Shruti Haasan: ప్రభాస్ అందరూ అనుకునేలా కాదు.. ఆసక్తికర కామెంట్స్ చేసిన అందాల శ్రుతిహాసన్..
డార్లింగ్ ప్రభాస్ సినిమా కోసం ఆయన అభిమానులు ఎంతో ఆసక్తిగా ఎదురుచూస్తున్నారు. ప్రస్తుతం ప్రభాస్ రాధాకృష్ణ దర్శకత్వంలో సినిమా చేస్తున్న విషయం తెలిసిందే.
Shruti Haasan: డార్లింగ్ ప్రభాస్ సినిమా కోసం ఆయన అభిమానులు ఎంతో ఆసక్తిగా ఎదురుచూస్తున్నారు. ప్రస్తుతం ప్రభాస్ రాధాకృష్ణ దర్శకత్వంలో సినిమా చేస్తున్న విషయం తెలిసిందే. రాధేశ్యామ్ అనే టైటిల్ తో తెరకెక్కిన ఈ సినిమా త్వరలోనే ప్రేక్షకుల ముందుకు రానుంది. ఈ సినిమాలో పూజాహెగ్డే హీరోయిన్ గా నటిస్తుంది. ప్రియాడికల్ డ్రామాగా తెరకెక్కుతున్న ఈ సినిమాలో ప్రభాస్ సూపర్ స్టైలిష్ గా కనిపించనున్నాడు. ఈ సినిమా తర్వాత కేజీఎఫ్ దర్శకుడు ప్రశాంత్ నీల్ దర్శకత్వంలో సినిమా చేస్తున్నాడు ప్రభాస్. ఈ సినిమా ప్రస్తుతం షూటింగ్ దశలో ఉంది. సలార్ అనే ఇంట్రస్టింగ్ టైటిల్ తో తెరకెక్కుతున్న ఈ సినిమాలో శ్రుతిహాసన్ హీరోయిన్ గా నటిస్తుంది. తాజాగా శృతిహాసన్ సలార్ మూవీగురించి మాట్లాడుతూ ఆసక్తికర కామెంట్స్ చేసింది.
ప్రస్తుతం శృతి హాసన్ స్టార్ హీరోల సినిమాల్లో నటిస్తుంది. ఓ వైపు ప్రభాస్ సినిమాతో పాటు.. బాలకృష్ణ గోపీచంద్ మలినేని సినిమాలోను యాక్ట్ చేస్తుంది. అలాగే మెగాస్టార్ నటిస్తున్న మూవీలోనూ హీరోయిన్ గా ఎంపిక అయ్యింది. ప్ర‌భాస్‌తో నటిస్తున్న సలార్ మూవీగురించి మాట్లాడుతూ “స‌లార్‌లో చాలా మంచి రోల్ లో కనిపించనున్న..అలాగే సెట్లో ప్రభాస్ స‌ర‌దాగా ఉంటారు. మేమిద్ద‌రం చాలా విష‌యాల గురించి మాట్లాడుకుంటుంటాం. ప్రభాస్ అంత‌గా మాట్లాడ‌రు అని అందరూ అనుకుంటారు. కానీ అందులో నిజం లేదు. ఆయన చాలా బాగా మాట్లాడుతారు“ అని చెప్పుకొచ్చింది శృతిహాసన్. అలాగే కెరీర్లో స‌వాళ్ల‌ను ఎదుర్కొనడానికి నేనెప్పుడూ ముందుంటాను. అందులోనూ ద‌ర్శ‌కులు నా ప్ర‌తిభ‌ను న‌మ్మి నాకు అవ‌కాశం ఇచ్చిన ప్ర‌తిసారీ మ‌రింతగా ప్రూవ్ చేసుకోవ‌డానికి ఇష్ట‌ప‌డ‌తాను అని తెలిపింది ఈ బ్యూటీ.
మరిన్ని ఇక్కడ చదవండి :
Director Maruthi: ప్ర‌భాస్‌తో మారుతి రాజా డీలాక్స్ సినిమా.. కాలానికి తెలుసంటున్న డైరెక్టర్..