Samantha Family Man2: సమంత యాక్షన్స్ సీన్స్ ఎలా చేసిందో చూశారా.? బడా హీరోలు సైతం బలాదూర్..
Samantha Family Man2: సినిమా.. సినిమాకు తనలోని నటనను మరింత మెరుగు పరుచుకుంటూ ముందుకెళ్తోంది నటి సమంత. ఏం మాయ వేశావో సినిమాతో తెలుగు ప్రేక్షకులను మాయ చేసిన ఈ చిన్నది.. అనంతరం పలు...
Samantha Family Man2: సినిమా.. సినిమాకు తనలోని నటనను మరింత మెరుగు పరుచుకుంటూ ముందుకెళ్తోంది నటి సమంత. ఏం మాయ వేశావో సినిమాతో తెలుగు ప్రేక్షకులను మాయ చేసిన ఈ చిన్నది.. అనంతరం పలు విజయవంతమైన సినిమాల్లో నటించి హీరోలతో సమానమైన క్రేజ్ను సొంతం చేసుకుంది. కేవలం గ్లామర్ పాత్రలకే పరిమితం కాకుండా.. నటనకు ప్రాధాన్యత ఉన్న పాత్రల్లోనూ నటిస్తూ ప్రత్యేకతను చాటుకుంటోంది. ఇక వివాహం తర్వాత పాత్రల ఎంపిక విషయంలో ప్రత్యేక శ్రద్ధ చూపిస్తోన్న సమంత ఆచితూచి క్యారెక్టర్లను ఎంచుకుంటోంది.
ఈ క్రమంలోనే తాజాగా ఫ్యామిలీ మ్యాన్ 2 సిరీస్తో ప్రేక్షకుల ముందుకు వచ్చిందీ చిన్నది. ఇందులో సమంత ఓ ఉగ్రవాది పాత్రలో నటించి అందరినీ ఆకట్టుకుంది. ఇప్పటి వరకు లవ్లీ గర్ల్గా కనిపించిన సమంత.. ఈ సినిమాలో యాక్షన్ క్వీన్గా ఆకట్టుకుంది. ఈ క్రమంలోనే సామ్ తాజాగా ఫ్యామిలీ మ్యాన్ షూటింగ్కు సంబంధించిన ఓ యాక్షన్ సీన్ మేకింగ్ వీడియోను ఇన్స్టాగ్రామ్లో పోస్ట్ చేసింది. ఇందులో సమంత చేసిన యాక్షన్ స్టంట్ ఆమె అభిమానులను ఫిదా చేస్తోంది. ఈ వీడియోను అభిమానులతో పంచుకున్న ఈ చిన్నది.. యాక్షన్ సన్నివేశాలు బాగా వచ్చేలా ట్రెయిన్ చేసిన స్టంట్ కో ఆర్డినేటర్ యానిక్ బెన్కు ప్రత్యేకంగా ధన్యవాదాలు తెలిపింది. అంతేకాకుండా తనకు హైట్స్ అంటే భయమైనా, వెబ్ సిరీస్లో యాక్షన్ సన్నివేశంలో భాగంగా ఓ భవనం నుంచి దూకే సన్నివేశంలో బెన్ ఉన్నాడన్న ధైర్యంతో చేశానని చెప్పుకొచ్చింది.
Also Read: Telangana Lockdown: తెలంగాణలో మరో 10 రోజులు లాక్డౌన్ పొడిగింపు…