Nagarjuna Bangarraju: ఎట్టకేలకు ముహుర్తం ఫిక్స్.. సెట్స్ పైకి వెళ్లనున్న ‘బంగార్రాజు’..
అక్కినేని నాగార్జున్ హిట్టు ప్లాపులతో సంబంధం లేకుండా వరుసగా సినిమాలను తెరకెక్కిస్తున్నాడు. గత కొంత కాలంగా కింగ్ నాగ్..
అక్కినేని నాగార్జున్ హిట్టు ప్లాపులతో సంబంధం లేకుండా వరుసగా సినిమాలను తెరకెక్కిస్తున్నాడు. గత కొంత కాలంగా కింగ్ నాగ్.. సరైన్ హిట్ కోసం ఎదురుచూస్తున్నాడు. ఈ మధ్య కాలంలో ఏ మూవీ చేసిన ఆశించినంత ఫలితం మాత్రం ఇవ్వడం లేదు. ఇటీవల వైల్డ్ డాగ్ మూవీతో ప్రేక్షకుల ముందుకు వచ్చినా.. కమర్షియల్ విజయాన్ని మాత్రం అందుకోలేకపోయాడు. దీంతో ఈసారి ఎలాగైనా హిట్టు కొట్టేందుకు గట్టిగానే ట్రై చేస్తున్నట్లుగా తెలుస్తోంది. ప్రస్తుతం డైరెక్టర్ ప్రవీణ్ సత్తారు సినిమా చేస్తున్నాడు నాగ్. ఇందులో కాజల్ అగర్వాల్ హీరోయిన్ గా నటిస్తోంది.
ఇదే కాకుండా.. నాగార్జున డ్రీమ్ ప్రాజెక్ట్ బంగర్రాజు సినిమా గురించి ఇప్పటి వరకు ఎలాంటి అప్ డేట్ లేదు. నాగార్జున, రమ్య కృష్ణ ప్రధాన పాత్రలో నటించిన సొగ్గాడే చిన్న నాయన సినిమా సూపర్ అందుకున్న సంగతి తెలిసిందే. దీంతో ఈ మూవీకి సిక్వెల్ ఉండబోతుందని.. ఇందులో నాగ్ పాత్ర పేరు బంగార్రాజు అనే టైటిల్తో రాబోతుందని గతంలోనే ప్రకటించారు మేకర్స్. అయితే ఇప్పటి వరకు ఈ మూవీ సెట్స్ పైకి వెళ్లడం కానీ.. ఇందులోని నటీనటుల గురించి ఎలాంటి అప్డేట్స్ చిత్రయూనిట్ నుంచి రాలేదు. గత కొన్ని రోజులుగా.. ఈ మూవీలో రమ్య కృష్ణ స్థానంలో శ్రియ శరణ్ నటించబోతున్నట్లుగా సోషల్ మీడియాలో వార్తలు వస్తున్నాయి.
ఇక తాజా సమాచారం బంగార్రాజు సినిమాను ఈ నెల 20న ప్రారంభించనున్నట్లుగా తెలుస్తోది. ఈ మూవీ షూట్ కోసం ఇప్పటికే ప్రత్యేకంగా సెట్ కూడా ఏర్పాటు చేశారట. ఇందులో నాగచైతన్య కీలక పాత్రలో కనిపించబోతున్నాడు. ఇక చైతూకు జోడీగా ఉప్పెన ఫేమ్ కృతి శెట్టి నటించబోతున్నట్లుగా తెలుస్తోంది. అన్ని కుదిరితే.. సాధ్యమైనంత తొందరగా ఈ మూవీని పూర్తి చేసి.. సంక్రాంతికి విడుదల చేయాలని భావిస్తున్నారట మేకర్స్. సొగ్గాడే చిన్ని నాయన సినిమాను తెరకెక్కించిన కళ్యాణ్ కృష్ణ ఈ చిత్రానికి దర్శకత్వం వహించనున్నారు. మరి నిజంగానే ఈ మూవీ ఇదే నెలలో సెట్స్ పైకి వెళ్ళనుందా ? లేదా ? అనేది తెలియాలంటే ఇంకా కొన్ని రోజులు వెయిట్ చేయాల్సిందే.
Also Read: