Nivetha Pethuraj: ఆ తృప్తి ఉంటే చాలు.. అంతకు మించి నాకు వేరే అంచనాలేవి ఉండవు. అందాల భామ ఆసక్తిర వ్యాఖ్యలు.
Nivetha Pethuraj: తమిళ సినిమాతో వెండి తెరకు పరిచయమైంది అందాల నటి నివేదా పేతురాజ్. ఇక 'మెంటల్ మదిలో' మూవీతో తెలుగు ప్రేక్షకులను పలకరించిన ఈ చిన్నది తొలి చిత్రంతోనే మంచి మార్కులు...
Nivetha Pethuraj: తమిళ సినిమాతో వెండి తెరకు పరిచయమైంది అందాల నటి నివేదా పేతురాజ్. ఇక ‘మెంటల్ మదిలో’ మూవీతో తెలుగు ప్రేక్షకులను పలకరించిన ఈ చిన్నది తొలి చిత్రంతోనే మంచి మార్కులు కొట్టేసింది. తన అందంతో తెలుగు కుర్రకారుకు బాగా చేరువైందీ చిన్నది. అనంతరం అడపాదడపా తెలుగు, తమిళ సినిమాల్లో నటిస్తూ దూసుకుపోతోంది. కేవలం హీరోయిన్గా మాత్రమే కాకుండా ‘అల వైకుంఠపురం’ చిత్రంలో సైడ్ హీరోయిన్గా నటించి మెప్పించింది. ఇక ప్రస్తుతం ఈ అమ్మడు.. విశ్వక్ సేన్ హీరోగా తెరకెక్కిన ‘పాగల్’ సినిమాలో నటించిందీ అమ్మడు.
దిల్రాజు కూడా ఈ సినిమా నిర్మాణంలో భాగస్వామి కావడంతో భారీ అంచనాలు ఏర్పడ్డాయి. నరేశ్ కుప్పిలి దర్శకత్వం వహించిన ఈ సినిమాను ఈ నెల 14న విడుదల చేయనున్నారు. నిజానికి ఈ సినిమా ఇప్పటికే విడుదల కావాల్సి ఉండగా కరోనా కారణంగా వాయిదా పడుతూ వచ్చింది. సినిమా విడుదల దగ్గర పడడంతో నివేదా ఇటీవల ఓ ఇంటర్వ్యూ ఇచ్చింది. ఈ సందర్భగా ఈ అమ్మడు పలు ఆసక్తికర వ్యాఖ్యలు చేసింది. ఏ సినిమా చేసినా మంచి సినిమా చేస్తున్నాననే తృప్తి మిగలాలని, అంతకు మంచి తనకు వేరే ఏ అంచనాలూ ఉండవని చెప్పుకొచ్చింది నివేదా. ఇక పాగల్ సినిమా కథను దర్శకుడు రెండేళ్ల క్రితం చెప్పాడన్న నివేదా.. కథ వింటున్నప్పుడే కన్నీళ్లు పెట్టుకున్నానని చెప్పుకొచ్చింది. ప్రేమలో ఉన్న వారంతా ఈ సినిమాకు కనెక్ట్ అవుతారని చెప్పింది. ఈ సినిమాలో తాను సీరియస్ రోల్లో కనిపిస్తానని చెప్పిన నివేదా.. తాను నిజ జీవితంలో చూడడానికి సీరియస్ అమ్మాయిలా కనిపిస్తానని, కానీ నిజానికి అలా ఉండనని చెప్పుకొచ్చింది. ఇక నివేధా ప్రస్తుతం తెలుగులో ఒక సినిమా, తమిళంలో రెండు సినిమాల్లో నటిస్తోంది.
Andhra Pradesh: ఇండియన్ ఐడల్ ఫైనల్స్కు షణ్ముఖ ప్రియ.. విశాఖవాసుల ఆనందోత్సాహం..