Acharya Movie : శరవేగంగా ఆచార్య షూటింగ్.. త్వరలో ఖమ్మం జిల్లాలో చిత్రీకరణ జరుపనున్న టీమ్..

Acharya Movie :  మెగాస్టార్‌ చిరంజీవి హీరోగా కొరటాల శివ దర్శకత్వంలో తెరకెక్కుతున్న చిత్రం ‘ఆచార్య’. ఇటీవల విడుదలైన ఈ చిత్రం టీజర్‌.. సినిమాపై అంచనాలను మరింత పెంచింది. ఇక మే 13న ప్రపంచ వ్యాప్తంగా ఆచార్య విడుదల కానుంది. ఆ రోజు మెగా అభిమానులకు పండుగ చేసుకోనున్నారు. ఆచార్యలో హీరో రామ్‌ చరణ్‌ కీలక పాత్ర పోషిస్తున్న విషయం తెలిసిందే. సిద్ధ అనే పాత్రలో చరణ్ కనిపించనున్నాడు‌. దీనికి సంబంధించిన చిత్రీకరణలోనిప్పటికే చరణ్‌ జాయిన్‌ అయ్యారు.

‘ఆచార్య’ చిత్రం షూటింగ్‌ భద్రాద్రి కొత్తగూడెం జిల్లాలోని ఇల్లెందు జేకే మైన్స్‌లో జరుగనుంది. ఈ సందర్భంగా ఆచార్య చిత్ర దర్శకుడు కొరటాల శివ శుక్రవారం ఖమ్మంలో రాష్ట్ర రవాణా శాఖ మంత్రి పువ్వాడ అజయ్‌కుమార్‌ను మర్యాద పూర్వకంగా కలిశారు. మార్చి 7వ తేదీ నుంచి 15వ తేదీ వరకు ఇల్లెందు జేకే మైన్స్‌ ఓపెన్‌ కాస్ట్‌, అండర్‌ గ్రౌండ్‌ మైనింగ్‌లో షూటింగ్‌ నిర్వహించనున్నారు. దర్శకుడు కొరటాల శివ మాట్లాడారు. ‘ప్రస్తుతం ఖమ్మం జిల్లా పర్యాటకంగా అభివృద్ధి చెందుతోందని… సినిమా షూటింగ్‌లకు జిల్లాలో చాలా అనువైన ప్రాంతాలున్నాయి. గతంతో పోల్చితే ప్రస్తుతం ఖమ్మం స్వరూపం నేడు పూర్తిగా మారిపోయింది’ అని అన్నారు.

మరిన్ని ఇక్కడ చదవండి : 

Check Movie : ఆడిపాడుతున్న నితిన్- ప్రియవారియర్.. ‘చెక్’ మూవీ సాంగ్ కోసం గోవా చెక్కేసిన జంట..