CM KCR Birthday: సీఎం కేసీఆర్ పుట్టినరోజుకి స్పెషల్ గిఫ్ట్ ఇచ్చిన చిరంజీవి.. ప్రతి ఒక్కరూ మొక్కలు నాటాలని పిలుపు
మెగాస్టార్ చిరంజీవి సీఎం కేసీఆర్కు పుట్టిన రోజుకి స్పెషల్ గిఫ్ట్ ఇచ్చారు. సీఎం కేసీఆర్ ఫిబ్రవరి 17 పుట్టిన రోజు జరుపుకుంటున్నారు. ఈ సందర్భంగా రాజ్యసభ సభ్యులు జోగినిపల్లి సంతోష్ కుమార్ ఇచ్చిన...
CM KCR Birthday: మెగాస్టార్ చిరంజీవి సీఎం కేసీఆర్కు పుట్టిన రోజుకి స్పెషల్ గిఫ్ట్ ఇచ్చారు. సీఎం కేసీఆర్ ఫిబ్రవరి 17 పుట్టిన రోజు జరుపుకుంటున్నారు. ఈ సందర్భంగా రాజ్యసభ సభ్యులు జోగినిపల్లి సంతోష్ కుమార్ ఇచ్చిన ‘కోటి వృక్షార్చన’ అనే పిలుపు మేరకు మెగాస్టార్ చిరు స్పందించారు. తన ట్విట్టర్లో వీడియోను పోస్ట్ చేసి మరీ.. ఇదే కేసీఆర్ పుట్టిన రోజుకు తన నుంచి గిఫ్ట్ అంటూ స్పందించారు.
ఎంపీ సంతోష్ కుమార్ పిలుపు నిచ్చిన కోటి వృక్షర్చన అంటే.. సీఎం పుట్టిన రోజు కానుకగా అందరూ ఒకేసారి కోటి వృక్షలు నాటడం. ఇక ఈ కార్యక్రమానికి సెలబ్రిటీలందరూ సపోర్ట్ చేస్తూ ట్వీట్స్ చేస్తున్నారు. తాజాగా మెగాస్టార్ చిరంజీవి ఈ కార్యక్రమానికి సపోర్ట్ అందిస్తూ.. అందరూ ఈ కార్యక్రమంలో భాగమై మొక్కలు నాటాలని కోరుతూ ఓ వీడియోని విడుదల చేశారు.
‘కోటి వృక్షార్చనలో పాల్గొని మొక్కలు నాటి.. ముఖ్యమంత్రి కేసీఆర్గారికి పుట్టినరోజు కానుకగా అందిద్దాం అని తెలుపుతూ.. మెగాస్టార్ చిరంజీవి ఓ వీడియో రిలీజ్ చేశారు. తెలంగాణ రాష్ట్రం పచ్చదనంతో కళకళలాడాలి అని మన ముఖ్యమంత్రి కేసీఆర్గారి ఆకాంక్ష, కోరిక. దాని కోసం మన రాజ్యసభ సభ్యులు జోగినిపల్లి సంతోష్ కుమార్గారు గ్రీన్ ఇండియా ఛాలెంజ్ సంస్థ ఆధ్వర్యంలో చేపట్టిన ఒక గంటలో ఒక కోటి మొక్కలు నాటే కోటి వృక్షార్చన కార్యక్రమంలో భాగస్వామ్యం అయి, మొక్కలు నాటుదాం.. మన ముఖ్యమంత్రిగారికి పుట్టినరోజు కానుకగా ఇద్దాం, వాటిని పరిరక్షించే బాధ్యత తీసుకుందాం..” అని పేర్కొన్నారు. ఈ సందర్భంగా మెగాస్టార్.. ముఖ్యమంత్రి కేసీఆర్కి పుట్టినరోజు శుభాకాంక్షలు తెలియజేశారు.
Also Read: