Seetimaarr Movie: “నా పేరే పెప్సీ ఆంటీ..” అంటూ చిందులేసిన అప్సరారాణి.. ‘సీటీమార్’ నుంచి మాస్ మసాలా సాంగ్

Seetimaarr Song

Seetimaarr Movie: టాలీవుడ్ టాల్ హీరో గోపీచంద్ సరైన సక్సెస్ కోసం చాలా కాలంగా ఎదురుచూస్తున్నాడు. ప్రస్తుతం ఈ మ్యాచో స్టార్ సంపత్ నంది దర్శకత్వంలో ఓ సినిమా చేస్తున్నాడు. సీటిమార్ అనే ఇంట్రస్టింగ్ టైటిల్ తో ఈ సినిమా తెరకెక్కింది. మాస్ గేమ్ అయిన క‌బ‌డ్డీ నేప‌థ్యంలో తెర‌కెక్కుతోన్న భారీ స్పోర్ట్స్ యాక్షన్ డ్రామా‌ ఇది. గోపిచంద్ కెరీర్‌లోనే భారీ బ‌డ్జెట్‌, హై టెక్నిక‌ల్ వాల్యూస్‌తో పవన్‌ కుమార్ స‌మ‌ర్పణ‌లో శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు. మిల్కీ బ్యూటీ తమన్నా హీరోయిన్ గా నటిస్తున్న ఈ చిత్రానికి మెలొడిబ్ర‌హ్మ మ‌ణిశ‌ర్మ సంగీతం అందిస్తున్నారు. సీనియర్ హీరోయిన్ భూమిక, బాలీవుడ్ యాక్టర్ త‌రుణ్ అరోరా కీల‌క పాత్ర‌ల‌లో న‌టిస్తున్నారు. ఇప్ప‌టికే రిలీజైన ట్రైల‌ర్‌కి, రీసెంట్‌గా విడుద‌లైన జ్వాలా రెడ్డి సాంగ్‌కి మంచి రెస్పాన్స్ వ‌స్తోంది. కాగా ఈ మూవీ నుండి హాట్ బ్యూటీ అప్స‌రా రాణి స్పెష‌ల్ సాంగ్ ను రిలీజ్ చేసారు చిత్రయూనిట్ . `నా పేరే పెప్సీ ఆంటీ.. నా పెళ్లికి నేనే యాంటీ` లిరిక‌ల్ సాంగ్‌ని ఇటీవల విడుద‌ల చేసింది చిత్ర యూనిట్.

`నా పేరే పెప్సీ ఆంటీ.. నా పెళ్లికి నేనే యాంటీ..  అంటూ సాగే ఈ పాట‌లో యంగ్ బ్యూటీ అప్సర రాణి హాట్ హాట్ స్టెప్పుల‌తో అద‌ర‌గొట్టింది. పక్కా మాస్ ఆడియన్స్ ను అలరించేలా మణిశర్మ మాంచి ఐటెం సాంగ్‌ని కంపోజ్ చేశారు. విపంచి రాసిన ఈ పాట‌ను సింగ‌ర్ కీర్త‌న శర్మ అంతే హుషారుగా ఆల‌పించింది. ఈ సాంగ్ యూత్ అండ్ మాస్ ఆడియన్స్‌ని ఆకట్టుకుంటూ సోష‌ల్ మీడియాలో మంచి రెస్పాన్స్‌తో దూసుకుపోతుంది. ఇక సీటీమార్ సినిమాను ఏప్రిల్ 2న వ‌ర‌ల్డ్‌వైడ్‌గా రిలీజ్‌చేయ‌నున్నారు. మరి ఈ సినిమాతో గోపీచంద్ ఎలాంటి సక్సెస్ అందుకుంటాడా చూడాలి.

మరిన్ని ఇక్కడ చదవండి :

Rang De Movie: ఆ అదృష్టం మనిషికి మాత్రమే ఉంది.. ‘రంగ్‌ దే’ జీవితంలోని ఏడు రంగులను చూపిస్తుంది: త్రివిక్రమ్

Saranga Daria: ‘సారంగదరియా’కి స్టెప్పులేసిన మంగ్లీ.. సోషల్ మీడియాలో వీడియో వైరల్