Balakrishna : యాక్షన్ ఎంటర్టైనర్ గా గోపీచంద్ మలినేని సినిమా.. పల్నాటి వీరుడిగా కనిపించనున్న బాలయ్య
బాలయ్య సినిమాలన్నీ భారీ డైలాగులు, హైపవర్‌ యాక్షన్ సీన్లతో సాగుతూ.. నందమూరి అభిమానులకు మంచి కిక్కు నిస్తుంటాయి..
బాలయ్య సినిమాలన్నీ భారీ డైలాగులు, హైపవర్‌ యాక్షన్ సీన్లతో సాగుతూ.. నందమూరి అభిమానులకు మంచి కిక్కు నిస్తుంటాయి. ఇక ఇలాంటి కిక్కుకు తోడు ఓ చరిత్ర కారుని జీవితాన్ని బాలకృష్ణ రూపంలో చూస్తే ఎలా ఉంటుంది. రికార్డులన్నీ దాసోహం అనేలా ఉంటుంది కదూ..! ఇప్పుడు అలాంటి ఓ కథతోనే ఈ నటసింహం మన ముందుకు రోబోతున్నారు. గోపీచంద్ మలినేని డైరెక్షన్లో తెరకెక్కుతున్న సినిమాలో.. బాలయ్య బాబు ఓ పల్నాటి చరిత్ర కారునిలా కనించబోతున్నారట. ఇప్పుడిదే విషయం ఇండస్ట్రీలో హాట్ టాపిక్ గా మారింది. యాక్షన్ సినిమాలను ఫర్ఫెక్ట్‌గా తెరకెక్కించే గోపీచంద్ మలినేని… బాలయ్య కోసం ఓ పల్నాటి వీరుని కథను సిద్దం చేశారట. ఇక ఈ స్టోరీని అనుకున్న తరువాత.. ఇమ్మిడియట్గా బాలయ్య రూపం.. ఆవేశమే గుర్తుకు వచ్చిందట. అందుకే ఈ సినిమాను ఎలాగైనా బాలయ్యతోనే తెరకెక్కించాలని పకడ్భందీగా బౌండెడ్ స్క్రిప్ట్ తో ఆయన్ని కలిసి ఓకే చేయించుకున్నారట.. ఈ యంగ్ డైరెక్టర్.
ఇక ఇప్పటికే క్రాక్‌ సినిమాలో కటారి కృష్ణ క్యారెక్టర్‌ను వెండి తెరపై ఆవిష్కరించిన గోపీచంద్… పల్నాటి వీరునిగా బాలయ్యను ఇంకెలా చూపిస్తారో అంటూ.. అప్పుడే సోషల్ మీడియాలో హాట్ హాట్ గా చర్చ కూడా మొదలైంది. ప్రస్తుతం బాలయ్య బోయపాటి డైరెక్షన్ లో సినిమా చేస్తున్న విషయం తెలిసిందే. అఖండ అనే టైటిల్ తో తెరకెక్కుతున్న సినిమాలో బాలకృష్ణ రెండు విభిన్న పాత్రల్లో నటిస్తున్నారు. గతంలో బాలయ్య -బోయపాటి కాంబినేషన్ లో వచ్చిన సింహ, లెజెండ్ సినిమాలు భారీ విజయాలను సొంతం చేసుకోవడంతో అభిమానుల్లో అఖండ సినిమా పైన భారీ అంచనాలు ఏర్పడ్డాయి.
మరిన్ని ఇక్కడ చదవండి :