కారు ప్రమాదంలో బుల్లితెర నటి మృతి.. ఇవాళ అంత్యక్రియలు
కారు ప్రమాదంలో ప్రముఖ బుల్లితెర నటి వైభవి ఉపాధ్యాయ హఠన్మరణం చెందారు. బాయ్‌ ఫ్రెండ్‌తో కలిసి ఇటీవల కారులో హిమాచల్‌ ప్రదేశ్‌కి వెళ్లింది. తిరిగి వస్తుండగా వారు ప్రయాణిస్తున్న కారు ప్రమాదవశాత్తు లోయలో పడిపోయింది. ఈ దుర్ఘటనలో..
కారు ప్రమాదంలో ప్రముఖ బుల్లితెర నటి వైభవి ఉపాధ్యాయ హఠన్మరణం చెందారు. బాయ్‌ ఫ్రెండ్‌తో కలిసి ఇటీవల కారులో హిమాచల్‌ ప్రదేశ్‌కి వెళ్లింది. తిరిగి వస్తుండగా వారు ప్రయాణిస్తున్న కారు ప్రమాదవశాత్తు లోయలో పడిపోయింది. ఈ దుర్ఘటనలో నటి వైభవి అక్కడికక్కడే మృతి చెందింది. ఆమె బాయ్‌ ఫ్రెండ్‌ తీవ్ర గాయాలతో ఆసుపత్రిలో చికిత్స పొందుతున్నాడు.
ఈ విషాదకర వార్తను నిర్మాత జేడీ మజేథియా ఇన్‌స్టాగ్రామ్ వేదికగా వెల్లడించారు. ఆమె మృతదేహాన్ని నేడు ముంబాయికి తీసుకురానున్నట్లు తెలుస్తోంది. బుధవారం సాయంత్రం వైభవి అంత్యక్రియలు నిర్వహించున్నట్లు సమాచారం. వైభవి మృతి పట్ల పలువురు సెలబ్రెటీలు సోషల్‌ మీడియ వేదికగా సంతాపం వ్యక్తం చేస్తున్నారు.
కాగా వైభవి ప్రముఖ టీవీ షో ‘సారాభాయ్ వర్సెస్ సారాభాయ్’లో నటించి మంచి గుర్తింపు తెచ్చుకుంది. దీనిలో జాస్మిన్ పాత్ర వైభవీకి మంచి గుర్తింపు తెచ్చిపెట్టింది. దీపికా పదుకొణె నటించిన ఛపాక్‌ మువీలో కూడా వైభవి నటించింది. సీఐడీ, అదాలత్‌ వంటి షోలలో కూడా ఆమె నటించింది. వైభవి మృతికి సంబంధించి మరిన్ని వివరాలు తెలియాల్సి ఉంది.
మరిన్ని సినిమా కథనాల కోసం క్లిక్‌ చేయండి.