మూడు పెళ్లిళ్లు జరిగాయి.. మరో మహిళతో లవ్.. విషయం తెలిసిన మూడో భార్య ఏం చేసిందంటే..?
Wife killed husband: అతొనొక నిత్య పెళ్లికొడుకు.. ఇప్పటివరకు మూడు పెళ్లిళ్లు జరిగాయి.. తీరా మూడో భార్యను వదిలిపెట్టేందుకు ప్లాన్ వేశాడు.. మరో మహిళతో ప్రేమలో పడ్డాడు.. ఆమెను పెళ్లి చేసుకోవాలని నిర్ణయించుకున్నాడు.
Wife killed husband: అతొనొక నిత్య పెళ్లికొడుకు.. ఇప్పటివరకు మూడు పెళ్లిళ్లు జరిగాయి.. తీరా మూడో భార్యను వదిలిపెట్టేందుకు ప్లాన్ వేశాడు.. మరో మహిళతో ప్రేమలో పడ్డాడు.. ఆమెను పెళ్లి చేసుకోవాలని నిర్ణయించుకున్నాడు. కానీ.. ఈ విషయం మూడో భార్యకు తెలిసింది.. ఆమెను కలవొద్దని.. మాట్లాడొద్దంటూ హెచ్చరించింది. అయినా పట్టించుకోకుండా అతను ఆమెను కలిసేవాడు. చివరకు కోపంతో భర్తను రాయితో కొట్టి చంపింది. ఈ షాకింగ్ ఘటన ఛత్తీస్‌గఢ్‌ (Chhattisgarh) లోని రాయ్‌పూర్‌కు సమీపంలోని సరోరా బస్తీలో చోటుచేసుకుంది. సరోరాలో నివసిస్తున్న ఉమేష్ కుమార్ ఇప్పటికే ఇద్దరు భార్యలకు విడాకులు ఇచ్చాడు. ఆ తర్వాత ఇంగ్లేశ్వరి అనే మహిళను మూడో వివాహం చేసుకున్నాడు. ఆమెతో కలిసి బస్తీ ఇల్లు అద్దెకు తీసుకుని నివసిస్తున్నాడు. ఈ క్రమంలో కొన్ని రోజుల క్రితం మరో మహిళతో ప్రేమలో పడ్డాడు. ఆమెను పెళ్లి చేసుకోవాలని నిర్ణయించుకున్నారు.
ఆ విషయం మూడో భార్య ఇంగ్లేశ్వరికి తెలిసింది. మరో పెళ్లి వద్దంటూ బతిమాలింది. అయినా.. భార్య మాటలను పట్టించుకోని ఉమేష్ ఈ నెల 17వ తేదీ రాత్రి ప్రియురాలితో ఫోన్‌లో మాట్లాడుతూ భార్యకు కనిపించాడు. దీంతో ఇద్దరి మధ్య గొడవ మొదలైంది. ఈ క్రమంలో ఇంగ్లేశ్వరీ ఓ పెద్ద బండ రాయి తీసుకుని భర్త తలపై కొట్టింది. దెబ్బ గట్టిగా తగలడంతో ఉమేష్ అక్కడికక్కడే మరణించాడు.
ఆ తర్వాత సమాచారం మేరకు అక్కడకు చేరుకున్న పోలీసులు.. మృతదేహాన్ని స్వాధీనం చేసుకోని పోస్టుమార్టం నిమిత్తం ఆసుపత్రికి తరలించారు. అనంతరం భార్య ఇంగ్లేశ్వరిపై అనుమానంతో అదుపులోకి తీసుకోని ప్రశ్నించగా.. అసలు విషయం వెలుగులోకి వచ్చింది. ఈ ఘటనపై కేసు నమోదు చేసుకున్న పోలీసులు నిందితురాలిని అరెస్ట్ చేసి రిమాండ్‌కు తరలించారు.
Also Read: