Tollywood : అతడు కోటి అడిగాడని నన్ను తీసుకున్నారు.. ఆ సినిమాతో నా జీవితమే మారిపోయింది.. నటుడు జయప్రకాష్ రెడ్డి..
నటుడు జయప్రకాష్ రెడ్డి తెలుగు సినీ ప్రపంచంలో తనదైన ముద్ర వేశారు. ఎన్నో హిట్ చిత్రాల్లో ముఖ్య పాత్రలు పోషించి తనకంటూ మంచి గుర్తింపు తెచ్చుకున్నారు. ఆయన మరణం ఇండస్ట్రీకి తీరని లోటు. ఈ క్రమంలో గతంలో ఓ ఇంటర్వ్యూలో జయప్రకాష్ రెడ్డి చేసిన కామెంట్స్ ఇప్పుడు మరోసారి వైరలవుతున్నాయి. అందులో తన సినీ జీవితంలో రామానాయుడు పాత్రను, తన పునరాగమనాన్ని వివరించారు.
నటుడు జయప్రకాష్ రెడ్డి గురించి తెలుగు సినీప్రియులకు ప్రత్యేకంగా పరిచయం అక్కర్లేదు. ఎన్నో హిట్ చిత్రాల్లో నటించి మెప్పించారు. నటుడిగా, విలన్ గా, కమెడియన్ గా తన నటనతో ప్రేక్షకులను అలరించారు. జయప్రకాష్ రెడ్డి మరణం ఇండస్ట్రీకి తీరని లోటు. అయితే గతంలో ఓ ఇంటర్వ్యూలో ఆయన మాట్లాడుతూ తన సినీ ప్రస్థానంలో ప్రముఖ నిర్మాత దాసరి నారాయణ రావు రామానాయుడు, ఆయన సురేష్ ప్రొడక్షన్స్ పాత్ర గురించి కామెంట్స్ ఇప్పుడు మరోసారి వైరలవుతున్నాయి. జయప్రకాష్ రెడ్డి మొట్టమొదటి చిత్రం రామానాయుడు నిర్మించిన బ్రహ్మపుత్రుడు. రామానాయుడు స్టార్ ప్రొడ్యూసర్ అయినప్పటికీ, చిన్న నటులను సైతం గౌరవంగా పలకరించేవారని, ఆర్థిక స్థితితో సంబంధం లేకుండా అందరినీ సమానంగా చూసే ఆయన గొప్ప వ్యక్తిత్వం తనను ఎంతగానో ఆకట్టుకుందని జయప్రకాష్ రెడ్డి వివరించారు.
ఎక్కువ మంది చదివినవి : Ram Gopal Varma : ప్రపంచంలోని అన్నిటికంటే ఆ పాటే గొప్ప సాంగ్.. బతుకునే మార్చే పాట ఇది.. రామ్ గోపాల్ వర్మ..
తన మొదటి ఇన్నింగ్స్ తర్వాత జయప్రకాష్ రెడ్డి తీవ్ర ఆర్థిక ఇబ్బందులను ఎదుర్కొన్నారు. అప్పుల్లో కూరుకుపోయి, తొమ్మిదేళ్ల పాటు వేతనం లేని సెలవుపై ఉండి, కుటుంబాన్ని పోషించడానికి చాలా కష్టపడ్డారు. ఈ కష్టాల కారణంగా ఐదేళ్ల పాటు సినీ పరిశ్రమకు దూరంగా ఉండి, ట్యూషన్లు చెబుతూ జీవనం సాగించారు. ఈ ఐదేళ్లలో దాదాపు 40-45% అప్పులను తీర్చగలిగారు. ఈ సమయంలో పరిశ్రమ నుండి దూరంగా ఉండాలని నిర్ణయించుకున్నప్పటికీ, సురేష్ ప్రొడక్షన్స్ నుండి ఆయన ఇంటికి మూడు సార్లు ఫోన్లు వచ్చాయి. అయితే, తిరిగి పరిశ్రమలోకి వెళ్తే మళ్లీ ఆర్థికంగా ఇబ్బందులు పడతానేమోననే భయంతో ఆయన ఆ అవకాశాలను తిరస్కరించారు.
ఎక్కువ మంది చదివినవి : Aamani: ఇప్పుడున్న హీరోలలో అతడంటే చాలా ఇష్టం.. ఆ హీరో మాట్లాడే తీరు సూపర్ ఉంటుంది.. హీరోయిన్ ఆమని..
ఐదేళ్ల విరామం తర్వాత, ఒక రోజు హైదరాబాద్లోని అపోలో హాస్పిటల్లో బాడీ చెకప్ చేయించుకుంటుండగా, రామానాయుడు గారు ఆయన్ను అనుకోకుండా కలిశారు. తన సినీ రంగం నుండి అదృశ్యం కావడాన్ని రామానాయుడు ప్రశ్నించి, మందలించారు. “ఏమైపోయావయ్యా, బుద్ధి జ్ఞానం ఉందా నీకు, మంచి ఆర్టిస్ట్ వి” అంటూ నిలదీశారు. ఆ తర్వాత వెంటనే, సురేష్ బాబు పర్యవేక్షణలో ప్రారంభం కానున్న కొత్త చిత్రంలో ఒక మంచి పాత్ర ఉందని, ఆయన్ను కలవమని సూచించారు. ఈ చిత్రం ప్రేమించుకుందాం రా అని జయప్రకాష్ రెడ్డికి తర్వాత తెలిసింది. దర్శకుడు జయంత్ పరాంజిపే మొదట అమ్రిష్ పూరి, నానా పటేకర్ వంటి నటులను ఆ పాత్ర కోసం పరిశీలించారు. ఈ పాత్రకు హాస్యరహితమైన, తీవ్రమైన లుక్ అవసరమని జయంత్ పరాంజిపే జయప్రకాష్ రెడ్డికి సూచించారు. అప్పుడు జయప్రకాష్ రెడ్డికి రాయలసీమ యాసను ఉపయోగించాలనే ఆలోచన వచ్చింది. చిన్నతనం నుండి కడప, అనంతపురం జిల్లాల్లో గడిపిన అనుభవం ఉండటంతో, యాసపై తనకు పట్టు ఉందని, దీనిని మరింత మెరుగుపరుచుకోవడానికి పది రోజులు కర్నూలు జిల్లాలోని నంద్యాలలో గడిపి, స్థానిక ప్రజల సంభాషణలను టేప్ రికార్డర్లో రికార్డు చేసుకున్నారు. పరిచూరి వెంకటేశ్వర రావు ఈ ఆలోచనకు మద్దతు ఇచ్చారు. ఈ విజయం తర్వాత, జయప్రకాష్ రెడ్డి సమరసింహారెడ్డి వంటి విజయవంతమైన చిత్రాల్లో నటించారు. ఈ విజయాలతో ఆయనకు ప్రధానోపాధ్యాయుడిగా ప్రమోషన్ వచ్చినా, సినిమా రంగంపై పూర్తి నమ్మకం కుదరడంతో స్వచ్ఛంద పదవీ విరమణ చేశారు.
ఎక్కువ మంది చదివినవి : Puri Jagannadh : బద్రి సినిమాలో యాక్టింగ్.. ఆ నటికి ప్రతి నెల డబ్బులు పంపుతున్న పూరి.. కారణం ఇదే..
ఎక్కువ మంది చదివినవి : Prakash Raj : క్రైస్తవ సంప్రదాయంలో తల్లి అంత్యక్రియలు.. ట్రోల్స్ పై మండిపడ్డ ప్రకాష్ రాజ్..