RRC Railway Jobs 2023: పదో తరగతి అర్హతతో రైల్వేలో 2,026 ఉద్యోగాలు.. రాత పరీక్షలేకుండా ఎంపిక..

RRC North Western Railway Recruitment 2023

భారత రైల్వే మంత్రిత్వశాఖకు చెందిన నార్త్‌ వెస్ట్రన్‌ రైల్వేలో.. 2,026 అప్రెంటిస్‌ ఖాళీల భర్తీకి అర్హులైన అభ్యర్ధుల నుంచి దరఖాస్తులు కోరుతూ రైల్వే రిక్రూట్‌మెంట్‌ సెల్‌ నోటిఫికేషన్‌ విడుదల చేసింది. డీఆర్‌ఎమ్‌ ఆఫీప్‌, బీటీసీ క్యారేజ్, బీటీస్‌ లోకో, క్యారేజ్‌ వర్క్‌ షాప్‌ తదితర డివిజన్లలో ఈ ఖాళీలను భర్తీ చేయనున్నారు. ఎలక్ట్రికల్‌, కార్పెంటర్‌, పెయింటర్‌, పైప్‌ ఫిట్టర్‌, డీజిల్‌ మెకానిక్‌, ఎలక్ట్రీషియన్‌, వెల్డర్ తదితర ట్రేడుల్లో ఉన్న ఈ అప్రెంటిస్‌ పోస్టులకు దరఖాస్తు చేసుకునే అభ్యర్ధులు తప్పనిసరిగా పదోతరగతి, ఇంటర్మీడియట్‌, సంబంధిత ట్రేడుల్లో ఐటీఐలో కనీసం 50 శాతం మార్కులతో ఉత్తీర్ణత సాధించి ఉండాలి. అభ్యర్ధుల వయసు ఫిబ్రవరి 10, 2023వ తేదీ నాటికి 15 నుంచి 24 ఏళ్ల మధ్య ఉండాలి. రిజర్వేషన్‌ వర్గాలకు వయోపరిమితి విషయంలో సడలింపు ఉంటుంది.

ఆసక్తి కలిగిన వారు ఆన్‌లైన్‌ విధానంలో ఫిబ్రవరి 10, 2023వ తేదీ రాత్రి 11 గంటల 59 నిముషాలలోపు దరఖాస్తు చేసుకోవచ్చు. ఆన్‌లైన్‌ దరఖాస్తులు జనవరి 10 నుంచి ప్రారంభమవుతాయి. దరఖాస్తు సమయంలో ప్రతిఒక్కరూ రూ.100లు అప్లికేషన్‌ ఫీజు చెల్లించాలి. ఎస్సీ/ఎస్టీ/పీడబ్ల్యూడీ/మహిళా అభ్యర్ధులు ఫీజు చెల్లించనవసరం లేదు. పదోతరగతి, ఐటీఐలో సాధించిన మార్కుల ఆధారంగా ఎంపిక చేస్తారు. ఎంపికై వారికి నిబంధనలమేరకు స్టైపెండ్‌ చెల్లిస్తారు. ఇతర వివరాలు అధికారిక నోటిఫికేషన్లో చెక్‌ చేసుకోవచ్చు.

నోటిఫికేషన్‌ కోసం క్లిక్‌ చేయండి.

పూర్తి సమాచారం కోసం క్లిక్‌ చేయండి.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.