మరో అవతారం ఎత్తబోతున్న రజనీకాంత్..!
సూపర్స్టార్ రజనీకాంత్ మరో అవతారం ఎత్తబోతున్నారా..? అంటే అవుననే మాటలే వినిపిస్తున్నాయి కోలీవుడ్‌లో
Rajini Annatthe movie: సూపర్స్టార్ రజనీకాంత్ మరో అవతారం ఎత్తబోతున్నారా..? అంటే అవుననే మాటలే వినిపిస్తున్నాయి కోలీవుడ్‌లో. ప్రస్తుతం శివ దర్శకత్వంలో రజనీ అన్నాత్తే అనే చిత్రంలో నటిస్తోన్న విషయం తెలిసిందే. మాస్ ఎంటర్‌టైనర్‌గా తెరకెక్కబోతున్న ఈ చిత్రంలో రజనీ పాత్ర పవర్‌ఫుల్‌గా ఉంటుందని సమాచారం. ఇక ఇందులో రజనీ గ్రామ సర్పంచ్‌గా కనిపించగనుండగా.. ఈ మూవీ కోసం సూపర్స్టార్ మరో నిర్ణయం తీసుకున్నారట.
అన్నాత్తేలో రజనీ పాత్రకు సంబంధించిన డైలాగ్‌లు అన్నీ ఆయనే రాసుకునేందుకు సిద్ధమయ్యారట. దీనిపై దర్శకుడు శివతో సంప్రదింపులు జరిపారని, అందుకు శివ ఒప్పుకున్నారని సమాచారం. అంతేకాదు తన డైలాగ్‌లు రాసే పనిలో కూడా రజనీ పడ్డట్లు తెలుస్తోంది. ఒకవేళ ఇదే నిజమైతే.. రజనీకాంత్‌లోని రైటర్‌ కోణం అభిమానులు ఎలా ఆకట్టుకుంటుందో చూడాలి. కాగా ఈ మూవీలో నయన్‌తార, మీనా, ఖుష్బూ, కీర్తి సురేష్, సూరి తదితరులు కీలక పాత్రల్లో కనిపిస్తున్నారు. అలాగే బాలీవుడ్ నటుడు జాకీష్రాఫ్ విలన్‌గా నటిస్తున్నారు. సన్ పిక్చర్స్ నిర్మిస్తోన్న ఈ మూవీకి డి.ఇమ్మన్ సంగీతం అందిస్తున్నారు. వచ్చే ఏడాది ఈ మూవీ ప్రేక్షకుల ముందుకు రానుంది.
Read More:
