పూనకాలు వచ్చేలా ‘పుష్ప’ ఐటమ్ సాంగ్ !
దేవీ శ్రీ ప్రసాద్..టాలీవుడ్ తోపు మ్యూజిక్ డైరెక్టర్. యూత్ని మెస్మరైజ్ చెయ్యడంలో దేవీ ఎప్పుడు ముందుంటాడు.
దేవీ శ్రీ ప్రసాద్..టాలీవుడ్ తోపు మ్యూజిక్ డైరెక్టర్. యూత్ని మెస్మరైజ్ చెయ్యడంలో దేవీ ఎప్పుడు ముందుంటాడు. మాస్ కిర్రాక్ సాంగ్స్తో అలరిస్తాడు. ఇంక ఐటమ్ సాంగ్ అంటే దేవీ చేసే రచ్చ మాములుగా ఉండదు. అందులోనూ అల్లు అర్జున్-సుకుమార్ కాంబినేషన్ అంటే ఐటమ్ సాంగ్ రేంజ్ అదిరిపోతుంది. గతంలో వీరిద్దరి కాంబోలో వచ్చిన చిత్రాలకు మరింత ఎనర్జీతో పాటలందించాడు దేవి. అల్లు అర్జున్- సుకుమార్-దేవీ శ్రీ ప్రసాద్ కలిస్తే..రచ్చ రంబోలానే. ముగ్గురి కాంబోలో వచ్చిన చిత్రాల్లో ఐటమ్ సాంగ్స్ యువతను ఉర్రూతలూగించాయి.
తాజాగా ఇదే కాంబోలో ఇప్పుడు ‘పుష్ప’ తెరకెక్కుతోంది. ఈ సినిమాలోని పాటలను ఇప్పటికే కంపోజ్ చేశాడట దేవి. అందులో ఓ ఐటమ్ సాంగ్ ఫ్యాన్స్ అంచనాలకు ఏమాత్రం తగ్గకుండా ఉంటుందని ఇండస్ట్రీ వర్గాల టాక్. కరోనా కారణంగా ‘పుష్ప’ షూటింగ్ వాయిదా పడింది. ఈమూవీలో రష్మిక హీరోయిన్గా నటిస్తోంది. ఇప్పటికే రిలీజైన ఫస్ట్లుక్ సినిమాపై అంచనాల్ని పెంచేసింది.
Also Read :