Karthikeya 2: హిందీలో దుమ్మురేపుతోన్న కార్తికేయ.. 50 స్క్రీన్లతో మొదలై ఎంతకు చేరిందంటే..
Karthikeya 2: నిఖిల్‌ హీరోగా తెరకెక్కిన చిత్రం కార్తికేయ 2. 2014లో వచ్చిన కార్తికేయ చిత్రానికి సీక్వెల్‌గా తెరకెక్కిన ఈ సినిమా బాక్సాఫీస్‌ ముందు వండర్స్‌ క్రియేట్ చేస్తుంది. కథలో బలం ఉండాలే కానీ...
Karthikeya 2: నిఖిల్‌ హీరోగా తెరకెక్కిన చిత్రం కార్తికేయ 2. 2014లో వచ్చిన కార్తికేయ చిత్రానికి సీక్వెల్‌గా తెరకెక్కిన ఈ సినిమా బాక్సాఫీస్‌ ముందు వండర్స్‌ క్రియేట్ చేస్తుంది. కథలో బలం ఉండాలే కానీ చిన్న సినిమా, పెద్ద సినిమా అనే తేడానే ఉండదని నిరూపించిందీ చిత్రం. తక్కువ బడ్జెట్‌తో తెరకెక్కిన భారీ కలెక్షన్లను రాబట్టుతోంది. చందూ మొండేటి మార్క్‌ దర్శకత్వం, నిఖిల్‌ నటన ఈ సినిమాను విజయతీరాలకు చేర్చింది. అడ్వెంజర్‌ థ్రిల్లర్‌ నేపథ్యంగా వచ్చిన ఈ సినిమా ప్రేక్షకులను మెస్మరైజ్‌ చేస్తోంది. కేవలం తెలుగులోనే కాకుండా హిందీ వెర్షన్‌లోనూ ఈ సినిమా వండర్స్‌ క్రియేట్ చేస్తోంది.
హిందీలో రోజురోజుకీ కలెక్షన్లు పెంచుకుంటూ పోతోందీ సినిమా. సినిమాకు దక్కుతోన్న ఆదరణతో థియేటర్లను పెంచుకుంటూ పోతున్నారు. తొలి రోజు కేవలం 50 స్క్రీన్లతో విడుదలైన ఈ సినిమా ఇప్పుడు ఏకంగా 1000 స్క్రీన్స్‌కి చేరుకొని బాలీవుడ్ దృష్టిని ఆకర్షించింది. దీంతో ఈ సినిమా బాలీవుడ్‌లో కేవలం ఆరు రోజుల్లో 3000 షోలను పూర్తి చేసుకుంది. ఈ విషయాన్ని హీరో నిఖిల్‌ ట్విట్టర్‌ వేదికగా అధికారికంగా ప్రకటించారు. అలాగే ఈ వారాంతాన్ని థియేటర్లలో సెలబ్రేట్‌ చేసుకోండి అంటూ ట్వీట్ చేశారు నిఖిల్‌.
కృష్ణాష్టమి, శనిఆదివారాలతో లాంగ్‌ వీకెండ్ రావడంతో కార్తికేయ 2 కలెక్షన్లను మరింత పెరిగే అవకాశం ఉన్నట్లు ఇండస్ట్రీ వర్గాలు అంచనా వేస్తున్నాయి. ట్రెండ్‌ చూస్తుంటే కార్తికేయ ట్రిపులార్‌, పుష్ప సినిమాల సరసన నిలబడనుందనడంలో ఎలాంటి సందేహం అనిపించడం లేదు.
మరిన్ని సినిమా వార్తల కోసం క్లిక్ చేయండి..