Samantha Akkineni: షాకింగ్.. ఆ మూవీ నుంచి సమంత తప్పుకుందా..!

గతేడాది వరుస విజయాలను ఖాతాలో వేసుకున్న సమంత.. ఈ ఏడాది జానుతో ప్రేక్షకుల ముందుకు వచ్చింది. అయితే ఆ సినిమా అనుకున్నంత హిట్ అవ్వలేదు. ఇదిలా ఉంటే తమిళ్‌లో విజయ్ సేతుపతి హీరోగా తెరకెక్కబోతోన్న ‘కాటు వాకుల రెండు కాదల్’ సినిమాలో నటించేందుకు సమంత గ్రీన్ సిగ్నల్ ఇచ్చిన విషయం తెలిసిందే. దీనికి సంబంధించిన అధికారిక ప్రకటన కూడా వచ్చింది. అయితే ఈ మూవీ నుంచి తాజాగా సమంత తప్పుకున్నట్లు కోలీవుడ్‌లో పుకార్లు హల్‌చల్ చేస్తున్నాయి.

కోలీవుడ్ వర్గాల సమాచారం ప్రకారం.. ఈ మూవీలో నయనతార మరో హీరోయిన్‌గా నటిస్తోంది. నయనతార, సమంతలు ఇద్దరూ ఓ సినిమాలో కలిసి నటించడం ఇదే తొలిసారి. ఇక ఈ మూవీకి దర్శకుడైన విఘ్నేష్ శివన్, నయనతార ఎప్పటినుంచో ప్రేమించుకుంటున్నారు. ఈ క్రమంలో విఘ్నేష్ నయన్‌కే కాస్త ఎక్కువ నిడివిని ఇచ్చారట. ఈ విషయంలో హర్ట్ అయిన సమంత.. ఈ ప్రాజెక్ట్ నుంచి తప్పుకున్నట్లు తెలుస్తోంది. అయితే మరోవైపు సమంత గర్బం దాల్చిందని.. అందుకే ఈ మూవీ నుంచి తప్పుకుందన్న ప్రచారం కూడా జరుగుతోంది. కానీ మూవీ యూనిట్ వర్గాల సమాచారం ప్రకారం ఈ మూవీ నుంచి సమంత తప్పుకోలేదని, ఈ ప్రాజెక్ట్‌లో నటించేందుకు ఆమె చాలా ఉత్సాహంగా ఉందని తెలుస్తోంది. మరి అసలు ఈ మూవీలో సమంత ఉందా..? తప్పుకుందా..? సమంత ప్రెగ్నెన్సీ విషయంలో జరుగుతోన్న ప్రచారంలో నిజమెంత..? ఈ ప్రశ్నలన్నింటికీ సమాధానం తెలియాలంటే అధికారిక ప్రకటన వచ్చే వరకు ఆగాల్సిందే.

Read This Story Also: మారుతీరావు మృతి కేసులో పలు అనుమానాలు..!