Chef Mantra: ఆహా అందిస్తున్న సరికొత్త షో చెఫ్ మంత్ర.. రెజీనా తర్వాత వచ్చే గెస్ట్ ఎవరంటే..
ఎప్ప‌టిక‌ప్పుడు అద్భుత‌మై ప్రోగ్రామ్స్‌తో ఎంట‌ర్‌టైన్‌మెంట్‌ను అందిస్తోన్న తెలుగు ఓటీటీ మాధ్య‌మం ఆహా మ‌రో సరికొత్త, ఎగ్జ‌యిటింగ్ వంట‌ల టాక్ షో చెఫ్ మంత్ర‌తో
Aha: ఎప్ప‌టిక‌ప్పుడు అద్భుత‌మై ప్రోగ్రామ్స్‌తో ఎంట‌ర్‌టైన్‌మెంట్‌ను అందిస్తోన్న తెలుగు ఓటీటీ మాధ్య‌మం ఆహా మ‌రో సరికొత్త, ఎగ్జ‌యిటింగ్ వంట‌ల టాక్ షో చెఫ్ మంత్ర‌తో ప్రేక్ష‌కుల‌ను అల‌రించ‌డానికి సిద్ధ‌మైంది. ఆహా ఇన్ హౌస్ క్రియేటివ్ టీమ్ డెవ‌ల‌ప్ చేసిన తొలి షో ఇది. ఫిక్ష‌న‌రి ఎంట‌ర్‌టైన్‌మెంట్ రూపొందిస్తోన్న ఈ షోకు ప్ర‌ముఖ టెలివిజ‌న్ యాంక‌ర్‌, న‌టి శ్రీముఖి హోస్ట్‌గా వ్య‌వ‌హ‌రిస్తున్నారు. నిజానికి శ్రీముఖి వంట‌ల‌ను బాగా ఆస్వాదించే వ్య‌క్తి. తెలుగు సినీ ప‌రిశ్ర‌మ‌లోని చాలా మంది సెల‌బ్రిటీలు భావోద్వేగాలే కాకుండా మ‌రో కోణాన్ని చూస్తారు. సెల‌బ్రిటీలో ఈ షోలో పాల్గొని వంట‌లతో వీక్ష‌కుల‌ను ఆక‌ట్టుకోనున్నారు. చెఫ్ మంత్ర.. ఈ సీజ‌న్‌లో 8 ఎపిసోడ్స్‌గా అల‌రించ‌డానికి సిద్ధ‌మైంది. పాపుల‌ర్ తెలుగు ఫిల్మ్ స్టార్స్‌, వారి అభిమాన చెఫ్స్ క‌లిసి ఇష్ట‌మైన వంట‌ను చేయ‌డ‌మే కాకుండా, వారి ప్ర‌యాణంలోని జ్ఞాప‌కాల‌ను నెమ‌ర‌వేసుకోబోతున్నారు. సెల‌బ్రిటీలు ఎంపిక చేసుకునే ఫ‌డ్ వారి జీవ‌న శైలి, వ్య‌క్తిత్వాల‌ను తెలియ‌జేసేవిగా ఉంటాయి. అంతే కాకుండా స‌ద‌రు సెల‌బ్రిటీల్లో స‌ర‌దా కోణాన్ని కూడా ఈ ప్రోగ్రామ్ ద్వారా ప్రేక్ష‌కుల‌కు ప‌రిచ‌యం చేయ‌న్నారు నిర్వాహ‌కులు.
ఈ ప్రోగ్రామ్‌లో తొలి ఎపిసోడ్‌ బుధ‌వారం అంటే న‌వంబ‌ర్ 17న ప్ర‌సారం కానుంది. ఇక ఈ సరికొత్త ప్రోగ్రాం కు మొదటి గెస్ట్ గా ముద్దుగుమ్మ రెజీనా కాసాండ్రా రాబోతుంది. తెలుగులో పలు సినిమాల్లో నటించిన రెజీనా.. తమిళ్ , హిందీ భాషల్లోనూ సినిమాలు చేసింది. ఇక రెజీనా తర్వాత శ్రియా శ‌ర‌న్‌, సుహాస్‌, న‌బా న‌టేశ్‌, అడివి శేష్ త‌దిత‌రులు వీక్ష‌కుల‌ను అల‌రించ‌డానికి సిద్ధంగా ఉన్నారని తెలుస్తుంది.
మరిన్ని ఇక్కడ చదవండి :