THSTI Recruitment 2022: నెలకు రూ.125000ల జీతంతో ట్రాన్స్‌లేషనల్‌ హెల్త్‌ సైన్స్‌ అండ్‌ టెక్నాలజీ ఇన్‌స్టిట్యూట్‌లో ఉద్యోగాలు.. దరఖాస్తు ఇలా..

Thsti Faridabad

THSTI Faridabad Project Manager Recruitment 2022: భారత ప్రభుత్వ సైన్స్ అండ్ టెక్నాల‌జీ మంత్రిత్వ శాఖ‌కు చెందిన ఫరీదాబాద్‌లోని ట్రాన్స్‌లేషనల్‌ హెల్త్‌ సైన్స్‌ అండ్‌ టెక్నాలజీ ఇన్‌స్టిట్యూట్‌ (THSTI Faridabad).. 10 ప్రాజెక్ట్‌ మేనేజ‌ర్, కోఆర్డినేష‌న్ మేనేజ‌ర్, టెక్నిక‌ల్ ఆఫిస‌ర్ తదితర పోస్టుల (Project Manager Post) భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి సంబంధిత స్పెషలైజేషన్‌లో బ్యాచిలర్స్‌ డిగ్రీ/ఎంబీబీఎస్‌/మాస్టర్స్‌ డిగ్రీ/ పీహెచ్‌డీ లేదా తత్సమాన కోర్సులో ఉత్తీర్ణత సాధించి ఉండాలి. అలాగే సంబంధిత పనిలో అనుభవం కూడా ఉండాలి. అభ్యర్ధుల వయసు 30 నుంచి 45 యేళ్ల మధ్య ఉండాలి. ఆసక్తి కలిగిన వారు ఆన్‌లైన్‌ విధానంలో సెప్టెంబర్‌ 25, 2022వ తేదీలోపు దరఖాస్తు చేసుకోవచ్చు. దరఖాస్తు సమయంలో ప్రతి ఒక్కరూ తప్పనిసరిగా రూ.236లు అప్లికేషన్‌ ఫీజు చెల్లించవల్సి ఉంటుంది. రాత పరీక్ష/స్కిల్‌ టెస్ట్‌/ఇంటర్వ్యూ ఆధారంగా తుది ఎంపిక ఉంటుంది. ఎంపికైన వారికి నెలకు రూ.32,000ల నుంచి రూ.1,25,000ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.

ఖాళీల వివరాలు..

• ప్రాజెక్టు మేనేజ‌ర్ పోస్టులు: 1
• కోఆర్డినేష‌న్ మేనేజ‌ర్ పోస్టులు: 1
• టెక్నిక‌ల్ ఆఫిస‌ర్ (II) పోస్టులు: 1
• టెక్నిక‌ల్ ఆఫిస‌ర్ (I) పోస్టులు: 1
• మేనేజ్‌మెంట్ అసిస్టెంట్ పోస్టులు: 3
• ప్రొఫెష‌న‌ల్ ఎక్స్‌ప‌ర్ట్ పోస్టులు: 1
• డాటాబేస్ ప్రోగ్రామ‌ర్ పోస్టులు: 1
• సైకాల‌జిస్ట్ పోస్టులు: 1

పూర్తి సమాచారం కోసం క్లిక్ చేయండి.

మరిన్ని కెరీర్‌ సంబంధిత వార్తల కోసం ఇక్కడ క్లిక్‌ చేయండి.