2021లో భారతీయ సినిమా పరిశ్రమకు గుండెకోత మిగిల్చిన ఘటనల్లో కన్నడ పవర్ స్టార్ పునీత్ రాజ్కుమార్ హాఠాన్మరణం ఒకటి.
గత ఏడాది అక్టోబర్ 29న జిమ్ చేస్తుండగా హఠాత్తుగా గుండెపోటుకు గురయ్యారు పునీత్. కుటుంబ సభ్యులు ఆసుపత్రికి తీసుకెళ్లగా అక్కడే చికిత్స పొందుతూ కన్నుమూశారు. దీంతో కన్నడతో పాటు యావత్ భారతీయ సినిమా పరిశ్రమ తీవ్ర విషాదంలో కూరుకుపోయింది. కాగా పునీత్ ఆకస్మిక మరణంతో ఆయన నటించిన సినిమాలు, ప్రాజెక్టులపై అయోమయం నెలకొంది. అయితే కర్ణాటక అడవుల పరిరక్షణ నేపథ్యంలో తెరకెక్కిన ‘గంధడ గుడి’ అనే డాక్యుమెంటరీకి సంబంధించిన వీడియో కొన్ని రోజుల క్రితం విడుదలైన సంగతి తెలిసిందే. తాజాగా పునీత్ నటించిన మరో సినిమా ‘ లక్కీమ్యాన్’ ఫస్ట్ లుక్ విడుదలైంది.
కాగా 2020లో తమిళంలో విడుదలైన ఘనవిజయం సాధించిన ‘ఓ మై కడవులే’ కన్నడ రీమేక్గా ‘లక్కీమ్యాన్’ తెరకెక్కుతోంది. ఈచిత్రంలో డార్లింగ్ కృష్ణ, రోష్ని ప్రకాశ్ హీరో హీరోయిన్లుగా నటిస్తుండగా.. పునీత్ రాజ్ కుమార్ఈ దేవుని పాత్రను పోషిస్తున్నాడు. ఈక్రమంలో పునీత్ కొత్త పోస్టర్ను సోషల్ మీడియాలో పోస్ట్ చేసిన డార్లింగ్ కృష్ణ ‘ త్వరలో దేవుడు రాబోతున్నారు’ అని క్యాప్షన్ పెట్టాడు. కాగా ఈ సినిమాలో భాగంగా ఇండియన్ మైఖెల్ జాక్సన్ ప్రభుదేవాతో కలిపి ఒక పాటకు స్టెప్పులు కూడా వేశారు పునీత్. కొద్ది రోజుల క్రితం ఈ పాటకు సంబంధించిన విజువల్స్ సోషల్ మీడియాలో బాగా చక్కర్లు కొట్టాయి.
#Luckyman coming soon pic.twitter.com/xjAhVZNJB8
— darling krishna (@darlingkrishnaa) December 31, 2021
Also Read:
Hyderabad: వనస్థలిపురంలో కారు బీభత్సం.. మద్యం మత్తులో అపార్ట్మెంట్ గోడను ఢీకొట్టిన యువకులు..
Kangana Ranaut: ముక్కంటీశుని సేవలో కంగనా రనౌత్.. రాహుకేతు పూజల్లో పాల్గొని మొక్కులు చెల్లింపు..