AP 10th Hall Tickets 2026: ఏపీ పదో తరగతి పబ్లిక్ పరీక్షల హాల్‌ టికెట్లు.. వాట్సప్‌లోనూ ఇలా డౌన్‌లోడ్ చేసేయండి!

AP SSC 10th class hall tickets

అమరావతి, మార్చి 5: ఆంధ్రప్రదేశ్‌ రాష్ట్ర వ్యాప్తంగా 2025-26 విద్యా సంవత్సరానికి సంబంధించి పదో తరగతి పబ్లిక్ పరీక్షలు మార్చ 16 నుంచి మొదలవనున్న సంగతి తెలిసిందే. ఈ పరీక్షలకు సంబంధించిన హాల్ టికెట్లు తాజాగా విడుదలయ్యాయి. విద్యార్ధులు పదో తరగతి పబ్లిక్‌ పరీక్షల హాల్‌ టికెట్లు పాఠశాల ప్రిన్సిపల్‌ల నుంచి నేరుగా పొందవచ్చు. లేదంటే మనమిత్ర వాట్సప్ 9552300009 నంబర్‌ ద్వారా కూడా డౌన్‌లోడ్ చేసుకోవచ్చు. మన మిత్ర వాల్సప్‌కు ‘Hi’ అని మెసేజ్‌ పంపితే హాల్‌టికెట్లు పొందే అవకాశాన్ని అధికారులు కల్పించారు. బోర్డ్ ఆఫ్ స్కూల్ ఎడ్యుకేషన్ అధికారిక వెబ్‌సైట్‌, మనమిత్ర వాట్సప్ నంబరు, పాఠశాల విద్యాశాఖకు చెందిన లీప్‌ యాప్‌.. ఇలా మూడు రకాలు విద్యార్ధులు తమ హాల్‌టికెట్లను డౌన్‌లోడ్‌ చేసుకోవచ్చని అధికారులు సూచించారు.

ఆయా తేదీల్లో పదో తరగతి పబ్లిక్‌ పరీక్షలు ఉదయం 9:30 గంటల నుంచి మధ్యాహ్నం 12:45 గంటల వరకు ఒకే షిఫ్టులో పరీక్షలు రాష్ట్ర వ్యాప్తంగా పలు పరీక్ష కేంద్రాల్లో జరగనున్నాయి. పరీక్షలకు హాజరయ్యే విద్యార్ధులు తమతోపాటు హాల్‌ టికెట్లను పరీక్ష కేంద్రాలకు తప్పనిసరిగా తీసుకెళ్లవల్సి ఉంటుంది.

ఏపీ పదో తరగతి పబ్లిక్ పరీక్షల 2026 పూర్తి టైమ్‌టేబుల్ ఇదే..

• మార్చి 16న ఫస్ట్ లాంగ్వేజ్
• మార్చి 18న సెకండ్ లాంగ్వేజ్
• మార్చి 21న ఇంగ్లిష్ పరీక్ష (మార్చి 20 నుంచి 21కి పరీక్ష తేదీ మారింది)
• మార్చి 23న మ్యాథమెటిక్స్‌
• మార్చి 25న ఫిజికల్ సైన్స్
• మార్చి 28న బయాలజికల్ సైన్స్ పరీక్ష
• మార్చి 30న సోషల్ స్టడీస్ పరీక్ష

మరిన్ని విద్యా, ఉద్యోగ కథనాల కోసం క్లిక్‌ చేయండి.