Assam Election 2021 2nd Phase Voting Update: అసోంలో ముగిసిన రెండో దశ అసెంబ్లీ ఎన్నికలు.. ఎంత శాతం పోలింగ్ జరిగిందంటే.. ‌

ఈశాన్య రాష్ట్రం అస్సాంలో రెండో విడద పోలింగ్ ముగిసింది. 39 నియోజకవర్గాలకు ఎన్నికలు జరగగా.. సాయంత్రం 7 గంటల వరకు 74.79 శాతం పోలింగ్ జరిగింది. నోవ్‌గాంగ్ నియోజకవర్గంలో అత్యధికంగా 83శాతం ఓటింగ్‌ నమోదయ్యింది. ఇక మూడో దశ (చివరి దశ) ఏప్రిల్ 6న జరగనుంది. మే 2న ఫలితాలు వెలువడనున్నాయి.

అస్సాంలో జరుగుతోన్న రెండో దశ ఎన్నికల పోలింగ్ ప్రక్రియ మరికొద్ది సేపట్లో ముగియనుంది. ఈ క్రమంలో సాయంత్రం 6 గంటలకు అస్సాంలో 73.03 శాతం పోలింగ్ నమోదైందని ఎన్నికల సంఘం తెలిపింది. ఎన్నికల ప్రక్రియ పూర్తయ్యేసరికి పోలింగ్ శాతం మరింత పెరిగే అవకాశాలున్నాయని అంచనా వేస్తున్నారు.

అస్సాంలో రెండో దశ అసెంబ్లీ ఎన్నికలు కొనసాగుతున్నాయి. సాయంత్రం 5 గంటల వరకు 67.60 శాతం పోలింగ్ జరిగినట్లు ఎన్నికల సంఘం తెలిపింది. పోలింగ్ పూర్తికావడానికి మరో 30 నిమిషాలు మిగిలి ఉంది. సాయంత్రం 6 గంటల వరకు క్యూలైన్‌లో నిలుచున్న వారికి ఓటు వేసే అవకాశాన్ని కల్పించనున్నారు. ఈ లెక్కన ఓటింగ్ శాంతి మరింత పెరిగే అవకాశాలున్నాయని అధికారులు చెబుుతున్నారు.

అస్సాంలో రెండో దశ అసెంబ్లీ ఎన్నికలు ప్రశాంతంగా కొనసాగుతున్నాయి. మధ్యాహ్నం 3:30 గంటలకు అస్సాం 57.89 శాతం పోలింగ్ నమోదైనట్లు ఎన్నికల సంఘం తెలిపింది.

అసోంలో అసెంబ్లీ ఎన్నికలకు రెండో దశ పోలింగ్‌ ప్రశాంతంగా కొనసాగుతోంది. మధ్యాహ్నం ఒంటి గంట వరకు 48.24 శాతం ఓటింగ్‌ నమోదైనట్లు ఎన్నికల అధికారులు తెలిపారు.

అసోంలో అసెంబ్లీ ఎన్నికలకు రెండో దశ పోలింగ్‌ కొనసాగుతోంది. ఉదయం 1 గంటల వరకు 16.20 శాతం పోలింగ్‌ శాతం నమోదైనట్లు ఎన్నికల అధికారులు తెలిపారు. కొన్ని ప్రాంతాల్లో ఈవీఎంలు మొరాయించడంతో పోలింగ్‌ కాస్త ఆలస్యంగా ప్రారంభమైంది.

ఉదయం 9గంటల వరకు అసోంలో 10.51శాతం, బంగాల్​లో 13.14శాతం పోలింగ్​ నమోదైంది. అసోంలో అసెంబ్లీ ఎన్నికలకు రెండో దశ పోలింగ్‌ కొనసాగుతోంది. ఉదయం 9 గంటల వరకు 10.51 శాతం పోలింగ్‌ నమోదైనట్లు ఎన్నికల అధికారులు తెలిపారు.

అస్సాం మాజీ రైల్వే శాఖ మంత్రి, బీజేపీ నాయకుడు రాజెన్ గోహైన్ నాగావ్ లోని తన ఓటును వినియోగించుకున్నారు. మొదటి దశలో మొత్తం 47 సీట్లలో 35 కి పైగా సీట్లు బీజేపీకి వస్తాయని ఈ సందర్భంగా ఆయన ఆశాభావం వ్యక్తం చేశారు. ఇక రెండవ దశలో అధిక సీట్లను కైవసం చేసుకుని ప్రభుత్వాన్ని ఏర్పాటు చేస్తుందని ఆయన ధీమా వ్యక్తం చేశారు.

కరోనా వైరస్‌ కారణంగా అసోంలో రెండో విడత పోలింగ్‌ కేంద్రాల వద్ద ఓటర్ల స్క్రీనింగ్‌ టెస్ట్‌ చేస్తున్నారు. అలాగే శానిటైజర్లు, మాస్క్‌లు అందుబాటులో ఉంచారు. కరోనా నిబంధనలు పాటిస్తూ పోలింగ్‌ జరిగేలా చర్యలు తీసుకుంటున్నారు అధికారులు.

అసోం అసెంబ్లీ ఎన్నికల రెండో విడత పోలింగ్‌లో 31,00 మంది కేంద్ర ఆర్మీ పోలీస్ ఫోర్స్ సిబ్బందిని ఏర్పాటు చేశారు. అలాగే శాంతిభద్రతల పరిరక్షణ కోసం కేంద్ర సాయుధ పోలీసు దళాలతో పాటు వేలాది మంది రాష్ట్ర భద్రతా దళాల సిబ్బందిని ఈ ఎన్నికల పోలింగ్‌లో భాగంగా నియమించారు.

రెండో విడత ఎన్నికల పోలింగ్‌లో భాగంగా ప్రధాని నరేంద్రమోదీ ట్వీట్‌ చేశారు. అసోంలో ప్రతి ఒక్కరు తమ ఓటు హక్కును వినియోగించుకోవాలని కోరారు. బంగాల్​ ప్రజలు రికార్డు స్థాయిలో ఓట్లు వేయాలని కోరారు.

రెండవ దశ పోలింగ్‌లో హోజాయ్‌లోని ఒక పోలింగ్ కేంద్రంలో ఓటర్లు ఓటు వేసేందుకు భారీ క్యూలైన్‌లో ఉన్నారు. ఇదే సమయంలో ఈవీఎంలు మోరాయించడంతో బాలికా విద్యాలయంలోని పోలింగ్ స్టేషన్ నంబర్ 146 వద్ద తాత్కాలికంగా పోలింగ్‌ను నిలిపివేశారు.

అసోం అసెంబ్లీ ఎన్నికల పోలింగ్‌లో భాగంగా నౌగాన్లోని లా కాలేజీలో ఓటింగ్ ఆలస్యంగా ప్రారంభమైంది. పోలింగ్‌ కేంద్రంలో ఈవీఎం పనిచేయకపోవడం వల్ల నౌగావ్‌లోని లా కాలేజీలోని పోలింగ్ స్టేషన్ నెంబర్ 26 వద్ద ఓటింగ్ ఆలస్యం అయింది.

అసోంలో అసెంబ్లీ ఎన్నికలకు రెండో విడత పోలింగ్‌ కొనసాగుతోంది. ఈ దశలో, 80 సంవత్సరాలు మరియు అంతకంటే ఎక్కువ వయస్సు గల 89,875 మంది ఓటర్లు ఉన్నారు మరియు మొదటిసారి 90 వేల మంది తమ ఓటు హక్కును వినియోగించుకున్నారు.