టిక్టాక్ మోజుతో స్టంట్లు వేసిన కొత్తపెళ్లి కొడుకు…
కాలక్షేపంగా ఉండాల్సిన టిక్టాక్ ఇప్పుడు ప్రాణాల మీదికి తెస్తోంది. ఈ టిక్టాక్ వీడియోలు చిత్రీకరిస్తూ ఎన్నో ప్రాణాలు గాల్లో కలసిపోయాయి.. అయినా కూడా యువత టిక్ టాక్ వీడియోలు చేయడం మానటం లేదు. తాజాగా టిక్టాక్ వీడియో కోసం స్టంట్లు చేస్తున్న కొత్త పెళ్లికొడుకు...
టిక్టాక్..ఎక్కడ చూసినా,..ఎవరినీ మందలించిన టిక్టాక్లో బిజీగా కనిపిస్తున్నారు. ఇదో మాయదారి యాప్..దీనివల్ల ఉద్యోగాలు పోతున్నా.. సంసారాలు నాశనమవుతున్నా..చివరకు ప్రాణాలు పోతున్నా..పట్టించుకునే నాధుడే లేడు. ఈ టిక్టాక్ మాయలో యువత, చిన్నారులే కాదు నడివయస్కులు, వృద్ధులు సైతం ఆ మాయలో పడిపోతున్నారు. కాలక్షేపంగా ఉండాల్సిన టిక్టాక్ ఇప్పుడు ప్రాణాల మీదికి తెస్తోంది. ఈ టిక్టాక్ వీడియోలు చిత్రీకరిస్తూ ఎన్నో ప్రాణాలు గాల్లో కలసిపోయాయి.. అయినా కూడా యువత టిక్ టాక్ వీడియోలు చేయడం మానటం లేదు. తాజాగా టిక్టాక్ వీడియో కోసం స్టంట్లు చేస్తున్న కొత్త పెళ్లికొడుకు దుర్మరణం పాలైన ఘటన యూపీలో వెలుగుచూసింది.
యూపీలోని ముజఫర్నగర్లో ఈ విషాద సంఘటన చోటు చేసుకుంది. రెండు నెలల క్రితమే వివాహమైన ఓ వ్యక్తి టిక్టాక్ స్టంట్లు చేస్తూ ప్రమాదవశాత్తు ప్రాణాలు కొల్పోయాడు. హోలీ వేడుకల సందర్భంగా కిందిదియా గ్రామంలో ట్రాక్టర్ నడుపుతూ స్టంట్స్ పెర్ఫామ్ చేస్తుండగా మరో వ్యక్తి మొబైల్ ఫోన్లో వీడియో తీస్తున్నాడు. అయితే స్టీరింగ్పై పట్టుతప్పిన క్రమంలో ట్రాక్టర్ బోల్తాపడింది. ట్రాక్టర్ అదుపుతప్పడంతో ముందు టైర్లకు వేలాడిన బాధితుడు వాహనం కింద పడి మరణించినట్లుగా స్థానికులు తెలిపారు. జరిగిన ప్రమాదంపై మృతుడి కుటుంబసభ్యులు గానీ, స్థానికులు గానీ పోలీసులకు సమాచారం అందించలేదు. పోస్టుమార్టం, పోలీసు కేసు ఏదీ లేకుండానే మృతదేహానికి కుటుంబ సభ్యులు అంత్యక్రియలు నిర్వహించినట్లు సమాచారం.