Ashok Galla : ఈ కుర్ర హీరో మహేష్ బాబు నుంచి నేర్చుకుంది అదేనట.. ఆసక్తికర విషయం చెప్పిన అశోక్..
సూపర్ స్టార్ కృష్ణ మనవడు, మహేష్ బాబు మేనల్లుడు, గుంటూరు ఎంపీ గల్లా జయదేవ్ కుమారుడు అశోక్ గల్లా ఇటీవలే హీరోగా ఎంట్రీ ఇచ్చిన విషయం తెలిసిందే.
సూపర్ స్టార్ కృష్ణ మనవడు, మహేష్ బాబు(Mahesh Babu) మేనల్లుడు, గుంటూరు ఎంపీ గల్లా జయదేవ్ కుమారుడు అశోక్ గల్లా(Ashok Galla) ఇటీవలే హీరోగా ఎంట్రీ ఇచ్చిన విషయం తెలిసిందే. హీరో అనే సినిమా ద్వారా అశోక్ పరిచయం అయ్యాడు. ఈ సినిమాతో అశోక్ గ‌ల్లాకు న‌టుడిగా మంచి గుర్తింపు వ‌చ్చింది. ఈ సినిమా థియేట‌ర్‌ లోనూ ఓటీటీలోనూ విడుద‌లై న‌టుడిగా త‌న‌కెంతో సంతృప్తినిచ్చింద‌ని అంటున్నారు అశోక్ గల్లా . ఓటీటీలో వ‌స్తున్న అభినంద‌న‌లు కొత్త ఉత్సాహానిచ్చాయ‌ని తెలియ‌జేస్తూ, తాను చేయ‌బోయే కొత్త సినిమా జూన్‌ లో వెల్ల‌డిస్తాన‌ని పేర్కొన్నారు. తాజాగా ఆయన పుట్టిన రోజు సందర్భంగా ఆసక్తికర విషయాలను పంచుకున్నారు అశోక్. ఈ సందర్భంగా అశోక్ మాట్లాడుతూ.. హీరో సక్సెస్ ను వృత్తిప‌రంగా సంతృప్తి చెందాను. సినిమాలో హీరోగా నిల‌బ‌డాల‌ని అనుకున్న‌ప్పుడు వ‌చ్చిన సక్సెస్ ఇది. ఇప్పుడు త‌ర్వాత ఏమి చేయాల‌నేది ఆలోచిస్తున్నాను అన్నారు. అలాగే నేను మంచి క‌థ‌తో రావాల‌నుకున్నాను. ఆ స‌మ‌యంలో అనుకోకుండా శ్రీ‌రామ్ వ‌చ్చి భోజ‌నం టైంలో క‌థ చెప్పారు. అది విన్న‌వెంట‌నే ఇదే క‌దా మ‌నం చేయాల్సింది అనిపించింది. వెంట‌నే ఓకే చెప్పేశాను. ఆ త‌ర్వాత ఆయన ఆఫీస్‌కూడా తీయ‌డం ప‌నులు జ‌ర‌గ‌డం చ‌కచ‌కా జ‌రిగిపోయాయి అన్నారు.
మ‌హేష్‌బాబు సినిమా చూశాక.. ఐ యామ్ ప్రౌడ్ ఆఫ్ యు.. అన్నారు. కేవ‌లం ఈ సినిమా గురించే చెప్పారు. అదేవిధంగా కంటిన్యుటీ లో చిన్న‌పాటి త‌ప్పిదాలు వుంటే చెప్పేరు.క‌మ‌ర్షియ‌ల్ సినిమాలే కాదు. అన్ని జాన‌ర్స్ చేయాల‌నుంది. ఫైటింగ్‌, డాన్స్ అనేది చేయ‌గ‌ల‌ను. న‌టుడిగా మంచి గుర్తింపు తెచ్చుకోవాల‌న్న‌దే నా కోరిక అన్నారు అశోక్. అదేవిధంగా..నాకు నటనకు స్పూర్తి మ‌హేష్‌బాబు గారే. నేను పెరిగింది ఆయన సినిమాలు చూసే. న‌ట‌న వాతావ‌ర‌ణం అంతా నా చుట్టూనే వుంది. సెల్ప్ బిలీఫ్ అనేది మ‌హేష్‌గారికి బాగా తెలుసు. కాన్‌ఫిడెన్స్ అనేది మ‌నలోనే వుంటుంది. ఇవి ఆయ‌న్నుంచి నేర్చుకున్నా.. మహేష్ సినిమాల్లో మురారి సినిమా అంటే చాలా ఇష్టం. అలాంటి సినిమా మ‌ర‌లా రాలేదు. ముందుముందు కూడా రాదు అంటూ చెప్పుకొచ్చారు అశోక్ గల్లా.
మరిన్ని ఇక్కడ చదవండి :