Vikram Movie: దుమ్మురేపనున్న ‘విక్రమ్’.. కమల్ మూవీకి ‘కేజీఎఫ్’ స్టంట్ మాస్టర్స్..

Kamal Hassan Vikram Movie

Kamal Hassan Vikram Movie: విశ్వనటుడు కమల్ హాసన్ హీరోగా లోకేష్ కనకరాజ్ తెరకెక్కిస్తున్న యాక్షన్ థ్రిల్లర్ ‘విక్రమ్’. శంకర్ దర్శకత్వంలో నటిస్తున్న ‘ఇండియన్ 2’ చిత్రం లేట్ అవుతుండటంతో దీనిని సెట్స్ పైకి తీసుకెళ్లారు కమల్ హాసన్.. లోకనాయకుడి కెరీర్లో వస్తున్న ఈ 232వ సినిమాని రాజ్ కమల్ ఫిలిమ్స్ ఇంటర్నేషనల్ పతాకంపై నిర్మిస్తున్నారు. ఇప్పటికే కమల్ పుట్టినరోజు సందర్భంగా విడుదల చేసిన గ్లిమ్స్ తో సినీ ఇండస్ట్రీలో ఈ సినిమాపై భారీ అంచనాలు నెలకొన్నాయి. దీనికి తగ్గట్టుగానే భారీ స్థాయిలో ఈ చిత్రాన్ని రూపొందిస్తున్నట్లు పేర్కొంటున్నాయి సినీవర్గాలు. ఈ చిత్రానికి ‘కేజీఎఫ్’ స్టంట్ మాస్టర్స్ అన్బు-అరివ్ యాక్షన్ కొరియోగ్రఫీ అందివ్వనున్నారు. ఈ విషయాన్ని తాజాగా లోకేష్ కనగరాజ్ సోషల్ మీడియా వేదికగా వెల్లడించారు.

‘కేజీఎఫ్’ చిత్రానికి అద్భుతమైన యాక్షన్ కొరియోగ్రఫీ అందించిన అన్బు-అరివ్.. ఆ తర్వాత దేశవ్యాప్తంగా గుర్తింపు సంపాదించుకున్నారు. ప్రస్తుతం వీరిద్దరూ ప్రభాస్ నటిస్తున్న ‘సలార్’, రవితేజ ‘ఖిలాడి’, సూర్య 40 చిత్రాలకు స్టంట్ మాస్టర్స్‌గా వ్యవహరిస్తున్నారు. తాజాగా అన్బు-అరివ్ కమల్ సినిమాకు ఫైట్స్ కంపోజ్ చేసే అవకాశం దక్కించుకున్నారు. ఈ నేపథ్యంలో లెజండ్ కమల్ తో పనిచేసేందుకు ఎగ్జైటింగ్‌గా ఉన్నామని అన్బు-అరివ్ పేర్కొన్నారు. ఈ చిత్రంలో మలయాళ స్టార్ హీరో ఫహద్ ఫాజిల్, మక్కల్ సెల్వన్ విజయ్ సేతుపతి కీలక పాత్రలు పోషించబోతున్నారు. అనిరుధ్ సంగీతం అందిస్తున్నాడు. ఇప్పటికే ఈ చిత్ర టీజర్ సినిమాపై భారీ అంచనాలు పెంచింది.

Also Read:

Kambalapally kathalu : చాప్టర్ 2 కు సిద్దమవుతున్న కంబాలపల్లి కథలు.. ఎప్పుడెప్పుడా అని ఎదురుచూస్తున్న ప్రేక్షకులు..

Niharika Konidela: అమ్మ చీర‌లే అందం.. న‌యా రూటులో బుట్టబొమ్మ‌లు.. ఎంత ముద్దుగా ఉన్నారో సుమీ..!

Allu Arjun: బాలీవుడ్ పై కన్నేస్తున్న ఐకాన్ స్టార్.. హిందీ ఆడియన్స్ కోసం భారీ ప్లాన్ చేస్తున్న బన్నీ..