CUET PG 2026 Exam Dates: సీయూఈటీ పీజీ 2026 పరీక్షల షెడ్యూల్ విడుదల.. ఏ పరీక్ష ఏ తేదీనంటే?
కేంద్ర ప్రభుత్వ విద్యాసంస్థల్లో వివిధ పీజీ కోర్సుల్లో ప్రవేశాల కోసం 2026-27 విద్యా సంవత్సరానికి 'కామన్ యూనివర్సిటీ ఎంట్రన్స్ టెస్ట్' (సీయూఈటీ పీజీ 2026) పరీక్షల షెడ్యూల్ తాజాగా విడుదలైంది. ఈ మేరకు నేషనల్ టెస్టింగ్ ఏజెన్సీ (NTA) ప్రకటనల విడుదల చేసింది. ఆన్లైన్ విధానంలో జరిగే ఈ పరీక్షలు..
Updated on: Feb 16, 2026 | 2:47 PM
హైదరాబాద్, ఫిబ్రవరి 16: దేశ వ్యాప్తంగా ఉన్న సెంట్రల్ యూనివర్సిటీలు, ఇతర కేంద్ర ప్రభుత్వ విద్యాసంస్థల్లో వివిధ పీజీ కోర్సుల్లో ప్రవేశాల కోసం 2026-27 విద్యా సంవత్సరానికి ‘కామన్ యూనివర్సిటీ ఎంట్రన్స్ టెస్ట్’ (సీయూఈటీ పీజీ 2026) పరీక్షల షెడ్యూల్ తాజాగా విడుదలైంది. ఈ మేరకు నేషనల్ టెస్టింగ్ ఏజెన్సీ (NTA) ప్రకటనల విడుదల చేసింది. ఆన్లైన్ విధానంలో జరిగే ఈ పరీక్షలు షెడ్యూల్ ప్రకారం మార్చి 6వ తేదీ నుంచి దేశ వ్యాప్తంగా పలు పరీక్ష కేంద్రాల్లో నిర్వహించనున్నారు. మార్చి 6 నుంచి మార్చి 27వ తేదీ వరకు రోజుకు మూడు షిఫ్టుల్లో ఈ పరీక్షలు జరుగుతాయి. మొత్తం 15 రోజుల్లో 43 షిఫ్టుల్లో రోజుకు మూడు విడతలుగా ఈ పరీక్షలు జరుగుతాయి. మార్చి 7, 8, 9, 10, 11, 12, 13, 16, 17, 18, 19, 24, 25, 26, 27 తేదీల్లో పరీక్షలు జరుగుతాయి.
మొదటి షిఫ్ట్ ఉదయం 9 గంటల నుంచి 10:30 గంటల వరకు, రెండవ షిఫ్ట్ మధ్యాహ్నం 12:30 గంటల నుంచి 2 గంటల వరకు, మూడవ షిఫ్ట్ సాయంత్రం 4 గంటల నుంచి 5:30 గంటల వరకు ఈ పరీక్షలు జరగనున్నాయి. మార్చి 6న మొదటి రోజు మొదటి షిఫ్ట్లో యోగా (COQP21) పరీక్ష జరుగుతుంది. రెండో షిఫ్ట్లో స్పోర్ట్స్ ఫిజియాలజీ, బయోకెమిస్ట్రీ, న్యూట్రిషన్, బయోమెకానిక్స్ (COQP20), సంస్కృతం (LAQP03), ఉర్దూ (LAQP37), టెక్స్టైల్ డిజైన్ (HUQP23) సబ్జెక్టులకు పరీక్షలు జరుగుతాయి. తొలి రోజు మూడో షిఫ్ట్ పరీక్షలు ఉండవు. రెండో రోజు నుంచి రోజుకి 3 షిఫ్టుల్లో పరీక్షలు ఉంటాయి. ఇతర వివరాలు ఈ కింది షెడ్యూల్లో తెలుసుకోవచ్చు.
సీయూఈటీ పీజీ 2026 పరీక్షల పూర్తి షెడ్యూల్ కోసం ఇక్కడ క్లిక్ చేయండి.
మరిన్ని విద్యా, ఉద్యోగ కథనాల కోసం క్లిక్ చేయండి.
