Elderly Woman Dies: కొడుకే కడతేర్చాడు.. చెంపదెబ్బకు ప్రాణం కోల్పోయిన తల్లి.. వీడియో

Elderly Woman Dies By Son

Delhi Elderly Woman Death: నవమాసాలు మోసి అల్లారుముద్దుగా పెంచిన కుమారుడే.. ఆ తల్లికి కాలయముడిగా మారాడు. చివరకు కుమారుడి చేతిలోనే ఆ తల్లికి నూరేళ్లు నిండాయి. కుమారుడు కొట్టిన చెంపదెబ్బకు తల్లి అక్కడికక్కడే కుప్పకూలి ప్రాణాలు కోల్పోయింది. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. ఈ సంఘటన దేశ రాజధాని ఢిల్లీలో చోటుచేసుకుంది. ఢిల్లీలోని ద్వారాక ప్రాంతంలో నివసించే అవతార్ కౌర్ (76) కు పక్కింట్లో నివసించే వారితో పార్కింగ్‌ విషయంలో సోమవారం మధ్యాహ్నం గొడవ జరిగింది. దీంతో ఈ విషయం కాస్త పోలీస్ కంప్లైంట్ వరకు వెళ్లింది. పక్కింటి వారు అవతార్‌ కౌర్‌పై పోలీసులకు ఫిర్యాదు చేశారు. దీంతో అవతార్‌పై కుమారుడు రణ్‌బీర్‌కు కోపం వచ్చింది.

దీనికి సంబంధించి ఇంటి బయట అవతార్‌కు, రణ్‌బీర్‌కు, అతని భార్యకు మధ్య కొంతసేపు చర్చ జరిగింది. ఈ క్రమంలో కోపోద్రిక్తుడైన రణ్‌బీర్ అవతార్‌ను చెంపదెబ్బ కొట్టాడు. దీంతో అమె అక్కడిక్కడే కుప్పకూలి స్పృహ కోల్పోయింది. దీంతో ఆమె కోడలు లేపేందుకు ప్రయత్నించినా ఫలితం లేకుండా పోయింది. వెంటనే అవతార్‌ను ఆసుపత్రికి తీసుకువెళ్లినా ఆమె అప్పటికే మరణించిందని వైద్యులు వెల్లడించారు. ఈ ఘటనకు సంబంధించిన దృశ్యాలు సీసీటీవీ కెమెరాలో రికార్డ్ అయ్యాయి. వాటిని పరిశీలించిన పోలీసులు రణ్‌బీర్‌ను అరెస్ట్ చేశారు. ప్రస్తుతం సోషల్‌ మీడియాలో వైరల్‌ అవుతున్న వీడియోను మీరు కూడా చూడండి.

సాయుధ పోరాటం వదిలి శాంతిమంత్రం… మావోయిస్టుల కొత్త రూట్.. ఎందుకో.. మరెందుకో…!

• ఒకరి ప్రాణం కోసం ప్రయత్నించారు.. మరో నలుగురు ప్రాణాలు విడిచారు.. విషాదం నింపిన సెప్టిక్ ట్యాంక్