OTT Trending : విలన్గా టాలీవుడ్ హీరో.. ఓటీటీలో దుమ్మురేపుతున్న సినిమా.. ఎగబడి మరీ చూస్తున్న జనాలు..
ప్రస్తుతం ఓటీటీలో ఓ తమిళ సెన్సేషన్ సినిమా దుమ్మురేపుతుంది. ఎలాంటి అంచనాలు లేకుండా విడుదలైన ఈ మూవీ ఇప్పుడు ప్రపంచవ్యాప్తంగా ఓటీటీలో ట్రెండింగ్ అవుతుంది. ఈ చిత్రాన్ని కేవలం తమిళంలోనే కాకుండా గ్లోబల్ ట్రెండింగ్ లో దూసుకుపోతుంది. ఇప్పుడు అందరూ ఈ సినిమా గురించే మాట్లాడుకుంటున్నారు.
థియేటర్లలో ఘన విజయం సాధించి కమర్షియల్ హిట్‌గా నిలిచిన తమిళ చిత్రం ‘మండాడి’. ఇప్పుడు ఓటీటీ ప్లాట్‌ఫారమ్‌లోనూ సరికొత్త సంచలనాలు సృష్టిస్తోంది. డిజిటల్ స్క్రీన్‌పై వ్యూయర్స్‌ను విపరీతంగా ఆకట్టుకుంటూ గ్లోబల్ స్థాయిలో దూసుకుపోతోంది. ప్రముఖ ఓటీటీ దిగ్గజం నెట్‌ఫ్లిక్స్ వేదికగా ఈ సినిమా సాధిస్తున్న రికార్డులు ట్రేడ్ వర్గాలను సైతం ఆశ్చర్యపరుస్తున్నాయి. కేవలం ఇండియాలోనే కాకుండా ప్రపంచవ్యాప్తంగా సినీ ప్రియులు ఈ చిత్రాన్ని ఎగబడి చూస్తున్నారు. అక్టోబర్ 12 నుంచి 18వ తేదీ వరకు సంబంధించిన గ్లోబల్ టాప్ చార్ట్స్‌ను నెట్‌ఫ్లిక్స్ తాజాగా విడుదల చేసింది. నాన్-ఇంగ్లీష్ సినిమాల కేటగిరీలో ‘మండాడి’ చిత్రం ఏకంగా ప్రపంచవ్యాప్తంగా 3వ స్థానాన్ని దక్కించుకుని అరుదైన రికార్డు సృష్టించింది. కేవలం ఒక వారంలోనే ఈ చిత్రానికి ఏకంగా 22 లక్షలకు పైగా వ్యూస్ రావడం విశేషం.
ఎక్కువ మంది చదివినవి : Nartanasala Movie: బృహన్నలగా ఎన్టీఆర్ విశ్వరూపం.. నర్తనశాల వెనుక ఉన్న ఈ అరుదైన నిజాలు తెలుసా.. ?
నెట్‌ఫ్లిక్స్ గ్లోబల్ ట్రెండింగ్ టాప్ 10 నాన్-ఇంగ్లీష్ సినిమాల జాబితాలో భారతదేశం నుంచి చోటు దక్కించుకున్న ఏకైక సౌత్ ఇండియన్ సినిమా ఇదే కావడం గమనార్హం. పడవ పందాలు అనే డిఫరెంట్ బ్యాక్‌డ్రాప్‌లో తెరకెక్కిన ఈ రూరల్ స్పోర్ట్స్ యాక్షన్ డ్రామాకు ఆడియన్స్ నుంచి విపరీతమైన స్పందన లభిస్తోంది. కమెడియన్ నుంచి హీరోగా మారిన సూరి తనదైన సహజ నటనతో అదరగొట్టగా, టాలీవుడ్ వర్సటైల్ యాక్టర్ సుహాస్ ఈ చిత్రంలో కీలకమైన విలన్ పాత్రలో నటించి ప్రత్యేక ఆకర్షణగా నిలిచారు. అలాగే సీనియర్ నటుడు సత్యరాజ్, మహిమ నంబియార్ తదితరులు తమ నటనతో సినిమా స్థాయిని మరింత పెంచారు.
ఎక్కువ మంది చదివినవి : Murali Mohan: ఈ చిన్న ట్రిక్స్ తెలిస్తే చాలు జీవితం మారిపోతుంది.. డబ్బు సంపాదనకు మురళీ మోహన్ ఇచ్చిన సలహాలు..
దర్శకుడు మతిమారన్ పుగజేంది ఈ చిత్రాన్ని అత్యంత సహజంగా, ఎమోషనల్ అండ్ యాక్షన్ ఎలిమెంట్స్‌తో తెరకెక్కించారు. ఆర్‌ఎస్ ఇన్ఫోటైన్‌మెంట్ బ్యానర్‌పై ఎల్రెడ్ కుమార్ ఈ చిత్రాన్ని నిర్మించారు. థియేట్రికల్ రన్ తర్వాత ఓటీటీలోనూ అదే జోరును కొనసాగిస్తూ, ఫ్యామిలీ అండ్ యాక్షన్ మూవీ లవర్స్‌కు ‘మండాడి’ ఒక పర్ఫెక్ట్ వాచ్‌గా నిలిచింది.
ఎక్కువ మంది చదివినవి : Trending Song: యూట్యూబ్ షేక్ చేస్తున్న బతుకమ్మ సాంగ్.. రెండు రోజుల్లోనే 7 లక్షల వ్యూస్.. డీజేలలో మారుమోగిపోతుంది..
ఎక్కువ మంది చదివినవి : Cinema : ఇదేం సినిమా రా నాయనా.. సైలెంట్‌గా ఓటీటీలోకి వచ్చి దుమ్ములేపుతున్న మూవీ.. ట్రెండింగ్ నంబర్ 1గా రచ్చ రచ్చ..