ఈ సింగర్‌ హృదయం చాలా విశాలమైంది.. ఏకంగా కోటి 27 లక్షల విరాళం ప్రకటించింది..
Hotel Del Luna Star IU: కొరియన్ గాయని IU తన పాటలతో కుర్రకారును హుషారెత్తిస్తుంది. దీంతో చాలామంది అభిమానులను సంపాదించుకుంది.
Hotel Del Luna Star IU: కొరియన్ గాయని IU తన పాటలతో కుర్రకారును హుషారెత్తిస్తుంది. దీంతో చాలామంది అభిమానులను సంపాదించుకుంది. సంగీత ప్రపంచంలో ఆమె సంపాదించిన పేరు కంటే స్వచ్ఛంద కార్యక్రమాలతో అందరికి ఇష్టంగా మారింది. తాజాగా ఆమె చేసిన ఒక పని సర్వత్రా చర్చనీయాంశంగా మారింది. ఆమె ఉదారతను తెలియజేస్తుంది. ఒక నివేదిక ప్రకారం.. ఇటీవల ఈమె కోటి 27 లక్షల రూపాయలను చైల్డ్ ఫండ్ కొరియాకు విరాళంగా ప్రకటించింది.
కొరియన్ టాబ్లాయిడ్ సంపీ తన ఏజెన్సీ EDAM ఎంటర్‌టైన్‌మెంట్ IU 100 మిలియన్లను క్యాన్సర్ రోగులకు, పేద కుటుంబాల పిల్లలకు విరాళంగా అందించిందని ధృవీకరించింది. విరాళంలో కొంత భాగాన్ని చైల్డ్‌ఫండ్ కొరియా తక్కువ ఆదాయ కుటుంబాల పిల్లలకు, శీతాకాలపు దుస్తులు, అవసరాల కోసం అందించింది. సింగర్‌ IU తన విరాళం గురించి ఒక ఇంటర్వ్యూలో మాట్లాడుతూ.. ఈ శీతాకాలంలో ఒక్క పేద పిల్లవాడు కూడా వెచ్చని దుస్తులు లేకుండా ఉండకూడదన్నారు. ఇది కష్టమైన సమయం కాబట్టి ప్రతి ఒక్కరూ ముందుకు వచ్చి వారికి సహాయం చేయాలని కోరతున్నానని తెలిపారు.
పేద ప్రజలకు సహాయం చేయడానికి IU ముందుకు రావడం ఇదే మొదటిసారి కాదు. ఎప్పటి నుంచో ఆమె అనేక సంస్థల ద్వారా ప్రజలకు సహాయం చేస్తుంది. IU వర్క్ ఫ్రంట్ గురించి మాట్లాడుతూ.. ఈ సంవత్సరం మార్చిలో ఐదో స్టూడియో ఆల్బమ్ లిలక్‌ని విడుదల చేసారు. దీనికి మంచి ఆదరణ లభించింది. చివరిసారిగా 2019 ఫాంటసీ మిస్టరీ డ్రామా హోటల్ డెల్ లూనాలో కనిపించారు. ఇప్పుడు IUకి త్వరలో 29 ఏళ్లు నిండుతాయి. డిసెంబరులో ఆమె కొత్త ఆల్బమ్ పీస్. దీంతో ఆమె అభిమానుల్లో చాలా కాలంగా సందడి నెలకొంది.
