‘101 Jillala Andagadu’: బట్టతలతో అవసరాల శ్రీనివాస్.. ఆకట్టుకుంటున్న 101జిల్లాల అందగాడు పోస్టర్..
డిఫ‌రెంట్ కాన్సెప్ట్స్ తో తెరకెక్కుతున్న సినిమాలకు ఈ మ‌ధ్య తెలుగు ప్రేక్ష‌కులు బ్ర‌హ్మ‌ర‌థం ప‌డుతున్నారు. దీంతో కొత్త త‌రం ద‌ర్శ‌కులు వైవిధ్య‌మైన చిత్రాలు..
‘101 Jillala Andagadu’: డిఫ‌రెంట్ కాన్సెప్ట్స్ తో తెరకెక్కుతున్న సినిమాలకు ఈ మ‌ధ్య తెలుగు ప్రేక్ష‌కులు బ్ర‌హ్మ‌ర‌థం ప‌డుతున్నారు. దీంతో కొత్త త‌రం ద‌ర్శ‌కులు వైవిధ్య‌మైన చిత్రాలు, పాత్ర‌ల‌తో తెలుగు ప్రేక్ష‌కుల‌ను అల‌రిస్తున్నారు. ఈ నేప‌థ్యంలో యంగ్ టాలెంట్‌ను ఎంక‌రేజ్ చేయ‌డానికి హిట్ చిత్రాల నిర్మాత దిల్‌రాజు, ద‌ర్శ‌క నిర్మాత క్రిష్ జాగ‌ర్ల‌మూడి కలిసి ఓ డిఫ‌రెంట్ సినిమాను రూపొందిస్తున్నారు. న‌టుడిగా, ద‌ర్శ‌కుడిగా తన ప్ర‌త్యేక‌త‌ను చాటుకుంటోన్న అవసరాల శ్రీనివాస్ ప్రధాన పాత్ర‌లో రాబోతున్న సినిమా ‘101 జిల్లాల అందగాడు’ . రాచ‌కొండ విద్యాసాగ‌ర్ ద‌ర్శ‌కుడిగా ప‌రిచ‌యం అవుతున్న ఈ చిత్రాన్ని శ్రీవెంక‌టేశ్వ‌ర క్రియేష‌న్స్‌, ఫ‌స్ట్ ఫ్రేమ్ ఎంట‌ర్‌టైన్‌మెంట్స్ బ్యాన‌ర్స్‌పై దిల్‌రాజు, డైరెక్ట‌ర్ క్రిష్ స‌మ‌ర్ప‌ణ‌లో శిరీష్, రాజీవ్ రెడ్డి, సాయి బాబు జాగ‌ర్ల‌మూడి నిర్మిస్తున్నారు. గురువారం ఈ సినిమా ఫ‌స్ట్‌లుక్‌ను చిత్ర యూనిట్ విడుద‌ల చేసింది.
ఈ ఫ‌స్ట్‌లుక్ చూస్తే అవసరాల శ్రీనివాస్ బట్టతలతో క‌నిపిస్తున్నారు. తెలుగు సినిమాల్లో హీరోకు బ‌ట్ట‌త‌ల ఉండ‌ట‌మనేది ఇప్ప‌టి వ‌ర‌కు రాన‌టువంటి క‌థాంశం. ఇలాంటి కాన్సెప్ట్‌తో రూపొందుతోన్న `101 జిల్లాల అందగాడు` చిత్రంలో అవసరాల శ్రీనివాస్ గొత్తి సూర్య నారాయ‌ణ అనే పాత్ర‌లో న‌టిస్తున్నారు. రుహ‌నీ శ‌ర్మ హీరోయిన్ గా చేస్తుంది. టాలీవుడ్‌లో డిఫ‌రెంట్ మూవీస్‌లో న‌టుడిగా,సెన్సిబుల్ డైరెక్ట‌ర్‌గా, రైట‌ర్‌గా త‌న‌దైన గుర్తింపు సంపాదించుకున్న అవసరాల శ్రీనివాస్ `101 జిల్లాల అందగాడు` చిత్రంలో హీరోగా న‌టించ‌డ‌మే కాకుండా త‌న‌దైన కామెడీ పంచుల‌తో ప్రేక్ష‌కులు ఎంజాయ్ చేసేలా మంచి ఎంట‌ర్‌టైనింగ్ క‌థ‌ను అందించారు. రామ్ సినిమాటోగ్ర‌ఫీ అందిస్తున్న ఈ చిత్రానికి శ‌క్తికాంత్ కార్తీక్ సంగీతాన్ని అందిస్తున్నారు. షూటింగ్ పూర్తి చేసుకున్న ఈ సినిమా ప్ర‌స్తుతం పోస్ట్ ప్రొడ‌క్ష‌న్ ద‌శ‌లోఉంది.త్వరలోనే ఈ సినిమానుంచి టీజర్ రానుంది. మే 7న సినిమాను విడుద‌ల చేస్తున్నారు ద‌ర్శ‌క నిర్మాత‌లు.
మరిన్ని ఇక్కడ చదవండి :
Jathi Ratnalu : కలక్షన్ల రికార్డ్ క్రియేట్ చేసిన జాతిరత్నాలు … యూఎస్ లోనూ గూస్ పింపుల్ రెస్పాన్స్..
Lasya Manjunath: కామెడీ టైమింగ్ తో నవ్వులు పూయించిన యాంకర్ లాస్య.. రవితో కలిసి స్టేజ్ పై..
Allu Arjun: తన ఫెవరేట్ హీరోయిన్ ఎవరో చెప్పిన బన్నీ డాటర్.. సోషల్ మీడియా లో వైరల్ అవుతున్న వీడియో…