Actress Taapsee: సోషల్ మీడియాలో ట్రోల్స్.. సీరియస్‌గా స్పందించిన తాప్సీ.. వారిని ట్రోల్ చేయరేం అంటూ నిలదీత..
Bollywood Actress Taapsee: ఏదైనా సరే ఉన్నదున్నట్లుగా, కుండబద్దలుకొట్టినట్లు మాట్లాడే నటీమణుల్లో.. హీరోయిన్ తాప్సీ ముందు..
Bollywood Actress Taapsee: ఏదైనా సరే ఉన్నదున్నట్లుగా, కుండబద్దలుకొట్టినట్లు మాట్లాడే నటీమణుల్లో.. హీరోయిన్ తాప్సీ ముందు వరుసలో ఉంటారనడంలో ఎలాంటి సందేహం లేదు. దేశంలో మహిళలపై జరుగుతున్న అన్యాయాలు, అకృత్యాలపై సోషల్ మీడియా వేదికగా తాప్సీ తన వాణీని నిరంతరం వినిపిస్తుంటారు. అదే సమయంలో ప్రభుత్వ తప్పుడు నిర్ణయాలను సైతం ఎత్తి చూపుతారు. తాజాగా కూడా అలాంటి కామెంట్స్ చేసింది ఈ బోల్డ్ బ్యూటీ. ఇటీవల ఓ జాతీయ మీడియాకు ఇంటర్వ్యూ ఇచ్చిన తాప్సీ.. బికినీ ఫోటోలను సోషల్ మీడియాలో ట్రోల్ చేయడంపై తీవ్రంగా స్పందించారు. ‘మన సమాజంలో బికినీ అంశంలో డబుల్ స్టాండర్డ్స్ పాటిస్తుంటారు. ఇక్కడ బాలీవుడ్ నుంచి వచ్చిన వారికంటే ఇతర చోట్ల నుంచి వచ్చిన నటీమణులు ఎక్కువ ట్రోల్స్‌కు గురవుతుంటారు. నేను గమనించినంత వరకు మహిళలు బికినీలో దిగిన ఫోటోలను సోషల్ మీడియాలో పోస్ట్ చేయడమే ఆలస్యం ట్రోల్ చేసేస్తుంటారు. మరి పురుషులు అర్ధనగ్న ఫోటోలు, జిమ్‌లో షర్ట్స్ లేకుండా ఉన్న ఫోటోలను షేర్ చేస్తే ఎందుకు ట్రోల్ చేయరు?’ అని తాప్సీ ప్రశ్నించారు.
Taapsee Tweet:
“When you are against the tide, it’s YOU who needs to stand up for yourself……But don’t forget the smile ?” #Judwaa2 #AaTohSahi pic.twitter.com/qIimdBSkHY
— taapsee pannu (@taapsee) September 13, 2017
కాగా, 2017లో జుడ్వా 2 సినిమాలో నటిస్తున్న సమయంలో సెట్స్‌లో బికినీలో దిగిన ఓ ఫోటోను తాప్సీ సోషల్ మీడియాలో పోస్ట్ చేసింది. ఆ సమయంలో ఆ ఫోటోపై నెటిజన్లు తీవ్రంగా స్పందించారు. తాప్సీని ఓ రేంజ్‌లో ట్రోల్ చేశారు. అయితే ఈ ట్రోల్స్‌ని ముందే పసిగట్టిన తాప్సీ.. వారికంటే ముందు తనను తానే ట్రోల్ చేసుకుంది. ‘‘మీరు ఆటుపోట్లకు వ్యతిరేకంగా ఉన్నప్పుడు.. మీకోసం నిలబడాల్సింది మీరే. మీ మొహంపై చిరునవ్వును మాత్రం మరిచిపోవద్దు’’ అంటూ ఆ ఫోటోకు క్యాప్షన్ కూడా పెట్టింది. అయినప్పటికీ కొందరు తాప్సినీ వదల్లేదు. అశ్లీల చిత్రాలు షేర్ చేశారంటూ, సంప్రదాయం, అదీ ఇదీ అంటూ తెగ ట్రోల్ చేశారు. అంతేకాదు.. ఓ వ్యక్తి ఏకంగా.. ‘‘మన దేశంలో మనకు భావ ప్రకటనా స్వేచ్ఛ కూడా ఉంది. అందుకే అడుగుతున్నాను. మీరు మీ మిగిలిన బట్టలు కూడా ఎందుకు తొలగించకూడదు. నువ్ ధరించిన దుస్తులు చూసిన తరువాత మీ సోదరుడు మీ గురించి నిజంగా గర్వపడి ఉంటాడు’’ అంటూ తీవ్రమైన కామెంట్ చేశాడు. దీనికి తాప్సీ కూడా అంతే ఘాటుగా రియాక్ట్ అయ్యింది. ‘‘క్షమించండి నాకు సోదరుడు లేడు. అతను ఉండుంటే.. కచ్చితంగా అతడినే అడిగి ఎలా ఫీల్ అయ్యేవాడు అనేది మీకు చెప్పేదానిని. అయితే నాకు సోదరు ఉంది. ఆమె సమాధానం మీకు పని చేస్తుందా?’’ అంటూ సైలెంట్‌గా చెంప చెల్లుమనిపించింది.
Also read:
Knife in Chest: ఏడాదిన్నర కాలంగా ఛాతిలో కత్తి.. ఉద్యోగం కోసం వెళితే వెలుగులోకి షాకింగ్ విషయం..