Bigg Boss OTT: నాన్ స్టాప్ ఎంటర్‏టైన్‏మెంట్ వచ్చేస్తోంది.. బిగ్‏బాస్ ఓటీటీ ప్రోమో అఫీషియల్ ప్రకటన..

Bigg Boss Non-Stop

బుల్లితెరపై బిగ్‏బాస్ (Bigg Boss) రియాల్టీ షోది ప్రత్యేకమైన స్థానం. ఈ షోను ఆదరించేవారి సంఖ్య ఎక్కువగానే ఉంటుంది. ఇటీవల బిగ్‏బాస్ హిందీ 15వ సీజన్ ఘనంగా ముగిసిన సంగతి తెలిసిందే. ఇక ఇప్పటివరకు తెలుగులో 5 సీజన్లు విజయవంతంగా పూర్తయ్యాయి. ఈ షోకు ఎన్ని అవాంతరాలు.. ఆరోపణలు ఎదురైన ప్రేక్షకుల ముందుకు ఎంటర్‏టైన్‏మెంట్‏ను తీసుకురావడానికి ఎప్పటికప్పుడు సరికొత్తగా ముస్తాబవుతుంది. అయితే తెలుగు బిగ్‏బాస్ సీజన్ 5 మాత్రం ప్రేక్షకులను ఆశించినంతగా అలరించలేకపోయింది. గేమ్స్, టాస్కుల కంటే కంటెస్టెంట్స్ శ్రుతిమించిన ప్రవర్తనలు.. హద్దుదాటిన చేష్టలు ప్రేక్షకులకు విసుగుపుట్టించాయి. ఫ్యామిలీ ఆడియన్స్ చూడలేని స్థితికి ఈ షో వచ్చేసింది. దీంతో సీజన్ 5 టీఆర్పీ రేటింగ్ భారీగా పడిపోయింది. అయితే ప్రేక్షకులకు ఈసారి 24 గంటల ఎంటర్‏టైన్‏మెంట్ అందించేందుకు తెలుగు బిగ్‏బాస్ ఓటీటీని తీసుకురాబోతున్నట్లుగా గతంలోనే నిర్వాహకులు ప్రకటించారు.

దీంతో బిగ్‏బాస్ ఓటీటీలో పాల్గోనబోయే కంటెస్టెంట్స్ ఎవరు.. ఎప్పటినుంచి ఈ షో ప్రారంభం కాబోతుందంటూ సోషల్ మీడియాలో రోజూకో వార్త చక్కర్లు కొడుతుంది. ఇక ఈ షో ప్రారంభం కోసం జనాలు కూడా అంతే ఆసక్తిగా ఎదురుచూస్తున్నారు. ఈ క్రమంలో ఇటీవల తెలుగు బిగ్‏బాస్ ఓటీటీ లోగో విడుదల చేశారు నిర్వాహకులు. తాజాగా వాలెంటైన్స్ డేకు ఒక్కరోజు ముందు బిగ్‏బాస్ ఓటీటీ లోగో ప్రోమో విడుదల చేసి ప్రేక్షకులకు సర్‏ప్రైజ్ ఇచ్చారు మేకర్స్. త్వరలోనే తెలుగు బిగ్‏బాస్ ఓటీటీ ప్రారంభం కాబోతున్నట్లుగా ప్రకటించారు. నేరుగా బిగ్ బాస్ ఇంటి నుంచే ఇకపై నాన్ స్టాప్ ఎంటర్టైన్..అంటూ డిస్నీ ప్లస్ హాట్ స్టార్ ట్వీట్ వేసింది. త్వరలోనే షో ప్రారంభం కానుందని తెలిపారు. ఈ క్రమంలో తెలుగు బిగ్ బాస్ ఓటీటీ లోగో ప్రోమో విడుదల చేశారు. ఇప్పుడు ఈ వీడియో సోషల్ మీడియాలో తెగ వైరల్ అవుతుంది. ఇక ఈ షోలో మాజీ బిగ్ బాస్ కంటెస్టెంట్స్ తోపాటు.. కొత్తవారు కూడా ఎంట్రీ ఇవ్వనున్నట్లు సమాచారం.

Also Read: Shilpa Shetty: మరో వివాదంలో బాలీవుడ్ స్టార్ హీరోయిన్.. తల్లి, సోదరితోపాటు శిల్పాశెట్టికి కోర్టు నోటిసులు..

Viral Video: కోతా మజాకా.. చిరుతపులిని ముప్పు తిప్పలు పెట్టిందిగా.. చివరకు.

Valentine’s Day 2022: ప్రేమ.. అంతులేని అనిర్వచనీయ భావాల సంగమం.. మాటలకందని భావాలను మనసులోని వారికి తెలియజేయండిలా..

Actor Photo: ఈ ఫోటోలో ఉన్న చిన్నోడు ఇప్పుడు టాలీవుడ్ స్టార్ హీరో.. అమ్మాయిల్లో ఫాలోయింగ్ ఎక్కువ..