Hyderabad: బాలికల దినోత్సవం రోజే దారుణం.. బాలాపూర్ బాలిక అమ్మకం..

Girl Was Sold

Girl was Sold: బాలికల దినోత్సవం రోజే అమానుషం.. దారుణం చోటు చేసుకుంది. అభం శుభం తెలియని అమ్మాయిని అంగట్లో అమ్మకానికి పెట్టారు కొందరు రాక్షసులు. వీరిని రాక్షసులు అన్నా తక్కువే.. ఎందుకంటే వారు చేసిన పని అలాంటిది. ఈ ఘటన హైదరాబాద్ నడిబొడ్డులో చోటు చేసుకుంది. అధికారుల అలర్ట్‌తో అమ్మాయికి రక్షణ లభించింది. బాలాపూర్‌లో 14 ఏళ్ల అమ్మాయిని అమ్మకానికి పెట్టారు. బాలికను కుటుంబసభ్యులు అమ్మేశారు. బాలికను ముంబైకి చెందిన ఓ వ్యక్తికి అమ్మేందుకు కుటుంబసభ్యుల యత్నించారు. బాలికను విక్రయించేందుకు రూ.5 లక్షలు డిమాండ్‌ చేశారు. అయితే చివరికి రూ.3లక్షలను ముట్టజెప్పి బాలికను తీసుకెళ్తుండగా పోలీసులు పట్టుకున్నారు. సమాచారం అందడంతో రాచకొండ పోలీసులు బాలికను రక్షించారు. ముంబైకి చెందిన సయ్యద్‌ అల్తాఫ్‌తో పాటు మరో 8 మందిని అరెస్ట్‌ చేశారు.

అయితే ఇక్కడి నుంచి తీసుకెళ్లిన బాలికలను ముంబై తీసుకెళ్లి ఏం చేస్తారు..? అమ్మాయిలను కొనేందుకు ఈ మాఫికా ముంబై నుంచి వచ్చిన వీరి టీమ్‌లో ఎంత మంది సభ్యులు..? ఎన్ని రోజు క్రితం ఇక్కడికి వీరు వచ్చారు..? వీరికి ఎవరు ఆశ్రయం కల్పించారు..? ఈ బాలిక అమ్మకం వెనుక ఎవరైనా పెద్ద మనుషులు ఉన్నారా..? వీరిని అరెస్ట్ చేసిన పోలీసులు.. మరింత సమాచారం సేకరించే పనిలో పడ్డారు. గతంలో వీరు ఇలా ఎంత మందిని కొనుగోలు చేశారన్నది తేలాల్సి ఉంది.

ఇవి కూడా చదవండి: Viral Video: నువ్వు తగ్గొద్దన్న.. పాకిస్తాన్ జర్నలిస్ట్ మళ్లీ ఏసేశాడు.. నవ్వులు పూయిస్తున్న వీడియో..

Medicinal Plants: ఔషద మొక్కల పెంపకంతో అద్భుతాలు.. ఎలాంటివి ఎంచుకోవాలో తెలుసా..