Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

కొండాతో కేకే.. మీటింగ్ మర్మమేంటో..?

konda met kk in hyderabad, కొండాతో కేకే.. మీటింగ్ మర్మమేంటో..?

ఆర్టీసీ సమ్మె, దానికి సంబంధించిన చర్చలు ఎలా వున్నా.. మంగళవారం ఓ అనూహ్యమైన భేటీ జరిగింది. ఆర్టీసీ చర్చలకు తాను మధ్యవర్తినవుతానని, కెసీఆర్ ఆదేశిస్తే చర్చలకు వెళతానని ప్రకటించిన టిఆర్ఎస్ ముఖ్య నేత, రాజ్యసభలో టిఆర్ఎస్ పక్షం నాయకుడు కే.కేశవరావును ఇవాళ మొన్నటి ఎన్నికలకు ముందు కెసీఆర్ తో విభేదించి టిఆర్ఎస్ పార్టీని వీడిన మాజీ ఎంపీ కొండా విశ్వేశ్వర రెడ్డి.. మంగళవారం అనూహ్యంగా కే.కే.తో భేటీ అయ్యారు. కారణం ఆర్టీసీ అంశమేనని కొండా చెప్పినప్పటికీ.. ఆయన కేకేని కల్వడం వెనుక వేరే కారణాలున్నాయన్న గుసగుసలు మొదలయ్యాయి.

ఆర్టీసీ యూనియన్లతో చర్చలు ఇక క్లోజ్ అయినట్లేనని సాక్షాత్తు ముఖ్యమంత్రి కెసీఆర్ ప్రకటించినా.. తాను రాయభారం నడుపుతానని ప్రకటించడం ద్వారా ధిక్కార స్వరం వినిపించిన కేకేని అభినందించేందుకే కొండా ఆయన్ని కలిసినట్లు సమాచారం. అయితే.. మధ్యవర్తిత్వానికి ముందుకొచ్చిన కేకే కు కేసీఆర్ నుంచి గ్రీన్ సిగ్నల్ లభించకపోవడంతో ఆయన వెనక్కి తగ్గారు. అటు ఆర్టీసీ యూనియన్లు సైతం కేకే లేఖను స్వాగతించాయి. ఈ క్రమంలో మంగళవారం సాయంత్రం కేకే మధ్యవర్తిత్వంతో చర్చలు పున: ప్రారంభమవుతాయని అంతా అనుకున్నారు. కానీ సీన్ వేరేలా మారింది.

కేకే రాయభారానికి సీఎం ఓకే అనకపోవడంతో ఆయన సైలెంటైపోయారు. ఈక్రమంలో కేకేలో రెండో ఆలోచన రప్పించేందుకే కొండా.. కేకేని కలిశారన్న ఊహాగానాలు జోరందుకున్నాయి. టిఆర్ఎస్ లో సీనియర్ల మాటలకు ఇదీ వాల్యూ అని చెప్పినట్లు సమాచారం. ఏదైతేనేం.. కొండా విశ్వేశ్వర్ రెడ్డి, కేశవరావుల భేటీ పొలిటికల్ సర్కిల్స్లో  సరికొత్త ఊహాగానాలకు తెరలేపింది. అయితే.. కేకేని కలిసిన కొండా కామెంట్స్ మాత్రం వేరేలా వున్నాయి.

కొండా విశ్వేశ్వర్‌రెడ్డి మీడియాతో మాట్లాడుతూ.. ‘నిన్న కేకే విడుదల చేసిన లేఖతో ఆయన్ను కలిశాను. ఆర్టీసీ సమస్యను అర్థం చేసుకొని మంచి మనసుతో ఆయన స్పందించారు. సమ్మె వల్ల అందరికీ నష్టమే. టీఆర్‌ఎస్‌కు కూడా రాజకీయంగా మైనస్సే. కానీ సీఎం మాత్రం మొండిగా ఉంటున్నారు. ఆయనకు పోలీస్‌శాఖ ఒక్కటే ఉంటే సరిపోతుందను​కుంటున్నారు. అయితే సమస్య పరిష్కారానికి ముఖ్యమంత్రి నుంచి ఆదేశాలు వస్తేనే చర్చలు జరుపుతామని కేకే చెప్పార’ని కొండా వెల్లడించారు.  

ఏది ఏమైనా ఇటీవలనే కెసీఆర్ తో విభేదించిన కొండాతో కేశవరావు భేటీ అవడం పార్టీలోను కలకలం రేపుతోంది. వీరిద్దరి భేటీని కేసీఆర్ ఎలా తీసుకుంటారో.. ఆయన తదుపరి స్టెప్ ఏంటీ అనే అంశాలపై గులాబీ శ్రేణుల్లో గుసగుసలు ఊపందుకున్నాయి.