Director Vamsi: రైలు ప్రయాణం.. మంచులో మెరిసే పాత కోట.. ఆ సూపర్ హిట్ సాంగ్ వెనుక ఉన్న అసలు రహస్యమిదే!
దర్శకుడు వంశీ సినిమాలకు ప్రత్యేకమైన ఫ్యాన్ బేస్ ఉంటుందన్న సంగతి తెలిసిందే. ఎన్నో అద్భుతమైన చిత్రాలను తెరకెక్కించి తనకంటూ ప్రత్యేక ఇమేజ్ క్రియేట్ చేసుకున్నారు. అయితే తన సినిమాలకు స్వయంగా సంగీతం సమకూర్చే విధానం, ఇళయరాజాతో తన ప్రత్యేక అనుబంధం గురించి గతంలో ఓ ఇంటర్వ్యూలో వివరించారు. ముఖ్యంగా ఏకాంత వేళ పాటను రైలు ప్రయాణంలో, మంచుతో కప్పబడిన కోటను చూస్తూ ఎలా స్వరపరిచారో, ఆ సందర్భంలో ఇళయరాజా స్పందన, పాట పుట్టుక వెనుక ఉన్న ఆసక్తికరమైన కథను పంచుకున్నారు.
దర్శకుడు వంశీ తన సినిమాల సంగీత ప్రవేశం, ప్రముఖ సంగీత దర్శకుడు ఇళయరాజాతో తనకున్న విభిన్నమైన అనుబంధాన్ని ఓ ఇంటర్వ్యూలో వివరించారు. తాను చేసిన ప్రతి చిత్రానికి మెలోడీలు, బ్యాక్‌గ్రౌండ్ మ్యూజిక్ సహా అన్నిటినీ స్వయంగా తానే సమకూర్చుకుంటానని స్పష్టం చేశారు. చిన్నప్పుడు సంగీతం నేర్చుకోకపోయినా, తనకి సంగీతంతో ఒక సహజసిద్ధమైన అనుబంధం ఉందని తెలిపారు. రాజ్-కోటిలోని రాజ్ గారితో కలిసి శ్రీ కాణిపాక వరసిద్ధి వినాయక సుప్రభాతం అనే ఒక గంట కార్యక్రమానికి పనిచేశానని, దీనికి ఎస్.పి. బాలసుబ్రహ్మణ్యం గారు గాత్రం అందించారని గుర్తు చేసుకున్నారు. ఇళయరాజాతో తనకున్న బంధం చాలా ప్రత్యేకమైనదని వంశీ తెలియజేశారు. ఆయన తనతో చాలా స్వేచ్ఛగా ఉంటారని, కొన్నిసార్లు మట్టికే మైనస్ స్కేల్‌లో ప్రత్యేకంగా ట్యూన్‌లు చేస్తారని రాజ్ గారు, ఎస్.పి. బాలసుబ్రహ్మణ్యం గారు కూడా ఆశ్చర్యపోయేవారని ఆయన అన్నారు.
ఎక్కువ మంది చదివినవి : ముఠా మేస్త్రీ షూటింగ్ 3 నెలలు ఆగిపోయింది.. అప్పుడు చిరంజీవి చెప్పిన మాటకు ఆశ్చర్యపోయా.. బాబూ మోహన్..
ఇళయరాజా సాధారణంగా ఒక సినిమాకు ఐదు పాటలకు ఐదు ట్యూన్‌లే ఇస్తారని, కానీ తన సినిమాలకు 100 ట్యూన్‌లు చేయించిన సందర్భాలు ఉన్నాయని వంశీ ఆశ్చర్యకరమైన విషయం చెప్పారు. ఇది ఒకేసారి కాదని, ఐదారుసార్లు కలిసి కూర్చున్నప్పుడు జరిగిందని వివరించారు. సాధారణంగా చెన్నైలో కాకుండా తమిళనాడు లోపల, తిరువణ్ణామలైలోని రమణాశ్రమం వంటి మారుమూల ప్రదేశాలలో తమ కంపోజింగ్ జరిగేదని తెలిపారు. వంశీ ముఖంలో సంతృప్తి కనిపించకపోతే, ఇళయరాజా తనకు నచ్చే వరకు ట్యూన్‌లు చేస్తూనే ఉండేవారని పేర్కొన్నారు.
ఎక్కువ మంది చదివినవి : Cinema : గరివిడి లక్ష్మి పాత్రను మిస్ చేసుకున్న మరో హీరోయిన్.. నిత్యా మీనన్తోపాటు ఆ క్రేజీ బ్యూటీ కూడా..
ఏకాంత వేళ పాట పుట్టుక వెనుక ఉన్న ప్రత్యేకమైన కథను వంశీ పంచుకున్నారు. ఒక రైలు ప్రయాణంలో, తెల్లవారుజామున ఒక పాత కోట మంచులో కనపడుతుండగా, ఇళయరాజా మంచి మూడ్‌లో ఉన్నారని వంశీ గమనించారు. ఆ సమయంలో పాట కంపోజ్ చేయమని కోరగా, ఎవరూ అడగనట్టుగా ఇళయరాజా హార్మోనియం తీసి ఒళ్లో పెట్టుకుని వెంటనే ఏకాంత వేళ పాటను స్వరపరిచారని వంశీ వివరించారు. ఆ పాట లిరిక్స్ ఎలా ఉండాలో అక్కడే డిక్టేట్ చేశారని, సుందరమూర్తి గారు ఆ లిరిక్స్‌ను రాశారని తెలిపారు. ఆ పాటలోని స్వరాలు, సాహిత్యం మనసుకు హత్తుకునేలా ఉంటాయని వంశీ అన్నారు. ఇతర దర్శకులు ఇళయరాజా సమయం కోసం ఎదురుచూస్తుంటే, తాను మాత్రం ఆయనతోనే భోజనం, టీ, కాఫీలు తీసుకుంటూ ఎప్పుడూ ఆయన పక్కనే ఉండేవాడినని, తనకోసం ఏ ప్రొడ్యూసర్ వచ్చినా అక్కడికే రావాల్సి వచ్చేదని వంశీ సరదాగా గుర్తు చేసుకున్నారు.
ఎక్కువ మంది చదివినవి : Idupu Kayitham: ఇడుపు కాయితం నుంచి గడప సాంగ్ రిలీజ్.. ప్రతి అమ్మాయి హృదయాలను హత్తుకునే పాట..
ఏకాంత వేళ సాంగ్..
ఎక్కువ మంది చదివినవి : Balakrishna: బాలకృష్ణకు లవర్‌గా, భార్యగా, బామ్మగా నటించిన ఏకైక హీరోయిన్.. ఇప్పటికీ తగ్గని క్రేజ్..