Fixed Deposit: ఎస్‌బీఐ ప్రత్యేక ఫిక్స్‌డ్‌ డిపాజిట్‌ స్కీమ్‌ చివరి తేదీ పొడిగింపు.. వడ్డీ ఎంతంటే..!

best investment scheme

స్టేట్ బ్యాంక్ ఆఫ్ ఇండియా సీనియర్ సిటిజన్ల ప్రత్యేక ఫిక్స్‌డ్ డిపాజిట్‌ను మరోసారి పెంచింది. ఎస్‌బీఐ VCare సీనియర్ సిటిజన్ స్పెషల్ ఫిక్స్‌డ్‌ డిపాజిట్‌ని 20 మే 2020న ప్రవేశపెట్టింది. దీనిలో పెట్టుబడి తేదీ సెప్టెంబర్ 2020 వరకు ఉంది. దీని తర్వాత, పెట్టుబడి చివరి సమయం మార్చి 31, 2023 వరకు పొడిగించగా, ఇప్పుడు దానిని జూన్ 30, 2023కి పెంచింది.

ఎస్‌బీఐ వెబ్‌సైట్ ప్రకారం.. బ్యాంక్ సీనియర్ సిటిజన్‌ల కోసం ప్రత్యేక ఎఫ్‌డీలను ప్రవేశపెట్టింది. తద్వారా వారి ఆదాయ భద్రతతో పాటు, వారు అధిక వడ్డీ ప్రయోజనాన్ని పొందవచ్చు. సీనియర్ సిటిజన్లకు ప్రత్యేక ఎఫ్‌డి కింద 50 నుంచి 100 బేసిస్ పాయింట్లు ఎక్కువ వడ్డీ ఇస్తారు.

ప్రత్యేక ఎఫ్‌డీపై ఎంత వడ్డీ..

ఈ ప్రత్యేక ఫిక్స్‌డ్‌ డిపాజిట్‌ కింద బ్యాంక్ 5 సంవత్సరాల నుంచి 10 సంవత్సరాల కాలవ్యవధిపై 7.50 శాతం వడ్డీని ఇస్తుంది. మీరు ఈ ఫిక్స్‌డ్‌ డిపాజిట్‌లో పెట్టుబడి పెట్టాలనుకుంటే, మీరు బ్యాంక్ బ్రాంచ్, ఇంటర్నెట్ బ్యాంకింగ్ లేదా యోనో ద్వారా బుక్ చేసుకోవచ్చు. సీనియర్ సిటిజన్ల ఆదాయాన్ని కాపాడే లక్ష్యంతో ఈ ప్రత్యేక ఎఫ్‌డీని ప్రవేశపెట్టారు.

ఏ పదవీకాలానికి ఎంత వడ్డీ

• 7 నుంచి 45 రోజుల కాలవ్యవధిపై 3.5% వడ్డీ
• 46 నుంచి 179 రోజుల వ్యవధిలో 5%
• 180 రోజుల నుంచి 210 రోజుల వరకు 5.75%
• 211 రోజుల నుంచి 1 సంవత్సరానికి 6.25%
• 1 సంవత్సరం, 2 సంవత్సరాల మధ్య 7.3 శాతం
• 2 నుంచి 3 సంవత్సరాలకు 7.5%
• 3 నుంచి 5 సంవత్సరాలకు 7%
• 5 నుంచి 10 సంవత్సరాలకు 7.50% పైన

రుణ సౌకర్యం కూడా..

ఎవరైనా ఈ ఎఫ్‌డీ స్కీమ్‌లో పథకంలో పెట్టుబడి పెడితే, అతనికి రుణ సౌకర్యం కూడా ఇవ్వబడుతుంది. ఆదాయపు పన్ను శాఖ ప్రకారం.. మీరు ఆదాయంపై టీడీఎస్‌ ఛార్జీని కూడా చెల్లించాలి. ఈ బ్యాంకులు ప్రత్యేక ఎఫ్‌డీలు కూడా ఇస్తున్నాయి. ఎస్‌బీఐ కాకుండా, ఐసీఐసీఐ బ్యాంక్ ప్రత్యేక ఎఫ్‌డీ వడ్డీ ఏప్రిల్ 7న ముగుస్తుంది. హెచ్‌డీఎఫ్‌సీ, ఐడీఎఫ్‌సీ ప్రత్యేక ఎఫ్‌డీలు ఇంకా అప్‌డేట్ చేయలేదు.

మరిన్ని బిజినెస్ వార్తల కోసం ఇక్కడ క్లిక్ చేయండి