Ram Gopal Varma: ఇద్దరు బిగ్బాస్ భామల నడుమ వివాదాల రాముడు.. నెట్టింట వైరల్గా మారిన ఆర్జీవీ ఫొటోలు..
Ram Gopal Varma: రామ్ గోపాల్ వర్మ.. ఈ పేరు తెలియని సగటు సినీ ప్రేక్షకుడు ఉండడనడంలో ఎలాంటి అతిశయోక్తిలేదు. నిత్యం ఏదో ఒక వార్తతో లైమ్ లైట్లో..
Ram Gopal Varma: రామ్ గోపాల్ వర్మ.. ఈ పేరు తెలియని సగటు సినీ ప్రేక్షకుడు ఉండడనడంలో ఎలాంటి అతిశయోక్తిలేదు. నిత్యం ఏదో ఒక వార్తతో లైమ్ లైట్లో ఉండడం ఒక్క ఆర్జీవీకే దక్కిందని చెప్పడంలో ఎలాంటి సందేహం లేదు. తన సినిమాలకంటే కాంట్రవర్సీలతోనే ఎక్కువగా వార్తల్లో నిలుస్తుంటారు వర్మ. ఒక్క ట్వీట్తో మీడియా దృష్టిని ఆకర్షిస్తుంటారు. ముక్కు సూటిగా ఉన్నది ఉన్నట్లుగా వర్మ చేసే ట్వీట్లు, ఇచ్చే స్టేట్మెంట్లు కాంట్రవర్సీకి దారి తీస్తుంటాయి. ఇక ఇటీవల బిగ్బాస్ ఫేమ్ అరియానా, ఆషు రెడ్డిలతో వర్మ చేసిన రచ్చ ఎంతటి కాంట్రవర్సీకి దారి తీసిందో ప్రత్యేకంగా చెప్పాల్సిన అవసరం లేదు.
బోల్డ్ టాక్ అనే పేరుతో ఆషు రెడ్డి, అరియానాలతో వర్మ చేసిన ఇంటర్వ్యూలపై పలు విమర్శలు వచ్చిన విషయం తెలిసిందే. అయితే ఎలాంటి విమర్శలు వచ్చినా తన పని తాను చేసుకుపోయే వర్మ.. ఈ వివాదాలనే తన పబ్లిసిటీకి అస్త్రంగా మార్చుకుంటారు. ఇదిలా ఉంటే తాజాగా వర్మ ఈ ఇద్దరు బిగ్బాస్ బామలతో కలిసి ఫొటో దిగారు.
ఓ పుట్టిన రోజు వేడుకలో ఆషు రెడ్డి, అరియానాలతో పాల్గొన్న వర్మ.. వారితో దిగిన ఓ ఫొటోను పోస్ట్ చేశారు. ఆషు రెడ్డి, అరియానా చేరో వైపు నిల్చొని ఉండగా మధ్యలో వర్మ వాళ్లను మొక్కుతున్నట్లు ఫొటో దిగారు. ఈ ఫొటోను ఇన్స్టాగ్రామ్లో పోస్ట్ చేసిన వర్మ.. ‘వీరిద్దరి నిజాయతీని నేను ఆరాధిస్తున్నాను’ అంటూ క్యాప్షన్ జోడించారు. ఇక మరో ఫొటోను పోస్ట్ చేస్తూ.. ‘ఇంకా చాలా మంది అమ్మాయిలు ఆషురెడ్డి, అరియానా కంటే మరింత బోల్డ్గా, నిజాయతీగా మారుతారని నేను ఆశిస్తున్నాను’ అంటూ రాసుకొచ్చారు వర్మ.
Also Read: Sai Dharam Tej: సాయి ధరమ్ తేజ్ రోడ్డు ప్రమాదంపై స్పందించిన మోహన్ బాబు.. ఏమన్నారో తెలుసా.?