Delhi News: ఢిల్లీలో అనుమానాస్పద బ్యాగ్ కలకలం.. బ్యాగ్ లో భారీగా పేలుడు పదార్థాలు..!

Delhi Bag

దేశ రాజధాని ఢిల్లీ(Delhi) శివారు సీమాపురి ప్రాంతంలో అనుమానాస్పద బ్యాగ్‌ తీవ్ర కలకలం రేపింది. ఓ గదిలో ఉన్న బ్యాగ్‌లో భారీగా పేలుడు పదార్ధాలు ఉన్నట్టు తెలుస్తోంది. సమాచారం అందుకున్న ఎన్‌ఎస్‌జీ, ఢిల్లీ పోలీసు స్పెషల్‌ సెల్‌ పోలీసులు సంఘటనా స్థలానికి చేరుకుని తనిఖీలు చేపట్టారు. ఆ గది నుంచి పారిపోయిన నలుగురు అనుమానితుల కోసం గాలింపు చర్యలు చేపట్టారు. రిపబ్లిక్‌ డే వేడుకల ముందు ఘాజీపూర్‌ ప్రాంతంలో భారీగా ఆర్‌డీఎక్స్‌ పట్టుబడింది. ఈ కేసు విచారణ చేస్తున్న పోలీసులకు సీమాపూరి ప్రాంతంలో పేలుడు పదార్ధాలు నిల్వ చేసినట్టు సమాచారం అందింది. సోదాలు చేపట్టిన పోలీసులకు ఓ గదిలో అనుమానాస్పద బ్యాగ్‌ లభ్యమైంది.

గతంలోనూ ఢిల్లీలో ఇలాంటి ఘటనే జరిగింది. ఘాజీపూర్‌ పూల మార్కెట్‌ సమీపంలో అనుమానాస్పద స్థితిలో ఓ బ్యాగును పోలీసులు గుర్తించారు. బాంబు స్క్వాడ్‌తో పాటు ఎన్‌ఎస్‌జీకి సమాచారం అందించారు. అనంతరం ఎన్‌ఎస్‌జీ, బాంబు స్క్వాడ్‌ బృందాలు ఆ బ్యాగును పరిశీలించగా అందులో ఐఈడీ పేలుడు పదార్థాలు ఉన్నట్లు గుర్తించారు. వెంటనే నిర్జన ప్రదేశానికి తీసుకెళ్లిన ఎన్‌ఎస్‌జీ బృందాలు ఆ బాంబును నిర్వీర్యం చేయడంతో భారీ ప్రమాదం తప్పింది. అయితే, బాంబు ఎవరు పెట్టారన్న దానిపై పోలీసులు, భద్రతా దళాలు దర్యాప్తు ప్రారంభించాయి.

Also Read

Kodali Nani: వైఎస్ వివేకా హత్య చార్జీషీట్‌లో ఏముందో బయటకు వెల్లడించాలి.. చంద్రబాబుపై మళ్లీ మండిపడ్డ కొడాలినాని..

Molar pregnancy: గర్భం ఏర్పడుతుంది కానీ బిడ్డ ఉండదు.. మీకు ‘ముత్యాల గర్భం’ గురించి తెలుసా..?

Belgium: ఆ దేశంలో ఉద్యోగులకు వారంలో నాలుగు రోజులే పని.. కండిషన్స్ అప్లై..