
టాలీవుడ్ యంగ్ హీరో, ప్రముఖ నిర్మాత దిల్ రాజు సోదరుని కుమారుడు ఆశిష్ రెడ్డి త్వరలో పెళ్లిపీటలెక్కనున్నాడు. ప్రముఖ వ్యాపార వేత్త కూతురు ఆద్వితా రెడ్డి మెడలో మూడు ముళ్లు వేయనున్నాడు. గతేడాది నవంబర్ లో వీరి ఎంగేజ్మెంట్ గ్రాండ్ గా జరిగింది. ఇక ప్రేమికుల దినోత్సవమైన ఫిబ్రవరి 14న ఆశిష్- ఆద్వితా రెడ్డిల వివాహం జరగనుంది. జైపూర్ వేదికగా జరిగే ఈ డెస్టినేషన్ వెడ్డింగ్ కోసం గ్రాండ్గా ఏర్పాట్లు జరుగుతున్నాయి. మరోవైపు ఆశిష్ రెడ్డి పెళ్లి కోసం సినీ, రాజకీయ ప్రముఖుల ఇంటికెళ్లి ఆహ్వానిస్తున్నారు దిల్ రాజు. పెళ్లికి రావాలంటూ ఆహ్వాన పత్రికలు అందజేస్తున్నారు. ఇప్పటికే సీఎం రేవంత్ రెడ్డి, మాజీ సీఎం కేసీఆర్, చిరంజీవి, మహేశ్ బాబు, రామ్ చరణ్ , జూనియర్ ఎన్టీఆర్, రాఘవేంద్ర రావు, అక్కినేని నాగార్జున, వెంకటేష్, మంచు మోహన్ బాబు తదితర ప్రముఖులకు పెళ్లి శుభలేఖలు అందించారు. తాజాగా టాలీవుడ్ హీరో నితిన్ను కలిసి వివాహానికి ఆహ్వానించారు. ఈ సందర్భంగా అతనికి ప్రత్యేక బహుమతిని అందించిన ఆశిష్ రెడ్డి.. ఆహ్వాన పత్రికను అందజేశారు. దీనికి సంబంధించిన ఫోటోలు ప్రస్తుతం సోషల్ మీడియాలో వైరలవుతున్నాయి.
కాగా ఆశిష్ రెడ్డి రౌడీ బాయ్స్ సినిమాతో హీరోగా పరిచయమయ్యాడు. దిల్ రాజు నిర్మించిన ఈ యూత్ ఫుల్ ఎంటర్ టైనర్ లో మలయాళం బ్యూటీ అనుపమా పరమేశ్వరన్ హీరోయిన్ గా నటించింది. అయితే రౌడీ బాయ్స్ తర్వాత చాలా గ్యాప్ తీసుకున్నాడు ఆశిష్ రెడ్డి. ఇప్పుడు సెల్ఫీష్ అనే మరో సినిమాతో ఆడియెన్స్ ముందుకు వస్తున్నాడు. ఇందులో లవ్ టుడే మూవీ ఫేమ్ ఇవానా హీరోయిన్ గా నటిస్తోంది. కసి విశాల్ ఈ మూవీకి దర్శకత్వం వహిస్తున్నారు. పెళ్లి తర్వాత సెల్ఫీష్ సినిమాను రిలీజ్ కావొచ్చని తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి..