Pushpa First Song: ‘పుష్ప’ ఫస్ట్ సాంగ్ కోసం భారీగానే ప్లాన్ చేసిన సుకుమార్.. రిలీజ్ అప్పుడే

Pushpa

స్టైలీష్ స్టార్ అల్లు అర్జున్.. రష్మిక జంటగా నటిస్తున్న లెటేస్ట్ చిత్రం పుష్ప. ఎర్ర చందనం స్మగ్లింగ్ నేపథ్యంలో రాబోతున్న ఈ సినిమాకు సుకుమార్ దర్శకత్వం వహిస్తుండగా… ప్రతినాయకుడి పాత్రలో మలయాళ స్టార్ ఫహద్ ఫాజిల్ నటిస్తున్నారు. ఈ సినిమా కోసం బన్నీ అభిమానులు ఆసక్తిగా ఎదురుచూస్తున్నారు. ఇప్పటికే ఈ మూవీ నుంచి విడుదలైన పోస్టర్స్, పుష్పరాజ్ ఇంట్రడక్షన్ వీడియోకు విపరీతమైన రెస్పాన్స్ వస్తోంది. మునుపెన్నడూ చేయని వైవిద్యపాత్రలో నటిస్తున్నాడు బన్నీ. ముఖ్యంగా అల్లు అర్జున్ ఇందులో లారీ డ్రైవర్ పాత్రలో పూర్తిగా డీ గ్లామర్ లుక్‏లో కనిపించబోతుండటంతో అభిమానులు బన్నీని తెరపై చూసేందుకు ఆసక్తి చూపిస్తున్నారు. అయితే శరవేగంగా జరుగుతున్న ఈ సినిమా షూటింగ్ కు కరోనా సెకండ్ వేవ్ అడ్డుగా నిలిచింది. దీంతో షూటింగ్ వాయిదా పడింది. పాన్ ఇండియా లెవల్లో రెండు భాగాలుగా తెరకెక్కిస్తున్న ఈ సినిమాను మైత్రీ మూవీ మేకర్స్ నిర్మిస్తున్నారు.

ఇదిలా ఉంటే.. ఈ సినిమాకు దేవీ శ్రీ ప్రసాద్ సంగీతం అందిస్తుండగా.. ఈరోజు ఆయన బర్త్ డే సందర్భంగా.. పుష్ప అప్‏డేట్ ఇవ్వాలని బన్నీ అభిమానులు సోషల్ మీడియా వేదికగా.. పోస్టులు పెడుతున్నారు. దీంతో మైత్రిమూవీ మేకర్స్.. దేవీ శ్రీప్రసాద్ పుష్ప సినిమమా కోసం కంపోజ్ చేసిన తొలి పాటను ఏ రోజున విడుదల తేదీని ప్రకటించారు. 5 భాషలు, 5 సింగర్స్, దేవి శ్రీ ప్రసాద్ కంపోజ్ చేసిన సింగిల్ ట్యూన్‏ను ఆగస్ట్ 13న రిలీజ్ చేయనున్నట్లుగా ట్వీట్ చేశారు. హిందీలో ఈ పాట‌ను విశాల్ ద‌డ్‌లాని, క‌న్న‌డ‌లో విజ‌య్ ప్ర‌కాశ్, మ‌ల‌యాళంలో రాహుల్ నంబియార్,తెలుగులో శివం, త‌మిళంలో బెన్నీ ద‌యాల్ పాట‌ని ఆల‌పించారు. తెలుగులో దాక్కో దాక్కో మేక పేరుతో ఈ పాట రూపొందింది.

ట్వీట్..

Also Read: Priyanka chopra: గ్లోబల్ స్టార్ ఎక్కడ తగ్గడం లేదుగా.. కరోనాలోనూ కాసుల వర్షం.. ఇంతకీ ప్రియాంక ఏం చేసిందంటే..

Sharwanand: శర్వానంద్ సింప్లిసిటీకి చిత్రయూనిట్ ఫిదా.. షూటింగ్ సెట్‏లో టాలెంటెడ్ హీరో…

Sukumar: డైరెక్టర్ సుకుమార్ పెద్ద మనసు.. తండ్రి జ్ఞాపకార్థంగా సొంత గ్రామంలో…