RBI: బ్యాంకులపై కొరఢా ఝులిపిస్తున్న ఆర్బీఐ.. మరో బ్యాంకుకు కోటి రూపాయల జరిమానా.. ఎందుకంటే..!
RBI: బ్యాంకులపై రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) కొరఢా ఝులిపిస్తోంది. నిబంధనలు ఉల్లంఘించినందుకు భారీ ఎత్తున జరిమానా విస్తోంది. గత రెండు రోజుల కిందట స్టేట్‌..
RBI: బ్యాంకులపై రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) కొరఢా ఝులిపిస్తోంది. నిబంధనలు ఉల్లంఘించినందుకు భారీ ఎత్తున జరిమానా విస్తోంది. గత రెండు రోజుల కిందట స్టేట్‌ బ్యాంక్‌ ఆఫ్‌ ఇండియాకు కోటి రూపాయల జరిమానా విధించిన ఆర్బీఐ.. ఇప్పుడు అదే జరిమానా మరో బ్యాంకుకు విధిస్తూ నిర్ణయం తీసుకుంది. సెంట్రల్‌ బ్యాంకు జారీ చేసిన ఆదేశాలలో నిబంధనలు సరిగ్గా పాటించని యూనియన్‌ బ్యాంక్‌ ఆఫ్‌ ఇండియాపై ఆర్బీఐ కోటి రూపాయల జరిమానా విధించింది. ఆర్బీఐ ప్రకారం.. బ్యాంకింగ్‌ రెగ్యులేషన్‌ చట్టంలోని సెక్షన్‌ 46 (4)(i), 51 (i) సెక్షన్‌లోని 47A (1) (c) నిబంధనల ప్రకారం ఈ జరిమానా విధించింది. అలాగే ఆర్బీఐ ఆదేశాలు పాటించనందున జరిమానా ఎందుకు విధించకూడదో తెలుపాలని బ్యాంకుకు నోటీసులు జారీ చేసింది.
కాగా, రెండు రోజుల కిందట ఎస్‌బీఐకి కోటి రూపాయల జరిమానా విధించిన విషయం తెలిసిందే. ఆర్బీఐ మార్గదర్శకాలకు విరుద్దంగా రుణగ్రహీత కంపెనీల్లో బ్యాంకుకు షేర్లున్నట్లు గుర్తించడంతో ఈ జరిమానా విధించింది. బ్యాంకింగ్‌ నియంత్రణ చట్టం కింద 1949లోని సెక్షన్‌ 19లో సబ్‌-సెక్షన్‌ ప్రకారం ఆర్బీఐ ఈ జరిమానా వేసింది. ఏ బ్యాంకింగ్‌ కంపెనీ అయినా ఏ కంపెనీలోనైనా వాటాలను, తనఖాగా, లేదా సంపూర్ణ యజమానిగా చెల్లించిన షేర్‌ క్యాపిటల్‌లో 30 శాతం కంటే ఎక్కువ మొత్తాన్ని కలిగి ఉండకూడదు. అనంతరం ఆదేశాలను ఉల్లంఘించినందుకు దానిపై జరిమానా ఎందుకు విధించకూడదో కోరుతూ స్టేట్‌ బ్యాంక్‌ ఆఫ్‌ ఇండియాకు ఆర్బీఐ నోటీసులు జారీ చేసింది.
ఇవి కూడా చదవండి: