HLL Lifecareలో ఉద్యోగాలు.. సెప్టెంబర్ 12న వాక్ఇన్ ఇంటర్వ్యూ.. పోస్టుల వివరాలివే!
HLL Lifecare Recruitment 2026 Telugu: హెచ్ఎల్ఎల్ లైఫ్కేర్ లిమిటెడ్లో పలు ప్రొఫెషనల్ పోస్టుల భర్తీకి నియామక ప్రక్రియ ప్రారంభమైంది. అర్హత ఉన్న అభ్యర్థులు సెప్టెంబర్ 12న బెంగళూరులో నిర్వహించే వాక్ఇన్ ఇంటర్వ్యూకు హాజరుకావచ్చు. దీనికి సంబంధించిన మరిన్ని వివరాలు తెలుసుకుందాం.
Updated on: Sep 09, 2026 | 1:06 PM
HLL Lifecare Limited Recruitment 2026: భారత ప్రభుత్వ ఆరోగ్య, కుటుంబ సంక్షేమ మంత్రిత్వ శాఖ ఆధ్వర్యంలోని మినీ రత్న ప్రభుత్వ రంగ సంస్థ హెచ్ఎల్ఎల్ లైఫ్కేర్ లిమిటెడ్ (HLL Lifecare Limited) పలు ప్రొఫెషనల్ పోస్టుల భర్తీకి నియామక ప్రక్రియను ప్రారంభించింది. ఈ నియామకాలను ఫిక్స్డ్ టర్మ్ కాంట్రాక్ట్ (FTC) విధానంలో చేపడుతోంది. ఎంపికైన అభ్యర్థులను కర్ణాటకలోని బెంగళూరు, విజయానగర్, గోవిందరాజనగర్ వార్డులో ఉన్న BBMP మల్టీ-స్పెషాలిటీ హాస్పిటల్లో విధుల్లోకి తీసుకోనున్నారు.
సెప్టెంబర్ 12న వాక్ఇన్ ఇంటర్వ్యూ
టెక్నికల్, అకౌంట్స్ విభాగాల్లోని పోస్టులకు అర్హత కలిగిన అభ్యర్థులు నేరుగా వాక్ఇన్ ఇంటర్వ్యూకు హాజరుకావచ్చు. సెప్టెంబర్ 12న ఉదయం 9 గంటల నుంచి మధ్యాహ్నం 12 గంటల వరకు ఇంటర్వ్యూలు నిర్వహించనున్నారు.
ఇంటర్వ్యూ వేదిక: రోజ్వుడ్ ఇంటర్నేషనల్ హోటల్, నెం. 19/1, మైసూరు రోడ్, శాటిలైట్ బస్ స్టాప్ సమీపంలో, న్యూ టింబర్యార్డ్ లేఅవుట్, టెలికాం కాలనీ, బనశంకరి, బెంగళూరు, కర్ణాటక – 560026.
ఏ పోస్టులు ఉన్నాయి?
ఈ రిక్రూట్మెంట్ ద్వారా పలు సాంకేతిక, వైద్య, పరిపాలనా విభాగాల్లో ఖాళీలను భర్తీ చేయనున్నారు. ముఖ్యమైన పోస్టులు:
- జూనియర్ ల్యాబ్ టెక్నీషియన్
- ల్యాబ్ టెక్నీషియన్
- సీనియర్ ల్యాబ్ టెక్నీషియన్
- అకౌంట్స్ ఆఫీసర్
- రేడియోగ్రాఫర్
- జూనియర్ రేడియోగ్రాఫర్
కన్సల్టెంట్ పాథాలజిస్ట్ పోస్టుకు ప్రత్యేకంగా దరఖాస్తులు
HLL లైఫ్కేర్ కన్సల్టెంట్ పాథాలజిస్ట్ – MD పోస్టుకు కూడా దరఖాస్తులను ఆహ్వానిస్తోంది. ఈ పోస్టుకు వాక్ఇన్ ఇంటర్వ్యూ నిర్వహించరు. ఆసక్తి ఉన్న అర్హత కలిగిన వైద్యులు తమ అప్డేటెడ్ CVని సెప్టెంబర్ 30లోగా [hcsrecruitment@lifecarehll.com](mailto:hcsrecruitment@lifecarehll.com)కు ఇమెయిల్ ద్వారా పంపాలి.
ఇంటర్వ్యూకు ఏ పత్రాలు తీసుకెళ్లాలి?
వాక్ఇన్ ఇంటర్వ్యూకు హాజరయ్యే అభ్యర్థులు కింది పత్రాలను తప్పనిసరిగా వెంట తీసుకెళ్లాలి:
- పూర్తిగా నింపిన దరఖాస్తు ఫారం
- అప్డేటెడ్ CV
- ఇటీవలి పాస్పోర్ట్ సైజు ఫొటో
- విద్యార్హతలకు సంబంధించిన ధ్రువపత్రాలు
- మార్కుల మెమోలు/మార్క్షీట్లు
- అనుభవ ధ్రువపత్రాలు
- చెల్లుబాటు అయ్యే గుర్తింపు కార్డు
అభ్యర్థులు పై పత్రాల అసలు ధ్రువపత్రాలతో పాటు స్వీయ ధ్రువీకరించిన (Self-attested) జిరాక్స్ కాపీలను కూడా తీసుకెళ్లాలి.
పూర్తి వివరాలు ఎక్కడ చూడాలి?
మరింత సమాచారం కోసం 9400060468 నంబర్లో లేదా [hcsrecruitment@lifecarehll.com] (mailto:hcsrecruitment@lifecarehll.com) ఇమెయిల్ ద్వారా సంస్థను సంప్రదించవచ్చు.
గమనిక: అభ్యర్థులు ఇంటర్వ్యూకు హాజరయ్యే ముందు అధికారిక నోటిఫికేషన్లో పోస్టుల వారీగా ఉన్న అర్హతలు, అనుభవం, ఇతర నిబంధనలను తప్పనిసరిగా పరిశీలించాలి.
