్ పైకి వెళ్లనుంది.
తాజాగా ఈ సినిమా నుంచి ఓ క్రేజీ అప్డేట్ ఫిల్మ్ సర్కిల్లో చక్కర్లు కొడుతుంది. ఇందులో ఎన్టీఆర్ సరసన బాలీవుడ్ బ్యూటీ అలియా భట్ హీరోయిన్గా నటించనున్నట్లుగా టాక్ వినిపిస్తోంది. అలియా ఇప్పటికే ఆర్ఆర్ఆర్ సినిమాలో రామ్ చరణ్కు జోడిగా నటిస్తున్న సంగతి తెలిసిందే. ఈ మూవీతో అలియా టాలీవుడ్ ఇండస్ట్రీలోకి ఎంట్రీ ఇవ్వబోతుంది.
Alia
ఇదిలా ఉంటే.. కొరటాల శివ తెరకెక్కించే సినిమాలో ఎన్టీఆర్ స్టూడెంట్ లీడర్ పాత్రలో నటించనున్నాడని.. ఇందులో పలువురు టాలీవుడ్ హీరోలు సైతం కీలకపాత్రలలో కనిపించనున్నట్లగా టాక్. ఈ చిత్రాన్ని నందమూరి కళ్యాణ్‌రామ్ సమర్పణలో యువసుధ ఆర్ట్స్, ఎన్టీఆర్ ఆర్ట్స్ బ్యానర్లపై నిర్మించనున్నారు. ఏప్రిల్ 29వ తేదీ 2022న రిలీజ్ చేస్తామని కూడా ముందే ప్రకటించేశారు మేకర్స్. ప్రస్తుతం ఈ మూవీ ప్రీ ప్రొడక్షన్ పనులను పూర్తి చేసే పనిలో ఉన్నాడు కొరటాల. అలాగే చిరంజీవి ప్రధాన పాత్రలో ఆచార్య సినిమాను తెరకెక్కిస్తున్న సంగతి తెలిసిందే.