Pushpa 2: పుష్ప 2 పీలింగ్స్ పాటకు 80 ఏళ్ల బామ్మ స్టెప్పులు.. రష్మికకు ఏ మాత్రం తగ్గట్లేదుగా.. వీడియో చూశారా?
ఐకాన్ స్టార్ అల్లు అర్జున్, నేషనల్ క్రష్ రష్మిక మందన్నా జంటగా నటించిన చిత్రం పుష్ప 2. గతేడాది డిసెంబర్ 05న విడుదలైన ఈ సినిమా కలెక్షన్లలో బాహుబలి 2 రికార్డులను బద్దలు కొట్టేసింది. సినిమా రిలీజై నెలరోజులు గడుస్తున్నా ఇంకా పుష్ప 2 ఫీవర్ మాత్రం తగ్గడం లేదు.
Updated on: Jan 10, 2025 | 7:33 AM
అల్లు అర్జున్ నటించిన పుష్ప 2 చిత్రం బాక్సాఫీస్ రికార్డులు బద్దలు కొట్టింది. 1800 కోట్లకు పైగా వసూళ్లు రాబట్టి ప్రభాస్ బాహుబలి 2 రికార్డును అధిగమించింది. సినిమా రిలీజై నెలరోజులు గడుస్తున్నా చాలా చోట్ల ఈ సినిమాకు హౌస్ ఫుల్ కలెక్షన్లు వస్తున్నాయి. ఈ సినిమాలోని యాక్షన్ సీక్వెన్స్, డైలాగులు, పాటలు బాగా హైలెట్ అయ్యాయి. ముఖ్యంగా పీలింగ్స్ పాటకు బాగా క్రేజ్ వచ్చింది. ఇందులో బన్నీ, రష్మిక వేసిన మాస్ స్టెప్పులు ఆడియెన్స్ ను ఉర్రూతలూగించాయి. శేఖర్ మాస్టర్ ఈ పాటకు స్టెప్పులు కంపోజ్ చేశారు. సోషల్ మీడియాలోనూ ఈ పాట మోత మోగుతోంది. సామాన్యులతో పాటు సెలబ్రిటీలు సైతం ఈ పాటకు రీల్స్ చేస్తున్నారు. లేటెస్ట్ గా ఒక వృద్ధురాలు పీలింగ్స్ పాటకు స్టెప్పులేశారు. రష్మికను మ్యాచ్ చేస్తూ ఎంతో ఉత్సాహంగా కాలు కదిపారు. యువకుడితో పోటీ పడుతూ బామ్మ చేసిన డ్యాన్స్ ఇప్పుడు నెట్టింట వైరల్ గా మారింది. ఇందుకు సంబంధించిన వీడియో అందరినీ తెగ ఆకట్టుకుంటోంది. దీనిని చూసిన నెటిజన్లు భిన్న రకాలుగా స్పందిస్తున్నారు. ‘బామ్మ గారు ఈ వయసులోనే ఇలా చేస్తున్నారంటే .. యంగ్ ఏజ్ లో ఏ రేంజ్ డ్యాన్స్ వేసి ఉంటుందో ‘ అంటూ నెటిజన్లు కామెంట్స్ పెడుతున్నారు.
డైరెక్టర్ సుకుమార్ తెరకెక్కించిన పుష్ప 2 సినిమాలో మలయాళ నటుడు ఫహద్ ఫాజిల్ విలన్ పాత్రలో మెప్పించాడు. వీరితో పాటు సునీల్, అనసూయ, జగపతి బాబు, తదితరులు కీలకపాత్రలు పోషించారు. శ్రీలీల ఒక స్పెషల్ సాంగ్ లో సందడి చేసింది. దేవిశ్రీ ప్రసాద్ స్వరాలు సమకూర్చారు. మైత్రీ మూవీ మేకర్స్ అత్యంత ప్రతిష్ఠాత్మకంగా భారీ బడ్జెట్ తో ఈ సినిమాను నిర్మించారు. కాగా త్వరలోనే పుష్ప 2 రిలోడెడ్ వర్షన్ కూడా రిలీజ్ కానుంది. ఇందులో సుమారు 20 నిమిషాల అదనపు సీన్స్ ను జోడించారు.
పీలింగ్స్ పాటకు వృద్ధురాలి డ్యాన్స్..
.@alluarjun ఎంత పని చేసావు తమ్ముడూ pic.twitter.com/QY6WbZWmhu
— MegaFamilyFanForEver (@JSPROYALSOLDIER) January 7, 2025
1800 కోట్ల కు పైగా కలెక్షన్లు..బాహుబలి 2 ను బీట్ చేసిన పుష్ప 2..
#Pushpa2TheRule is now Indian Cinema’s INDUSTRY HIT with THE HIGHEST EVER COLLECTION FOR A MOVIE IN INDIA 🔥
The WILDFIRE BLOCKBUSTER crosses a gross of 1831 CRORES in 32 days worldwide 💥💥#HistoricIndustryHitPUSHPA2
Book your tickets now! 🎟️ https://t.co/eJusnmNS6Y… pic.twitter.com/sh7UN5RXLE
— Pushpa (@PushpaMovie) January 6, 2025
మరిన్ని సినిమా వార్తల కోసం ఇక్కడ క్లిక్ చేయండి.
