TS CPGET 2022: తెలంగాణ సీపీగెట్‌ ఫస్ట్‌ రౌండ్‌ సీట్ల కేటాయింపు పూర్తి.. ఈ తేదీలోగా ఆన్‌లైన్‌ సెల్ఫ్‌ రిపోర్ట్‌ తప్పనిసరి..
తెలంగాణ స్టేట్‌ లెవల్‌ కామన్‌ పోస్టు గ్రాడ్యుయేట్‌ ఎంట్రన్స్‌ టెస్ట్‌ (సీపీగెట్‌-2022) ఫస్ట్‌ రౌండ్‌ కౌన్సెలింగ్‌ ఫలితాలు బుధవారం (అక్టోబర్ 26) విడుదలయ్యాయి. తొలి విడతలో దాదాపు..
తెలంగాణ స్టేట్‌ లెవల్‌ కామన్‌ పోస్టు గ్రాడ్యుయేట్‌ ఎంట్రన్స్‌ టెస్ట్‌ (సీపీగెట్‌-2022) ఫస్ట్‌ రౌండ్‌ కౌన్సెలింగ్‌ ఫలితాలు బుధవారం (అక్టోబర్ 26) విడుదలయ్యాయి. తొలి విడతలో దాదాపు 21,329 మందికి సీట్లు దక్కాయి. తెలంగాణ రాష్ట్ర వ్యాప్తంగా ఉన్న 8 యూనివర్సిటీల్లో కన్వీనర్‌ కోటా కింద 49,801 పీజీ సీట్లు అందుబాటులో ఉన్నాయి. వీటిల్లో మొదటి రౌండ్‌ కౌన్సెలింగ్‌కు గానూ 30,079 మంది వెబ్‌ ఆప్షన్లు ఇవ్వగా.. వీరిలో 21,329 మందికి సీట్లు కేటాయించినట్లు టీఎస్‌ సీపీగెట్‌ కన్వీనర్‌ జె పాండురంగారెడ్డి తెలిపారు.
కౌన్సెలింగ్‌లో సీట్లు పొందిన విద్యార్థులు అక్టోబర్ 31లోగా ఆన్‌లైన్‌ ద్వారా సెల్ఫ్‌ రిపోర్ట్‌ చేయాలని ఈ సందర్భంగా పాండురంగారెడ్డి సూచించారు. రెండో రౌండ్‌ కౌన్సెలింగ్‌లో కూడా పాల్గొనాలనే ఆసక్తి ఉన్నవారు మినహాయించి.. మిగిలిన వారు ఆయా కాలేజీల్లో రిపోర్ట్‌ చేయాలని తెలిపారు. ఐతే టీసీ మాత్రమే ఒరిజినల్ ఇవ్వాలని, మిగిలిన అన్ని సర్టిఫికెట్లకు సంబంధించిన జిరాక్స్‌ కాపీలను మాత్రమే అందజేయాలని టీఎస్‌ సీపీగెట్‌ కన్వీనర్‌ సూచించారు.
మరిన్ని కెరీర్‌ సంబంధిత వార్తల కోసం ఇక్కడ క్లిక్‌ చేయండి.