Bigg Boss 7 Telugu: ప్రిన్స్ యావర్ గుండెల్లో తీరని బాధ.. అమ్మను తలుచుకుని గుక్కపట్టి ఏడుస్తూ..

Prince Yawar

బిగ్‏బాస్ సీజన్ 7 తెలుగు సీజన్ రెండో వారం అంతా గొడవలతో నడుస్తోంది. పవర్ అస్త్ర కోసం కంటెస్టెంట్స్ అంతా ఒకరినొకరు దూషించుకుంటున్నారు. మరికొందరు మాటలతో రెచ్చిపోతుండగా.. ఇంకొందరు ఏడ్చేస్తున్నారు. అంతా సైలెంట్ అనకుంటున్న సమయంలో మరో రచ్చ స్టార్ట్ చేస్తున్నారు బిగ్‏బాస్. ఇక ఈరోజు రిలీజ్ చేసిన ప్రోమోలలో రతిక, దామిని మధ్య మాటల యుద్ధం నడిచింది. ఇక బిగ్‏బాస్ హీరోలు గౌతమ్ కృష్ణ, ప్రిన్స్ యావర్ మధ్య తీవ్రస్తాయిలో గొడవ జరగ్గా.. గౌతమ్ నిర్ణయానికి ప్రిన్స్ కన్నీళ్లు పెట్టుకున్నారు. ఎంతో కష్టపడినా ఆట ఆడినప్పటికీ అన్యాయం జరిగిందంటూ ఏడ్చేశాడు. పవర్ అస్ర్త గెలుచుకోవడానికి చివరగా షకీలా, శివాజీ నిలవగా మరొకరిని సెలక్ట్ చేయాలని బిగ్‏బాస్ ఆదేశించడం.. వెంటనే అమర్ దీప్ ను సందీప్ సెలక్ట్ చేయడంతో షకీలా , శివాజీ బిగ్‏బాస్ పై విరుచుకుపడ్డారు.

ఇదిలా ఉంటే.. బిగ్‏బాస్ మొదటి రోజు నుంచి ప్రిన్స్ యావర్ స్పెషల్ అట్రాక్ట్ అవుతున్నారు. మొదటి రోజే కండలు చూపిస్తూ ఇళ్లంతా తిరిగేస్తూ అందరిని ఆశ్చర్యపరిచాడు. అలాగే తెలుగులో మాట్లాడేందుకు కాస్త ఎక్కువగానే ట్రై చేస్తున్నాడు. అయితే తాజాగా తన తల్లి గురించి చెబుతూ ప్రిన్స్ ఏడ్చిన వీడియో ఇప్పుడు నెట్టింట వైరలవుతుంది. ప్రస్తుతం ప్రిన్స్ యావర్ బిగ్‏బాస్ హౌస్ లో ఉండగా.. అతని ఇన్ స్టా ఖాతాను తన పీఆర్ఓ టీం మెయిన్ టెన్ చేస్తున్నట్లుగా తెలుస్తోంది. ఈ క్రమంలోనే తాజాగా ప్రిన్స్ ఇన్ స్టా ఖాతాలో ఓ వీడియో పోస్ట్ చేశారు. అందులో ప్రిన్స్ తన తల్లిని తలుచుకుని ఏడ్చేశాడు.

అందులో జీవితంలో నువ్వు బాధపడిన పరిస్థితి ఏంటీ ? అని యాంకర్ అడిగిన ప్రశ్నకు ప్రిన్స్ స్పందిస్తూ.. “మా అమ్మ చనిపోయినప్పుడు” అంటూ గుక్కపట్టి ఏడ్చేశాడు యావర్. అతడిని కంట్రోల్ చేయడానికి యాంకర్ ప్రయత్నించినా.. ప్రిన్స్ అమ్మను తలుచుకుంటూ ఏడుస్తూ ఉండిపోయాడు. అమ్మ నువ్వే లేని లోటు చెప్పడానికి నాకు మాటలు రావడం లేదు. నువ్వు లేని ప్రతి క్షణం నాకు శూన్యంలా ఉంది. నీ నవ్వు, నువ్వు పంచిన ప్రేమను చాలా మిస్ అవుతున్నాను. నువ్వు వదిలి వెళ్లిన జ్ఞాపకాల చీకట్లో నీ ప్రేమనే వెలుతురుగా చేసుకుని తిరుగుతున్నాను. నీ ప్రేమ ఎప్పుడూ నాతోనే ఉంటుంది. నువ్వు నా వెలకట్టలేని ఆస్తివి అంటూ రాసుకొచ్చారు.

మరిన్ని సినిమా వార్తల కోసం ఇక్కడ క్లిక్ చేయండి.