Top 5 Affordable EV cars: రూ.15 లక్షల లోపు అందుబాటులో ఉన్న ఎలక్ట్రిక్ కార్స్ ఇవే.. ఫీచర్లు, స్పెసిఫికేషన్లలో వీటికి ఏవీ సాటిరావంతే…!

Ev Cars

పెరుగుతున్న కాలుష్యం ప్రపంచవ్యాప్తంగా ప్రజలకు పెద్ద సవాలుగా మారింది. ముఖ్యంగా ఈ సమస్యను ఎదుర్కోవడానికి ప్రభుత్వాలు అనేక చర్యలు తీసుకుంటున్నాయి. ఎలక్ట్రిక్ వాహనాల అమ్మకాలను పెంచడం ద్వారా పెరుగుతున్న కాలుష్యానికి అడ్డుకట్ట వేయవచ్చని ప్రభుత్వాలు భావిస్తున్నాయి. పెరుగుతున్న పెట్రో ధరల దెబ్బకు చాలా మంది వాహన కొనుగోలుదారులు ఇప్పుడు ఎలక్ట్రిక్ వాహనాల కొనుగోలు వైపు మొగ్గు చూపుతున్నారు. ఈ విభాగంలో గత కొన్ని సంవత్సరాలుగా భారతదేశంలో ద్విచక్ర వాహనాలు భారీ వృద్ధిని సాధించాయి. అయితే ఫోర్ వీలర్ సెగ్మెంట్ మాత్రం ఇంకా అనుకున్నంత అంచనాకు చేరుకోలేదు. ఈవీ కార్ల అధిక ధరల దెబ్బకు చాలా మంది వీటి కొనుగోలుదారులు వెనకడుగు వేస్తున్నారు. దీంతో ప్రభుత్వ మద్దతుతో ఓఈఎంలు ఇప్పుడు ఎలక్ట్రిక్ కార్లను మరింత సరసమైన శ్రేణిలోకి తీసుకువస్తున్నాయి. రెండు సంవత్సరాల వ్యవధిలో రూ. 15 లక్షల లోపు 300 కి.మీ కంటే ఎక్కువ పరిధి కలిగిన బహుళ ఎలక్ట్రిక్ కార్లు వినియోగదారులను ఆకర్షిస్తున్నాయి. ప్రస్తుతం రూ. 15 లక్షల కంటే తక్కువ ధర కలిగిన టాప్ 5 కార్లు ఏం ఉన్నాయో? ఓ లుక్కేద్దాం.

ఎంజీ కామెట్ ఈవీ

ఎంజీ కామెట్ ఈవీ అనేది మూడు డోర్ల అర్బన్ ఎలక్ట్రిక్ సిటీ కారు. ఇది ఎంసీ జెడ్ఎస్ ఈవీ తర్వాత అందుబాటులోకి వచ్చిన రెండో ఈవీ. ఎంజీ కామెట్ ఈవీ అనేది ఇండోనేషియా మార్కెట్లో విక్రయించిన రీబ్యాడ్జ్ చేయబడిన వులింగ్ ఎయిర్ ఈవీ ఈ కార్ 25 కేడబ్ల్యూహెచ్  బ్యాటరీ ప్యాక్‌తో 50 కేడబ్ల్యూ మోటార్‌ను పొందుతుంది. ఒక్కసారి ఛార్జ్ చేస్తే 200 కిమీ కంటే ఎక్కువ డ్రైవింగ్ పరిధిని కలిగి ఉంటుంది. ఈ కార్ ధర రూ. 8 లక్షల కంటే తక్కువగా ఉంది. ఇది భారతదేశంలో అత్యంత సరసమైన ఎలక్ట్రిక్ కారుగా నిలిచింది. ఇన్స్ట్రుమెంట్ క్లస్టర్, ఇన్ఫోటైన్‌మెంట్ సెంటర్ కోసం డ్యూయల్ 10.25 అంగుళాల డిజిటల్ డిస్‌ప్లే వంటి ప్రీమియం ఫీచర్లతో ఆకర్షణీయంగా ఉంటుంది. 

టాటా టియాగో ఈవీ

టాటా టియాగో ఈవీ భారతదేశంలో అత్యంత సరసమైన రెండో ఎలక్ట్రిక్ కారు. దీని ప్రారంభ ధర రూ. 8.49 లక్షలు (ఎక్స్-షోరూమ్). ప్రాథమికంగా టాటా మోటార్స్ ఇప్పటికే విక్రయిస్తున్న ఐసీఈ వాహనాలకు అనుబంధంగా వాటిని ఎలక్ట్రిక్ వాహనాలుగా మారుస్తుంది. ఐసీఈ కార్లకు మాత్రమే సొంతమైన సాంప్రదాయిక రూపం, ఈవీ ప్రయోజనాల కోసం చాలా మంది ప్రజలు టాటా ఎలక్ట్రిక్ వాహనాలను కొనుగోలు చేయడానికి ఇష్టపడుతున్నారు. ఇది భద్రతా లక్షణాలతో కూడా లోడ్ చేశాు. అలాగే ప్రకాశవంతమైన రంగుల పాలెట్‌తో వస్తున్న కారును ఓ సారి చార్జ్ చేస్తే 315 కిలో మీటర్ల మైలేజ్ వస్తుంది. 

సిట్రోయెన్ సీ3 ఈవీ

భారతదేశంలో  ఫ్రెంచ్ బ్రాండ్‌కు చెందిన మొట్టమొదటి ఎలక్ట్రిక్ కారు అయిన సిట్రోయెన్ సీ3 ఎలక్ట్రిక్ కారు మొదటి ఎలక్ట్రిక్ సబ్-కాంపాక్ట్ ఎస్‌యూవీ. ఇది క్రూయిజ్ కంట్రోల్, రియర్ వైపర్, వాషర్, ఆటోమేటిక్ క్లైమేట్ కంట్రోల్ వంటి ఫీచర్లతో వస్తుంది. ఎక్కువగా సిట్రోయెన్ సీ3 ఐసీఈ వెర్షన్‌ను పోలి ఉంటుంది. ఇది 350 కిమీ పరిధిని క్లెయిమ్ చేసింది. అలాగే ఈ కార్ ధర రూ. 11.50 లక్షలుగా ఉంది. ఈ కార్ భారతదేశంలో అత్యంత సరసమైన ఎలక్ట్రిక్ ఎస్‌యూవీల్లో ఒకటిగా నిలిచింది.

టాటా టిగోర్ ఈవీ

టాటా టిగోర్ ఈవీ నుండి అత్యంత సరసమైన ఈవీ టైటిల్ లాక్ చేయబడినప్పటికీ ఇది ఇప్పటికీ చౌకైన వాటిలో ఒకటిగా ఉంది. ఈ కారు ధర 12.49 లక్షల రూపాయలకు కొంచెం అటుఇటుగా ఉంటుంది. కాంపాక్ట్ సెడాన్ టియాగో ఈవీకి సమానమైన శ్రేణిని కూడా అందిస్తుంది. ఒకే ఛార్జ్‌పై 312 కిలో మీటర్ల పరిధి వస్తుంది. వినియోగదారులను ఆకర్షించడానికి ఈ కారు టీల్ బ్లూ వంటి రంగులతో ఆకర్షణీయంగా ఉంటుంది.

టాటా నెక్సన్ ఈవీ

టాటా నెక్సాన్ ఈవీ అనేది ప్రపంచంలోని మొట్టమొదటి హై-వోల్టేజ్ భారతీయ ఎలక్ట్రిక్ వాహనం. భారతదేశంలో అత్యధికంగా అమ్ముడవుతున్న ఎలక్ట్రిక్ కారు. ఇది ప్రస్తుతం టాటా నెక్సాన్ ఈవీ ప్రైమ్‌గా మార్కెట్ చేస్తారు. అదే సమయంలో టాటా నెక్సాన్ ఈవీ మ్యాక్స్ వెర్షన్ కూడా ఉంది. రూ.14.99 లక్షల ప్రారంభ ధరతో, నెక్సాన్ ఈవీ  భారతదేశంలో అత్యంత ప్రజాదరణ పొందిన ఎలక్ట్రిక్ ఎస్‌యూవీ. నెక్సాన్ ఈవీప్రైమ్ 30.2 కేడబ్ల్యూహెచ్ బ్యాటరీ ప్యాక్‌కు శక్తినిచ్చే శాశ్వత మాగ్నెట్ సింక్రోనస్ మోటార్ 129 పీఎస్, 245 ఎన్ఎం గరిష్ట అవుట్‌పుట్‌ను కలిగి ఉంది. ఫలితంగా నెక్సాన్ ఈవీ ప్రైమ్ 312 కిలోమీటర్ల పరిధితో వస్తుంది. ఈ కార్ 10 సెకన్లలోపు గంటకు 0 నుంచి 100 కిమీ వేగాన్ని అందుకుంటుంది.

మరిన్ని బిజినెస్ న్యూస్ కోసం