TS Eamcet 2022: నవంబర్‌ 17 నుంచి తెలంగాణ ఎంసెట్‌ రెండో విడత ఫార్మసీ కౌన్సెలింగ్‌.. షెడ్యూల్‌ ఇదే..

తెలంగాణ ఎంసెట్‌-2022 ఫార్మసీ రెండో విడత కౌన్సెలింగ్‌ గురువారం (నవంబర్‌ 17) నుంచి ప్రారంభమవుతుందని కన్వీనర్‌ నవీన్‌ మిత్తల్‌ ఓ ప్రకటనలో తెలిపారు..

TS Eamcet 2022 pharmacy 2nd round counselling

Srilakshmi C |

Updated on: Nov 17, 2022 | 8:52 AM

తెలంగాణ ఎంసెట్‌-2022 ఫార్మసీ రెండో విడత కౌన్సెలింగ్‌ గురువారం (నవంబర్‌ 17) నుంచి ప్రారంభమవుతుందని కన్వీనర్‌ నవీన్‌ మిత్తల్‌ ఓ ప్రకటనలో తెలిపారు. తొలి విడత కౌన్సెలింగ్‌లో సీట్లు పొందని విద్యార్ధులందరూ రెండో విడత కౌన్సెలింగ్‌లో పాల్గొనవచ్చని సూచించారు. ఆసక్తి కలిగిన విద్యార్థులు నవంబర్‌ 17వ తేదీన ప్రాసెసింగ్‌ ఫీజు చెల్లించి స్లాట్‌ బుక్‌ చేసుకోవాలన్నారు.

నవంబర్‌ 18న డాక్యుమెంట్ల వెరిఫికేషన్‌, నవంబర్ 17 నుంచి 19వ తేదీ వరకు వెబ్‌ ఆప్షన్లు ఇచ్చుకోవచ్చన్నారు. బీఫార్మసీ, ఫార్మాడీ, బీటెక్‌ బయో టెక్నాలజీ, బయో మెడికల్‌ కోర్సుల్లో ప్రవేశాలకు రెండో విడత కౌన్సెలింగ్‌కు నమోదు చేసుకున్న అభ్యర్ధులకు నవంబర్‌ 22వ తేదీన సీట్లు కేటాయిస్తామని కన్వీనర్‌ వివరించారు.

ఇవి కూడా చదవండి