ఇది ప్రేక్షకుల విజయం : ‘కలర్ ఫోటో’ టీమ్

సుహాస్, చాందిని చౌదరి జంటగా కొత్త దర్శకుడు సందీప్ రాజ్ తెరకెక్కించిన చిత్రం కలర్ ఫోటో. అక్టోబర్ 23న ఆహా వేదికగా ఈ సినిమా విడుదలైంది.

ఇది ప్రేక్షకుల విజయం : ‘కలర్ ఫోటో’ టీమ్
Follow us

|

Updated on: Oct 31, 2020 | 8:52 PM

సుహాస్, చాందిని చౌదరి జంటగా కొత్త దర్శకుడు సందీప్ రాజ్ తెరకెక్కించిన చిత్రం కలర్ ఫోటో. అక్టోబర్ 23న ఆహా వేదికగా ఈ సినిమా విడుదలైంది. సునీల్ ఈ చిత్రంలో ప్రతినాయకుడిగా నటించారు. సాయి రాజేష్ నీలం, బెన్నీ నిర్మించిన ఈ చిత్రాన్ని సందీప్ రాజ్ తెరకెక్కించారు. వారం రోజుల తర్వాత సక్సెస్ మీట్ ఏర్పాటు చేసారు చిత్రయూనిట్. తొలివారంలో కలర్ ఫోటో చిత్రాన్ని 7 లక్షల మంది చూసారు. ఇది ప్రేక్షక విజయం అని.. మంచి సినిమాలు ఎప్పుడు వచ్చినా ఆదరిస్తారనే విషయం ఈ విజయంతో మరోసారి అర్థమైందని సంతోషాన్ని వ్యక్తం చేసారు యూనిట్. ఈ సందర్భంగా ప్రేక్షకులకు, అలాగే కలర్ ఫోటో విజయానికి సహకరించిన అందరికీ కృతజ్ఞతలు తెలిపారు.

నిర్మాత సాయి రాజేష్ మాట్లాడుతూ.. ’ఈ సినిమా అక్టోబర్ 23 సాయంత్రం 6 గంటలకు విడుదలైంది. రిలీజ్ అయిన తర్వాత కొందరి తప్పుడు రివ్యూస్ చూసి టెన్షన్ పడ్డాము. ఆ తర్వాత రెండు మంచి రివ్యూలు వచ్చాయి. అప్పట్నుంచి ఇప్పటి వరకు ఆ విజయం ఆగలేదు. చాలా మంచి సినిమా తీసారంటూ అంతా కన్నీరు పెట్టుకుంటున్నారు.. సినిమా చూసిన తర్వాత ఫోన్స్ చేసి ఎమోషనల్ అవుతున్నారు. తొలివారంలోనే మా సినిమాను 7 లక్షల మంది చూసారు. టికెట్‌కు 100 రూపాయల చొప్పున లెక్క వేసుకున్నా తొలివారంలోనే మాకు 7 కోట్లు వచ్చాయి. దర్శకుడు సందీప్ రాజ్ మాకు మంచి సినిమా ఇస్తాడనుకున్నాం కానీ గొప్ప సినిమా ఇచ్చాడు. కలర్ ఫోటో చూసిన తర్వాత ఇండస్ట్రీలో కూడా చాలా మంది నుంచి ప్రశంసలు వస్తున్నాయి. ఫోన్లు చేసి అభినందిస్తున్నారు.. మా సినిమా గురించి ట్వీట్స్ కూడా చేసారు.. అంతా బాగా సపోర్ట్ చేసారు. ముఖ్యంగా అల్లు అరవింద్ గారు, బన్నీ వాసు గారు ఇచ్చిన సపోర్ట్ మరిచిపోలేం. ఆహా ప్లాట్ ఫామ్ ఇచ్చి మా సినిమాను ప్రేక్షకులకు మరింత చేరువయ్యేలా చేసారు. నటీనటులు కూడా ప్రతీ ఒక్కరూ న్యాయం చేసారు. ఇది సమిష్టి విజయం’ అని తెలిపారు.

దర్శకుడు సందీప్ రాజ్ మాట్లాడుతూ.. ‘ఈ సినిమాలో నటించిన ప్రతీ ఒక్కరికీ మనస్పూర్థిగా ధన్యవాదాలు తెలుపుకుంటున్నాను. ఈ రోజు నేనిక్కడ ఉన్నానంటే కారణంగా వాళ్లే. వాళ్లు లేకపోతే నేను లేను. కొత్త దర్శకుడికి ఇంత ప్రోత్సాహం అందిస్తున్న అందరికీ పాదాభివందనాలు. ఈ సినిమాలో నా ఫెవరేట్ కమెడియన్, స్టార్ హీరో సునీల్ గారితో పని చేసాను. ఆయన లేకపోతే కారెక్టర్ లేదు. అలాగే ఈ సినిమాలో ప్రతీ చిన్న పాత్ర కూడా కీలకమైందే. నేను చాలా ఇబ్బంది పెట్టినా కూడా వాళ్లు మాత్రం చాలా ఓపిగ్గా భరించారు. అలాగే సాయి రాజేష్ గారు, బెన్నీ గారికి నన్ను నమ్మినందుకు కృతజ్ఞతలు. సుహాస్‌ను హీరో చేయాలనుకున్నాను.. చేసాను. నేను కథలో నా కళ్ళతో వీళ్లందర్నీ చూసాను.. అదే సినిమాలో చూపించాను. ఈ సినిమాలో పని చేసిన టెక్నీషియన్ కానీ.. నటున్ని కానీ కళ్లు మూసుకుని ఇకపై ఏ సినిమాలో అయినా పెట్టుకోవచ్చు.. ఇది నా హామీ’ అని తెలిపారు.

హీరోయిన్ చాందిని చౌదరి మాట్లాడుతూ.. ‘ఈ సినిమా విషయంలో ఇలాంటి వేడుక మరొకటి జరుపుకోవాల్సి వస్తుందని నేను ముందే చెప్పాను. ఇప్పుడు ఇదే జరిగింది. కలర్ ఫోటో నా జీవితంలో మరిచిపోలేను. ఈ చిత్రంలో చాలా మంచి పేరు వచ్చింది. ముఖ్యంగా బ్లాక్‌బస్టర్ అని నా సినిమాపై చూడాలనుకున్న కల ఈ సినిమాతో నెరవేరింది. నాకు చాలా ఆనందంగా ఉంది. ఈ సినిమాలో పని చేసిన ప్రతీ ఒక్కరు కష్టపడి కాదు యిష్టపడి పని చేసారు..’ అని తెలిపారు.

నటుడు హర్ష మాట్లాడుతూ.. ‘ఇప్పటి వరకు నాకు అంతా ఫుడీ కారెక్టర్స్ ఇచ్చారు. అలాంటి పాత్రలకే నన్ను పరిమితం చేసారు. కానీ తొలిసారి నా కెరీర్‌లో ఇంత బరువైన పాత్ర ఇచ్చినందుకు సాయి రాజేష్ అన్న, బెన్నీ అన్నకు థ్యాంక్స్. దర్శకుడు సందీప్ రాజ్ కూడా నన్ను ఏ కళ్ళతో చూసాడో కానీ మొత్తానికి చూసాడు. 2019 అక్టోబర్ 22న ఈ కారెక్టర్ నాకు సుహాస్, సందీప్ వచ్చి చెప్పారు. సరిగ్గా 2020 అక్టోబర్ 22 రాత్రి ప్రీమియర్స్ పడ్డాయి. నా కారెక్టర్ చూసి నవ్వుకుంటారేమో అనుకున్నా.. కానీ చాలా బాగా రిసీవ్ చేసుకున్నారు. ముఖ్యంగా కమెడియన్, నటుడికి మధ్య చిన్న హద్దు ఉంటుంది. అది దాటితే ఎబ్బెట్టుగా ఉంటుందేమో అనుకున్నా. కానీ క్లైమాక్స్ సీన్ చూసి నవ్వుకోనపుడే నేను పాస్ అయ్యానని అర్థమైపోయింది. అంతేకాదు నాకు యిష్టమైన కమెడియన్ ముందు.. యిష్టమైన సినిమా సొంతం నుంచి ఆ డైలాగ్ మళ్లీ ఆయన ముందే చెప్పడం అనేది నాకు చాలా నచ్చింది. ఇండస్ట్రీకి వచ్చిన ఏడేళ్ళ తర్వాత నన్ను నటుడిగా గుర్తించారు. ఇన్నాళ్ల నా కష్టానికి ప్రతిఫలం ఇప్పుడు దక్కింది. ఈ విజయానికి కారణమైన అందరికీ మనస్పూర్థిగా ధన్యవాదాలు..’ అని తెలిపారు.

హీరో సుహాస్ మాట్లాడుతూ.. ‘నాకేం మాట్లాడాలో కూడా అర్థం కావడం లేదు. ఈ సినిమా గురించి చాలా కలలు కన్నాం.. ఎలాగైనా హిట్ కొట్టి చూపించాలనుకున్నాం. ఇప్పుడు ఇదే చేసాం. నన్ను హీరోగా యాక్సెప్ట్ చేసినందుకు ప్రేక్షకులకు థ్యాంక్స్ చెప్పుకుంటున్నాను. నా విజయం కోసం ఎంతగానో వేచి చూసిన నా భార్యకు కృతజ్ఞతలు. నాకు ఈ అవకాశం ఇచ్చిన సాయి రాజేష్ అన్న, బెన్నీ అన్నకు థ్యాంక్స్’ అని తెలిపారు.

నటుడు సునీల్ మాట్లాడుతూ.. ‘ఈ సినిమా కోసం అంతా యంగ్ స్టర్స్‌ పని చేసారు. వాళ్లతో వర్క్ చేయడం నాకు కూడా చాలా ఆనందంగా అనిపించింది. నేను ఈ సినిమాతో చాలా నేర్చుకున్నాను. నన్ను చాలా బాగా చూసుకున్నారు. అంతా బాగా రిసీవ్ చేసుకున్నారు. ఈ సినిమాలో వాళ్లు చెప్పినట్లే చేసాను. కలర్ ఫోటో చూసిన తర్వాత ఇండస్ట్రీ నుంచి కూడా చాలా కాల్స్ వచ్చాయి. కొట్టకుండా.. తిట్టకుండా.. చంపకుండా భలే భయపెట్టావ్ భయ్యా అంటూ అంతా ఫోన్ చేసి మరీ ప్రశంసించారు. అక్కడే నా కారెక్టర్ సక్సెస్ అయ్యిందని అర్థమైంది. ఇండస్ట్రీకి నేను వచ్చిందే విలన్ అవుదామని.. కానీ మనలో ఏదో కామెడీ సెన్స్ ఉంది కాబట్టి ఇక్కడ కొద్దిగా పేరు తెచ్చుకున్నా. ఇప్పుడు కలర్ ఫోటోతో విలన్ కల కూడా నెరవేరింది. ఈ సినిమాకు గుండె చప్పుడు అంటే కాల భైరవ మ్యూజిక్. సందీప్ రాజ్ చాలా బాగా డిజైన్ చేసాడు.. హర్ష కామెడీ టైమింగ్ నాకు చాలా యిష్టం. సుహాస్ వాయిస్ అంటే నాకు చాలా యిష్టం. హీరోయిన్ చాందిని చాలా నటించింది. నిర్మాత సాయి రాజేష్ గారు మంచి ఫుడీ.. అమృత ప్రొడక్షన్స్ అని పేరుకు తగ్గట్లే అమృతం లాంటి ఫుడ్ అందించారు..’ అని తెలిపారు.

Also Read :

Bheem For Ramaraju : యూట్యూబ్​లో సరికొత్త రికార్డు

బిగ్‌బాస్‌ హౌస్‌లో ‘నెపోటిజం’ లొల్లి..సల్మాన్ సీరియస్

స్పోర్టీ లుక్లో అదరగొడుతున్న కొత్త ‘ప్లెజర్’.. ధర తక్కువ..
స్పోర్టీ లుక్లో అదరగొడుతున్న కొత్త ‘ప్లెజర్’.. ధర తక్కువ..
దిన ఫలాలు (మార్చి 29, 2024): 12 రాశుల వారికి ఇలా..
దిన ఫలాలు (మార్చి 29, 2024): 12 రాశుల వారికి ఇలా..
ఛేదనలో చేతులెత్తేసిన ఢిల్లీ.. ఉత్కంఠ పోరులో రాజస్థాన్‌దే గెలుపు
ఛేదనలో చేతులెత్తేసిన ఢిల్లీ.. ఉత్కంఠ పోరులో రాజస్థాన్‌దే గెలుపు
ఫోర్త్ అంపైర్‌తో గొడవపడిన పాంటింగ్-గంగూలీ.. కట్‌చేస్తే..
ఫోర్త్ అంపైర్‌తో గొడవపడిన పాంటింగ్-గంగూలీ.. కట్‌చేస్తే..
శివసేనలో చేరిన నటుడు గోవిందా.. లోక్‌సభ ఎన్నికల్లో పోటీ!
శివసేనలో చేరిన నటుడు గోవిందా.. లోక్‌సభ ఎన్నికల్లో పోటీ!
విదేశాల్లో మరో విషాదం.. తెలంగాణ సాఫ్ట్ వేర్ ఇంజనీర్ మృతి
విదేశాల్లో మరో విషాదం.. తెలంగాణ సాఫ్ట్ వేర్ ఇంజనీర్ మృతి
84 రన్స్ తో రఫ్ఫాడించిన రియాన్ పరాగ్‌.. ఢిల్లీ టార్గెట్ ఎంతంటే?
84 రన్స్ తో రఫ్ఫాడించిన రియాన్ పరాగ్‌.. ఢిల్లీ టార్గెట్ ఎంతంటే?
నా తమ్ముడిని బామర్ధి అంటూ.. వాడికి మెసేజ్‌లు చేస్తున్నారు..
నా తమ్ముడిని బామర్ధి అంటూ.. వాడికి మెసేజ్‌లు చేస్తున్నారు..
సమ్మర్ కు వెకేషన్ కు చిరంజీవి రెడీ.. భార్య సురేఖతో కలిసి మరోసారి
సమ్మర్ కు వెకేషన్ కు చిరంజీవి రెడీ.. భార్య సురేఖతో కలిసి మరోసారి
ముంబైకు భారీ షాక్..రాబోయే మ్యాచ్‌లకు ఆ స్టార్ ప్లేయర్ దూరం
ముంబైకు భారీ షాక్..రాబోయే మ్యాచ్‌లకు ఆ స్టార్ ప్లేయర్ దూరం