Vishnu Vishal : ఆ అవమానమే నన్ను హీరోగా మార్చింది.. జీవితంలో మర్చిపోలేని సంఘటన అది.. విష్ణు విశాల్..
ఇప్పుడిప్పుడే తమిళ చిత్ర పరిశ్రమలో హీరోగా గుర్తింపు తెచ్చుకుంటున్నారు విష్ణు విశాల్. మట్టి కుస్తీ సినిమాతో బ్లాక్ బస్టర్ హిట్ అందుకున్న ఆయన.. ఇప్పుడు మట్టి కుస్తీ 2 సినిమాతో మరోసారి అడియన్స్ ముందుకు వచ్చారు. అయితే ఈ సినిమా ప్రమోషనల్లో భాగంగా ఓ ఇంటర్వ్యూలో విష్ణు విశాల్ మాట్లాడుతూ.. తన సినీ కెరీర్లో ఎదుర్కొన్న అవమానాల గురించి చెప్పుకొచ్చారు. అలాగే అవార్డుల వేడుకలకు రాకపోవడానికి గల కారణం వివరించారు.
చెల్లా అయ్యవు దర్శకత్వంలో విష్ణు విశాల్ నటించిన ‘కట్టా కుస్తీ 2’ ప్రస్తుతం థియేటర్లలో విజయవంతంగా దూసుకుపోతుంది. ఈ సినిమాకు అడియన్స్ నుంచి మంచి రెస్పాన్స్ వస్తుంది. ఈ చిత్రంలో ఐశ్వర్య లక్ష్మి కథానాయికగా నటించింది. ఈ చిత్రానికి సీన్ రోల్డన్ సంగీతం అందించారు. ఈ చిత్రం ఇప్పటివరకు రూ. 22 కోట్లకు పైగా వసూలు చేసినట్లు సమాచారం. ఈ సినిమా ప్రమోషన్ కోసం ఇటీవల ఇచ్చిన ఒక ఇంటర్వ్యూలో, నటుడు విష్ణు విశాల్ తన సినీ కెరీర్లో ఎదుర్కొన్న అవమానాల గురించి మాట్లాడారు. “మొదటి సినిమా విడుదలైన తర్వాత, ఆడియో లాంచ్కు పిలిచారు. నేను వెళ్లి కూర్చున్నాను. సత్యం థియేటర్లో నన్ను మొదటి వరుసలో కూర్చోబెట్టారు. వెంటనే, ఎవరో వచ్చి నన్ను రెండో వరుసకు వెళ్లమని అడిగారు. ఇంకొక వ్యక్తి వచ్చి నన్ను మూడో వరుసకు వెళ్ళమని అడిగారు. నేను సరే అని వెళ్ళిపోయాను. ఆ తర్వాత కార్యక్రమం జరిగింది. వాళ్ళు వేదికను సిద్ధం చేశారు. నేను కూడా దానిపైకి ఎక్కాను. అప్పుడు వాళ్ళు, ‘సమయం లేదు, మీరు మాట్లాడకపోయినా పర్వాలేదా?’ అని అడిగారు. నేను అందుకు కూడా సరే అన్నాను. కాబట్టి ఇదొక ప్రయాణం. ఒకవేళ ఆ సంఘటన జరగకపోయి ఉంటే, నేను ఇంతగా ముందుకు వెళ్ళేవాడిని కాదు.” అని చెప్పుకొచ్చారు.
అదే విధంగా, నా మొదటి సినిమా ‘వెన్నిల కబడ్డీ గ్రూప్’ కు అవార్డు ప్రకటించారు. వాళ్ళు నన్ను సంప్రదించి, ‘ఈ అవార్డు మీకే’ అని చెప్పారు. నేను కూడా చాలా సంతోషపడ్డాను. నా మొదటి సినిమాకే అవార్డు రాబోతోందని మా నాన్న, అమ్మ, స్నేహితులతో సహా అందరికీ చెప్పాను. మరుసటి రోజు ఫోన్ చేస్తామని చెప్పారు. ఎవరూ ఫోన్ చేయలేదు. మరుసటి రోజు కూడా నాకు ఫోన్ రాలేదు. నేను ఫోన్ చేసి అడిగాను. ‘మీకు ఫోన్ వస్తుంది సార్’ అని వారు చెప్పారు. ఆ తర్వాత, వారు ఆ అవార్డును వేరొకరికి ఇచ్చారు. ఆ రోజు నుండి, నేను ఏ అవార్డుల వేడుకకు వెళ్లకూడదని నిర్ణయించుకున్నాను. అదే ఛానల్ నాకు చాలాసార్లు ఫోన్ చేసింది. నేను ఎప్పుడూ వెళ్ళలేదు. అందరినీ ఇలా అవమానించడమే మనల్ని ముందుకు నడిపిస్తుంది,” అని ఆయన అన్నారు. ప్రస్తుతం విష్ణు విశాల్ చేసిన కామెంట్స్ ఇండస్ట్రీలో వైరలవుతున్నాయి.
ఇదిలా ఉంటే.. మట్టి కుస్తీ 2 సినిమా విషయానికి వస్తే.. ఫస్ట్ పార్ట్ లాగే ఈ సీక్వెల్లో కూడా కామెడీ బాగా వర్కవుట్ అయింది. ముఖ్యంగా విష్ణు విశాల్ హౌస్ హస్బెండ్గా చేసే కామెడీ సీన్స్, యోగి బాబు నవ్వించే గ్యాగ్స్ థియేటర్లలో నవ్వులు పూయిస్తున్నాయి. సమాజంలో మగవాడు ఇంట్లో ఉండి పిల్లల్ని చూసుకోవడాన్ని ఎలా చూస్తారు అనే పాయింట్ను వినోదాత్మకంగానే కాకుండా కాస్త ఎమోషనల్గా కూడా చూపించారు.
ఎక్కువ మంది చదివినవి : Murali Mohan: అన్నయ్య నాకోసం ఫ్యాన్స్ వస్తారా అని అడిగాడు.. ఇప్పుడు ఇండస్ట్రీకే మొగుడయ్యాడు.. మురళి మోహన్..
ఎక్కువ మంది చదివినవి : Cinema: ఫస్ట్ సినిమా చూసి ప్లాప్ అన్నారు.. కట్ చేస్తే.. 26 ఏళ్లుగా తగ్గని క్రేజ్.. ఇప్పటికీ టీవీలకు అతుక్కుపోతారు..